ປີໃໝ່ຊ່ວງເວລາສັ້ນໆແຕ່ໂອກາດຫາລາຍໄດ້ຫຼາຍ

411

ອີກບໍ່ເທົ່າໃດມື້ ກໍຈະເຖິງເທດສະການທີ່ໃຜຫຼາຍຄົນລໍຖ້າມາຕະຫຼອດປີ ນັ້ນແມ່ນເທດສະການບຸນປີໃໝ່ລາວນັ້ນເອງ ຫຼາຍຄອບຄົວກໍໃຊ້ຊ່ວງເວລາຢຸດຍາວນີ້ ກັບບ້ານເກີດໄປຫາຄອບຄົວ, ນັດລວມຍາດຕິພີ່ນ້ອງ ເພື່ອພົບປະສ້າງສັນ ຖາມຂ່າວທຸກສຸກດີບ ປິລະເທື່ອໃຫ້ຊື່ນໃຈ ແຕ່ອີກຫຼາຍຄົນກໍ່ໃຊ້ຊ່ວງເທດສະການນີ້ຫາລາຍໄດ້ພິເສດຈາກການຂາຍເຄື່ອງທີ່ຕອບສະໜອງຕໍ່ຄວາມຕ້ອງການຂອງຜຸ້ຊົມໃຊ້ ເຮົາເລີຍມີທຸລະກິດສິນຄ້າມາແນະນຳໃຫ້ສຳລັບຜູ້ທີ່ຢາກຫາລາຍໄດ້ພິເສດຊ່ວງນີ້ມາແນະນຳ.

ນໍ້າ: ບໍ່ວ່າຈະເປັນນໍ້າດື່ມ, ນໍ້າເເພີ່ມສຳລັບຫຼິ້ນປີໃໝ່ ຫຼື ນ້ຳກ້ອນ ລ້ວນແລ້ວແຕ່ເປັນສິ່ງທີ່ຕ້ອງການຂອງລູກຄ້າ ເປັນຕົ້ນແມ່ນ ນໍ້າດື່ມຄາຍຮ້ອນ ແກ້ຄໍແຫ້ງ ຫຼື ນໍ້າກ້ອນທີ່ຄົນນິຍົມໃສ່ລົງໄປກັບນໍ້າ ຄາຍຮ້ອນໄດ້ ແຖມໃຜທີ່ຖືກຫົດນໍ້າຮັບຮອງວ່າມີໜາວ ຫຼື ຈະເປັນການນໍ້າເຕີມທີ່ໃຊ້ຫົດກັນ ຫຼື ຊື້ມາລ້າງໜ້າ ລ້າງໂຕ ເລີກຫຼິ້ນກ່ອນກັບບ້ານ.

ປືນສີດນໍ້າ, ຖັງນໍ້າ, ໂອ: ເມື່ອມີນໍ້າແລ້ວ ກໍ່ຕ້ອງມີອຸປະກອນສຳລັບໃສ່ສີດນໍ້າ ໄວ້ສາດໃສ່ກັນ ປືນສີດນໍ້າຈື່ງເປັນທີ່ນິຍົມກັນທຸກປີ ບໍ່ວ່າຈະເປັນເດັກ ຫຼືຜູ້ໃຫຍ່ກໍນິຍົມກັນຫຼາຍ ຍິ່ງມີລວດລາຍຮູບຮ່າງນ່າຮັກ ແລ້ວຍິ່ງເຮັດໃຫ້ຢາກໃຊ້ເພີ່ມຂື້ນໄປອີກເທົ່າໂຕ ຫຼື ຫາກໃຜມາແນວອະນຸລັກນິຍົມກໍ່ອາດຈະເປັນຂັນ ຫຼື ຢາກເນັ້ນປະລິມານຫຼາຍໆ ຖັງນໍ້າຂະໜາດນ້ອຍນ່າຈະເໝາະມື ກຳລັງດີ.

ຖົງກັນນໍ້າໃສ່ໂທລະສັບ: ເປັນອີກໜື່ງສິນຄ້າທີ່ຂາຍໄດ້ດີເຊັ່ນກັນ ເພາະບໍ່ວ່າໃຜກໍ່ມີໂທລະສັບຕິດໂຕເອົາໄວ້ໂທນັດພົບກັນຕາມສະຖານທີ່ຕ່າງໆ ຫຼື ໄວ້ໂທຍາມສຸກເສີນ ການມີຖົງຢາງກັນນໍ້າຈະຊ່ວຍໃຫ້ປ້ອງກັນຄວາມເສຍຫາຍຈາກໂທລະສັບເມື່ອຖືກນໍ້າສາດໄດ້ ການຫາລັກສະນະຂອງຖົງກັນນໍ້າທີ່ແຕກຕ່າງອອກໄປເຊັ່ນ: ລວດລາຍ, ຮູບຮ່າງ ທີ່ແຕກຕ່າງກໍ່ຈະຊ່ວຍໃຫ້ດຶງດູດໃຫ້ຜູ້ບໍລິໂພກຢາກເລືອກຊື້ຫຼາຍຂື້ນເຊັ່ນກັນ.

ແປ້ງ: ແປ້ງກໍ່ຂາຍດີເຊັ່ນກັນ ຫາກຮັບມາຈາກພື້ນທີ່ຜະລິດຕັ້ງແຕ່ຕົ້ນ ເພາະສ່ວນໃຫຍ່ຈະຂາຍເປັນໂລ ແລ້ວຄ່ອຍນຳມາຂາຍຍ່ອຍເປັນຖົງນ້ອຍໆ ແນວໃດກໍ່ຂາຍໄດ້ ເພາະນິຍົມເອົາແປ້ງໄປທາໝູ່ໃນກຸ່ມແກ້ງໜຸ່ມສາວ ແຕ່ເພື່ອຮັກສາ ວັດທະນະທຳ ຮີດຄອງປະເພນີ ຕ້ອງຂໍອະນຸຍາດກ່ອນໄປຈະທາແປ້ງໃສ່ຜູ້ໃດໜຶ່ງ.

ເສື້ອຮາວາຍ ( ເສື້ອລາຍດອກ): ການຂາຍເສື້ອລາຍດອກກໍ່ເປັນອີກສິນຄ້າທີ່ນິຍົມຫຼາຍ ເພາະສີສັນສົດໃສ ໃສ່ແລ້ວຜ່ອນຄາຍຄວາມຄຽດຈາກສະພາບອາກາດຮ້ອນ ນິຍົມໃສ່ກັນບໍ່ວ່າຈະເປັນ ອົງກອນ ຫຼື ບໍລິສັດຕ່າງໆ ເພື່ອໃຫ້ເຂົ້າກັບຊ່ວງເທດສະການສົງການ ຫຼື ໃສ່ຫຼິ້ນນໍ້າກໍ່ໄດ້ເໝືອນກັນ ຫຼື ອາດຈະເຮັດເສື້ອ ປໍ້າຕິດໜັງສື ໄວ້ເທິງເສື້ອຂາຍ ເຊັ່ນ: “ຫົດນໍ້າໄດ້ ແຕ່ບໍ່ເອົານໍ້າເຢັນ” ກໍ່ນ່າຈະໄດ້ຮັບຄວາມນິຍົມກັນຫຼາຍ ແລະສາມາດສ້າງລາຍໄດ້ໃນຊ່ວງນີ້ ໄດ້ພໍສົມຄວນ.

ເປີດຮ້ານອາຫານ: ແນວໃດຄົນທຸກຄົນຕ້ອງກິນເຂົ້າຍິ່ງຖ້າຫຼີ້ນນໍ້າມາເມື່ອຍໆ ຄວາມຫິວຍິ່ງເພີ່ມຂື້ນ ການເຮັດເຂົ້າກ່ອງທີ່ເຮັດບໍ່ຍາກຫາຊື້ງ່າຍ ເຊັ່ນ: ເຂົ້າຜັດ, ເຂົ້າກະເພົາ, ລູກຊີ້ນ, ປະເພດຕຳ, ເຝີ, ເຂົ້າປຽກ ແລະອື່ນໆ. ທີ່ຫາຊື້ງ່າຍ ແລະ ລາຄາບໍ່ແພງ ເຮັດແນວໃດຂາຍກໍ່ຕ້ອງໄດ້ຂາຍຢ່າງແນ່ນອນ.

ນອກຈາກນີ້ ສິນຄ້າທີ່ຂາຍດີ ຍັງມີ ທູບທຽນ, ດອກໄມ້, ໝາກເບັງ, ນໍ້າຫອມ ເພື່ອກຽມໄວ້ໄປໃຊ້ ຫົດນໍ້າດຳຫົວຜູ້ໃຫຍ່, ເຮັດຂັນສຸມມາ ແລະ ແຕ່ງນໍ້າຫອມ ເພື່ອໄປສົງພະ ແລະ ອື່ນໆ ອີກຫຼາຍຢ່າງ.

ຂໍ້ມູນທີ່ກ່າວມານີ້ເປັນພຽງແຕ່ຕົວຢ່າງໃນການກອບໂກຍເງິນຈາກທຸລະກິດ ຊ່ວງປີໃໝ່ ພາຍໃນໄລຍະເວລາສັ້ນໆ ເທົ່ານັ້ນ ເຊິ່ງຍັງມີຊ່ວງການຫາເງິນຫຼາຍໆອີກ ໃຜທີ່ສົນໃຈ ແລະກຳລັງເບິ່ງຫາຊ່ອງທາງທຸລະກິດໃນການທຳມາຫາກິນຢູ່ ກໍ່ລອງສືກສາຫາຂໍ້ມູນເພີ່ມເຕີມບໍ່ແນ່ວ່າ ພຽງຊ່ວງເວລາສັ້ນໆ ອາດເຮັດໃຫ້ທ່ານໄດ້ເງິນເປັນກອບເປັນກຳກໍ່ໄດ້.