ປູກຜັກຂາຍສ້າງລາຍຮັບ 175 ລ້ານກີບ ພາຍໃນ 3 ເດືອນ

156

ມາຮູ້ຈັກກັບ ໜຸ່ມ ອາເນັກ ຂະຫຍັນຂາຍ ຫຼື ຕາ ອາຍຸພຽງ 35 ປີ. ຈາກລູກຊາວນາ ອະດີດມະນຸດເງິນເດືອນຫ້ອງການ ຫັນຕົວເອງມາເຮັດກະສິກຳແບບເຕັມຕົວ ມາເປັນນັກປັງປຸງພັນສະຫຼັດ ແລະ ຜະລິດເມັດພັນຜັກອິນຊີ ແລະ ເຈົ້າຂອງຟາມ ຜັກ ດອກໄມ້ອິນຊີ ໃນຈັງຫວັດຊຽງໃໝ່ ປະເທດໄທ ໃນຊ່ອງທາງອອນລາຍ ເຊິ່ງສາມາດສ້າງລາຍໄດ້ເດືອນລະເກືອບ 200 ລ້ານກີບ ເຮັດຕາມຄວາມຝັນຂອງຕົນເອງໃຫ້ເປັນຈິງ ປັດຈຸບັນມີທັງເຮືອນ, ດິນ ແລະ ລົດ.

May be an image of 1 person and outdoors

ຄວາມສຳເລັດຂອງໜຸ່ມ ອາເນັກນີ້ຍິ່ງເຮັດໃຫ້ເຫັນວ່າທຸລະກິດອອນລາຍເປັນເລື່ອງທີ່ປະສົບຜົນສຳເລັດໄດ້ແທ້ ຖ້າວ່າທຸກຄົນເລີ່ມລົງມືເຮັດ ແລະ ກ້າທີ່ຈະກ້າວເດີນໄປເຮັດຕາມຄວາມຝັນຂອງຕົນເອງຢ່າງມຸ່ງໝັ້ນ ເຊິ່ງວ່າຈຸດເລີ່ມຕົ້ນແມ່ນມາຈາກການຂັດໃຈຂອງພໍ່ ລາອອກຈາກວຽກປະຈຳມາເຮັດກະສິກຳ.

ເຊິ່ງພໍ່ແມ່ນມີອາຊີບກະເສດ ແມ່ມີອາຊີບຄ້າຂາຍ ແລະ ຄິດຢາກມີທຸລະກິດເປັນຂອງຕົນເອງ ກໍເລີຍເລີ່ມລົງມືສ້າງຟາມຜັກ ດອກໄມ້ອິນຊີ ດ້ວຍພື້ນທີ່ບໍ່ໃຫຍ່ ແລະ ລູກນ້ອງພຽງ 1 ຄົນ ເຊິ່ງວ່າໃນໄລຍະບຸກເບີກຍັງບໍ່ມີຕະຫຼາດຮັບຮອງຫຼາຍເທົ່າທີ່ຄວນ ແຕ່ເພາະຄວາມມັກຮັກ ຈຶ່ງບໍ່ຢ້ານຕໍ່ອຸປະສັກໃດໆ.

May be an image of 1 person, flower and outdoors

ມື້ໜຶ່ງໜຸ່ມອາເນັກ ຕັດສິນໃຈໂພສຂັ້ນຕອນຕ່າງໆລົງໂຊຊຽວ ເປັນຕົ້ນແມ່ນການລົງຮູບ ລົງຄິບ ລາຍລະອຽດການປູກໃຫ້ຜູ້ຄົນສົນໃຈທັງເຟສບຸ໊ກ, ຢູທຸບຂອງຕົນເອງ ຈົນມີຄົນເລີ່ມມາຊື້ເມັດພັນໄປໃຊ້ ແລະ ບາງຄັ້ງກໍມີການແຈກເມັດພັນຟຣີ ແລະ ມີຫຼາຍຄົນທີ່ຫັນປ່ຽນຈາກທີ່ເຄີຍຊື້ບ່ອນອື່ນຫັນມາຊື້ກັບຕົນໃນທີ່ສຸດ.

May be an image of 1 person, standing and car

ໂດຍໄດ້ໃຊ້ພື້ນທີ່ອອນລາຍໃຊ້ໃນການນຳສະເໜີ ເພື່ອໃຫ້ຄົນຮູ້ຈັກ ແລະ ຕິດຕາມຫຼາຍ ຈົນມີຄົນແຊຣ໌ເປັນຈໍານວນຫຼາຍ ແລະ ມາຊື້ຫຼາຍຂຶ້ນເລື້ອຍໆ ຈົນທີ່ສຸດແລ້ວຈາກ 1 ງານສູ່ 1 ໄລ່ ພະລັງໂຊຊຽວ 3 ເດືອນສາມາດສ້າງລາຍຮັບ ເກືອບ 200 ລ້ານກີບ, ເມື່ອທຸລະກິດຮູ້ຈັກກັນຫຼາຍຂຶ້ນໃນໂລກອອນລາຍ ເຮັດໃຫ້ເຫັນຜົນໄດ້ຢ່າງວ່ອງໄວ ມີທັງລູກຄ້າປະຈຳ ແລະ ລູກຄ້າອອນລາຍ ແລະ ໄດ້ຂະຫຍາຍພື້ນທີ່ ແລະ ຖືວ່າປະສົບຜົນສຳເລັດໃນທີ່ສຸດ.

ຈາກ: Anek khayankhai