ເດັດຂາດ! ຈີນສັ່ງກວດໂຄວິດທົ່ວອູ່ຫັ້ນ ຫຼັງພົບຜູ້ຕິດເຊື້ອຄົນທຳອິດ ໃນຮອບ 1 ປີ

259

ຈີນຢືນຢັນພົບຜູ້ຕິດເຊື້ອໂຄວິດ – 19 ພາຍໃນປະເທດເພີ່ມອີກ 61 ຄົນ ໃນຈຳນວນ 7 ຄົນນີ້ ແມ່ນຢູ່ເມືອງອູ່ຫັ້ນ ແລະ ເປັນຄັ້ງ ທຳອິດໃນຮອບປີ ທີ່ກວດພົບຄົນຜູ້ຕິດເຊື້ອພາຍໃນຊຸມຊົນ ເຮັດໃຫ້ທາງການມີຄຳສັ່ງກວດເຊື້ອທົ່ວເມືອງທີ່ມີປະຊາຊົນອາໄສຢູ່ 11 ລ້ານຄົນ.

ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນອັງຄານ ທີ 3 ສິງຫາ ວ່າ: ຄະນະກຳມາທິການສາທາລະນະສຸກແຫ່ງຊາດ ( NHC ) ລາຍງານສະຖິຕິຜູ້ຕິດເຊື້ອໂຄວິດ – 19 ສະສົມໃນປະເທດຢ່າງໜ້ອຍ 93.193 ຄົນ ເພີ່ມໃໝ່ 90 ຄົນ. ຂະນະທີ່ສະຖິຕິການເສຍຊີວິດສະສົມຢ່າງໜ້ອຍ 4.636 ຄົນ ສ່ວນສະຖິຕິຜູ້ທີ່ຍັງປິ່ນປົວໃນໂຮງໝໍມີຢ່າງໜ້ອຍ 1.157 ຄົນ ໂດຍມີຜູ້ປິ່ນປົວດີໃໝ່ 24 ຄົນ.

ຂະນະທີ່ເທສະບານເມືອງອູ່ຫັ້ນ ເມືອງເອກຂອງມົນທົນຫູເປີຍ ປະກາດຄຳສັ່ງສຸກເສີນໃຫ້ປະຊາຊົນທົ່ວເມືອງ 11 ລ້ານຄົນ ຕ້ອງເຂົ້າຮັບການກວດຄັດກອງຫາເຊື້ອ ເນື່ອງຈາກຈຳນວນຜູ້ຕິດເຊື້ອໃໝ່ ທັງ 90 ຄົນ ມີ 61 ຄົນ ເປັນການຕິດເຊື້ອພາຍໃນປະເທດ ແລະ 7 ຄົນ ເປັນຊາວເມືອງອູ່ຫັ້ນ ເຊິ່ງເປັນຄັ້ງທຳອິດໃນຮອບປີ ຂອງເມືອງແຫ່ງນີ້ພົບຜູ້ຕິດເຊື້ອໂຄວິດຈາກພາຍໃນປະເທດ.