ເກົາຫຼີໃຕ້ຍັງມີຜູ້ຕິດເຊື້ອໂຄວິດປະຈຳວັນຫຼາຍກວ່າ 2.000 ຄົນ ພາກລັດເຄັ່ງຄັດການຄວບຄຸມ

224

ລັດຖະບານເກົາຫຼີໃຕ້ຂະຫຍາຍໄລຍະບັງຄັບໃຊ້ມາດຕະການຄວບຄຸມທາງສັງຄົມອອກໄປອີກຈົນເຖິງຕົ້ນເດືອນໜ້າ ເນື່ອງຈາກຍັງມີຜູ້ຕິດເຊື້ອໂຄວິດຫຼາຍກວ່າ 2.000 ຄົນຕໍ່ມື້.

ສຳນັກຂ່າວຕ່າງປະເທດລາຍງານຈາກນະຄອນຫຼວງໂຊ ປະເທດເກົາຫຼີໃຕ້ ເມື່ອວັນສຸກ ທີ 20 ສິງຫາ ວ່າ ສູນຄວບຄຸມ ແລະ ປ້ອງກັນພະຍາດເກົາຫຼີ (KCDC) ລາຍງານສະຖິຕິຜູ້ຕິດເຊື້ອໂຄວິດ-19 ສະສົມໃນເກົາຫຼີໃຕ້ ຢ່າງໜ້ອຍ 232.859 ເພີ່ມຂຶ້ນ 2.052 ຄົນ ແລະ ນັບເປັນ 45 ວັນຕິດຕໍ່ກັນ ທີ່ເກົາຫຼີໃຕ້ໄດ້ຢືນຢັນຜຸ້ຕິດເຊື້ອປະຈຳວັນຫຼາຍກວ່າ 2.000 ຄົນ ແລະ ຈຳນວນຜູ້ຕິດເຊື້ອສູງເປັນປະຫວັດການ 2.222 ຄົນ ເມື່ອວັນທີ 11 ສິງຫາ ຜ່ານມາ.

ຂະນະທີ່ ສະຖິຕິຜູ້ເສຍຊີວິດສະສົມຢ່າງໜ້ອຍ 2.197 ຄົນ, ເພີ່ມໃໝ່ 6 ຄົນ ແລະ ປິ່ນປົວຫາຍດີຢ່າງໜ້ອຍ 202.775 ຄົນ, ເພີ່ມໃໝ່ 1.540 ຄົນ.

อาจเป็นรูปภาพของ กลางแจ้ง

ນາຍົກລັດຖະມົນຕີຄິມ ບູ-ຄຍອມ ກ່າວວ່າສະຖິຕິທັງໝົດສະທ້ອນໃຫ້ເຫັນວ່າ ເກົາຫຼີໃຕ້ຍັງບໍ່ສາມາດຄວບຄຸມການແຜ່ລະບາດໃນຮອບປັດຈຸບັນ ເຊິ່ງເປັນການລະບາດຮອບທີ 4 ໄດ້ແບບມີປະສິດທິພາບ. ດັ່ງນັ້ນ, ລັດຖະບານຈຶ່ງໄດ້ຂະຫຍາຍໄລຍະບັງຄັບໃຊ້ມາດຕະການຄວບຄຸມທາງສັງຄົມອອກໄປອີກຢ່າງໜ້ອຍ 2 ອາທິດ ໂດຍຄຳສັ່ງສະບັບໃໝ່ຈະມີຜົນບັງຄັບໃຊ້ຕັ້ງແຕ່ວັນຈັນທີ 23 ສິງຫາ ຈົນເຖິງວັນທີ 5 ກັນຍານີ້.

อาจเป็นรูปภาพของ หนึ่งคนขึ้นไป, ผู้คนกำลังยืน และสถานที่ในร่ม

ທັງນີ້ ນະຄອນຫຼວງໂຊ ເມືອງອິນຊອນ ແລະ ແຂວງຄຍອງກີ ຍັງຢູ່ພາຍໃຕ້ມາດຕະການຂັ້ນທີ 4 ເຊິ່ງເປັນຂັ້ນສູງສຸດ ແຕ່ຮ້ານອາຫານຕັ້ງປິດພາຍໃນ 21:00 ໂມງ ໄວກວ່າເກົ່າ 1 ຊົ່ວໂມງ ແລະ ຫ້າມຢູ່ຮວມກຸ່ມເກີນ 2 ຄົນ ຫຼັງເວລາ 18:00 ໂມງ ແຕ່ສາມາດເພິ່ມຈຳນວນໄດ້ບໍ່ເກີນ 2 ຄົນ ໃນກໍລະນີທີ່ບຸກຄົນທີ່ເຂົ້າມາເພິ່ມໄດ້ຮັບວັກແຂັງຄົບ 2 ໂດສມາແລ້ວ ບໍ່ຕ່ຳກວ່າ 14 ວັນ ສ່ວນພື້ນທີ່ອື່ນໃນປະເທດຢູ່ພາຍໃຕ້ມາດຕະການຄວບຄຸມຂັ້ນທີ 3 ເຊິ່ງເຂັ້ໝງວດໜ້ອຍກວ່າ.