ສູງເປັນປະຫວັດການ! ເກົາຫຼີໃຕ້ ພົບຜູ້ຕິດເຊື້ອໂຄວິດປະຈຳວັນ 2.200 ຄົນ

446

ຜູ້ຕິດເຊື້ອໂຄວິດ-19 ໃນປະເທດເກົາຫຼີໃຕ້ ເພີ່ມຂຶ້ນຫຼາຍກວ່າ 2.200 ຄົນເປັນຄັ້ງທໍາອິດ ນັບຕັ້ງແຕ່ກວດພົບຜູ້ຕິດເຊື້ອຄົນທໍາອິດ ເມື່ອເດືອນມັງກອນປີຜ່ານມາ ເຊິ່ງເປັນການຕິດເຊື້ອ delta.

ສຳນັກຂ່າວຕ່າງປະເທດລາຍງານຈາກນະຄອນຫຼວງໂຊ ປະເທດເກົາຫຼີໃຕ້ ເມື່ອວັນພຸດ ທີ 11 ສິງຫາ ວ່າ ສູນຄວບຄຸມ ແລະ ປ້ອງກັນພະຍາດຂອງເກົາຫຼີໃຕ້ (KCDC: Korea Centers for Disease Control and Prevention) ລາຍງານສະຖິຕິຜູ້ຕິດເຊື້ອໂຄວິດ-19 ສະສົມຢ່າງໜ້ອຍ 216.206 ຄົນ, ເພີ່ມໃໝ່ 2.223 ຄົນ, ເປັນສະຖິຕິປະຈຳວັນສູງທີ່ສຸດ ນັບຕັ້ງແຕ່ເກົາຫຼີໃຕ້ຜະເຊີນກັບການແຜ່ລະບາດ ເມື່ອເດືອນມັງກອນປີຜ່ານມາ. ທັງນີ້, ເກົາຫຼີໃຕ້ ມີຜູ້ຕິດເຊື້ອປະຈຳວັນທີ່ໄດ້ຢືນຢັນຫຼາຍກວ່າ 1.000 ຄົນ ຕັ້ງແຕ່ວັນທີ 7 ກໍລະກົດ ຜ່ານມາ.

ຂະນະທີ່ ສະຖິຕິຜູ້ເສຍຊີວິດເພີ່ມຂຶ້ນຢ່າງໜ້ອຍ 2.135 ຄົນ, ເພີ່ມໃໝ່ 1 ຄົນ ສ່ວນສະຖິຕິຜູ້ປິ່ນປົວຫາຍດີສະສົມຢ່າງໜ້ອຍ 189.506 ຄົນ, ເພີ່ມໃໝ່ 1.983 ຄົນ.

อาจเป็นรูปภาพของ หนึ่งคนขึ้นไป และสถานที่ในร่ม

ທ່ານຄວອນ ດັອກ-ຊອລ ລັດຖະມົນຕີກະຊວງສາທາລະນະສຸກຂອງເກົາຫຼີໃຕ້ ຍອມຮັບວ່າ ເຖິງວ່າລັດຖະບານໄດ້ບັງຄັບໃຊ້ມາດຕະການຄວບຄຸມທາງສັງຄົມຢ່າງເຂັ້ມງວດມາດົນກວ່າໜຶ່ງເດືອນແລ້ວ ແຕ່ການຕິດເຊື້ອປະຈຳວັນຍັງເພິ່ມຂຶ້ນຢ່າງຕໍ່ເນື່ອງ ເຊິ່ງເປັນຜົນມາຈາກການແຜ່ລະບາດຂອງສາຍພັນ “delta”.

ຂະນະດຽວກັນ, ຜົນການສືບສວນພະຍາດປະກົດວ່າ ພົບການແຜ່ລະບາດເປັນກຸ່ມກ້ອນໃນລັກສະນະທີ່ງຽບຫຼາຍບໍ່ສາມາດຫາສາເຫດຕົ້ນຕໍຂອງຜູ້ຕິດເຊື້ອຄົນທຳອິດໄດ້ ເນື່ອງຈາກຫຼາຍກໍລະນີເກີດຂຶ້ນໃນຄົວເຮືອນ, ສະຖານທີ່ເຮັດວຽກ ແລະ ໂຮງຮຽນ.