ປະເທດສະວິດ ລົງປະຊາມະຕິເຫັນດີ ຮ່າງກົດໝາຍເພດດຽວກັນສາມາດແຕ່ງດອງໄດ້

183

ສຳນັກຂ່າວຕ່າງປະເທດລາຍງານຈາກເມືອງຊູຣິກ ປະເທດສະວິດເຊີແລນ ເມື່ອວັນຈັນ ທີ 27 ກັນຍາ ວ່າ ລັດຖະບານສະວິດ ໄດ້ຈັດການລົງປະຊາມະຕິ ເມື່ອວັນອາທິດ ຜ່ານມາ ໃນຍັດຕິຄຳຖາມວ່າດ້ວຍ “ຮ່າງກົດໝາຍສົມລົດເທົ່າທຽມ” ຄືການຮັບຮອງໃຫ້ສາມາດແຕ່ງດອງກັບຄູ່ຮັກເພດດຽວກັນໄດ້ ໂດຍມີຜົນຜູກພັນທາງກົດໝາຍ  ເພື່ອເປີດຊ່ອງທາງໃຫ້ມີການຈົດທະບຽນຮັບລ້ຽງບຸດບຸນທຳໄດ້.

อาจเป็นรูปภาพของ 9 คน

ຜົນການລົງຄະແນນປະກົດວ່າ ມີຜູ້ສະໜັບສະໜູນ 64.1% ເຮັດໃຫ້ຮ່າງກົດໝາຍດັ່ງກ່າວມີຜົນບັງຄັບໃຊ້ ຂະນະທີ່ ທ່ານນາງ ຄາຣິນ ເຄລເລີ-ຊຸດເທີ (Karin Keller-Sutter) ລັດຖະມົນຕີກະຊວງຍຸຕິທຳຂອງສະວິດ ກ່າວວ່າ ກົດໝາຍດັ່ງກ່າວຄາດຈະມີຜົນບັງຄັບໃຊ້ຢ່າງເປັນທາງການ ໃນວັນທີ 1 ກໍລະກົດ ປີໜ້າ ເຊິ່ງຈະເຮັດໃຫ້ສະວິດເຊີແລນເປັນປະເທດທີ 30 ໃນໂລກ ທີ່ມີກົດໝາຍຮອງຮັບຄູ່ສົມລົດເພດດຽວກັນ ແຕ່ເປັນປະເທດກຸ່ມທ້າຍຂອງທະວີບເອີຣົບ ທັງນີ້ ປະເທດເນເທີແລນແມ່ນເປັນທັງປະເທດທຳອິດຂອງໂລກ ແລະ ເອີຣົບ ທີ່ຮອງຮັບຄູ່ສົມລົດເພດດຽວກັນໃຫ້ມີຜົນຜູກພັນທາງກົດໝາຍ ເມື່ອວັນທີ 1 ເມສາ 20.