ບົວລອຍນໍ້າຂີງ ທີ່ທ່ານຕ້ອງລອງ !!

376

ສຳລັບວັນພັກຜ່ອນແບບນີ້ ລອງມາເຮັດເມນູ ບົວລອຍນໍ້າຂີງ ກັນດີກວ່າ ເພາະວ່າຂັ້ນຕອນ ແລະ ວິການເຮັດກໍ່ງ່າຍ ພ້ອມທັງວັດຖຸດິບກໍ່ຊອກຊື້ໄດ້ງ່າຍໆ ເຊິ່ງຈະເປັນແນວໃດລອງມາເບິ່ງນຳກັນເລີຍ.

ສ່ວນປະກອບ

ແປ້ງເຂົ້າໜຽວ 1 ຖ້ວຍ

ແປ້ງຖົ່ວຂຽວ 3 ບ່ວງແກງ

ນໍ້າສະອາດ ½ ຖ້ວຍ

ງາດຳປົ່ນ 1 ຖ້ວຍ

ນ້ຳຕານຊາຍ ½ ຖ້ວຍ

ເນຍຖົ່ວຊະນິດຫຍາບ 170 ກຣາມ

ນ້ຳສະອາດ 5 ຖ້ວຍ

ນໍ້າຕານ 1 ຖ້ວຍ

ເກືອ ½ ບ່ວງກາເຟ

ຂີງແກ່ເຜົາໄຟ 3-4 ອັນ

ວິທີເຮັດ

ວິທີເຮັດໄສ້ບົວລອຍແມ່ນຖອກນ້ຳຕານໃສ່ພາຊະນະ ຕາມດ້ວຍງາດຳປົ່ນ ແລະ ເນຍຖົ່ວ ຄົສ່ວນປະສົມໃຫ້ເຂົ້າກັນຖ້າບໍ່ມັກຫວານກໍ່ຫຼຸດນ້ຳຕານລົງໄດ້. ຫຼັງຈາກນັ້ນ ປັ້ນເປັນກ້ອນມົນໆແລ້ວນຳໄປແຊ່ຊ້ອງແຂງໃນຕູ້ເຢັນ.

ວິທີເຮັດແປ້ງບົວລອຍຫໍ່ໄສ້ແມ່ນຖອກແປ້ງທັງສອງຊະນິດໃສ່ພາຊະນະ ຕາມດ້ວຍນ້ຳສະອາດ ແລ້ວນວດຈົນແປ້ງນຽນລະອຽດກຽມໄວ້.

ວິທີເຮັດນ້ຳຂີງແມ່ນປອກຂີງທີ່ເຜົາໄຟປະມານ 2-3 ອັນຈະຝານເປັນແຜ່ນ ຫຼື ທຸບເລັກນ້ອຍກໍ່ໄດ້ພໍຕົ້ມນ້ຳຟົດແລ້ວກໍ່ໃສ່ຂີງລົງໄປ ຕາມດ້ວຍນ້ຳຕານ ແລ້ວປະໄວ້ປະມານ 5 ນາທີ ແລ້ວປິດໄຟ.

ນຳເອົາໄສ້ຂະນົມມາຈາກຕູ້ເຢັນ. ຫຼັງຈາກນັ້ນ, ນຳເອົາແປ້ງທີ່ນວດກຽມໄວ້ມາປັ້ນ ໃຊ້ມືແຕະຜົງແປ້ງເຂົ້າໜຽວ ເພື່ອບໍ່ໃຫ້ແປ້ງປັ້ນຕິດມື, ແລ້ວປັ້ນແປ້ງເປັນກ້ອນມົນໆແລ້ວທັບໃຫ້ແບນ ແລ້ວເອົາໄສ້ທີ່ກຽມໄວ້ວາງໃສ່ເທິງແລ້ວຫໍ່ໃຫ້ແໜ້ນ ຫຼັງຈາກນັ້ນແລ້ວ ກໍ່ເອົາໄປວາງໄວ້ແປ້ງເຂົ້າໜຽວເພື່ອບໍ່ໃຫ້ຕິດກັນ.

ນຳໝໍ້ນ້ຳຂີງໄປຄ້າງໄຟໃຫ້ຟົດ ແລ້ວນຳເອົາຂະໜົມທີ່ຫໍ່ໄວ້ໃສ່ລົງໄປໃນໝໍ້ແລ້ວຕົ້ມຈົນສຸກ ຫຼັງຈາກນັ້ນກໍ່ພ້ອມເສີບໄດ້.