ຍີ່ປຸ່ນ ໃຫ້ຜູ້ຕິດເຊື້ອໂຄວິດ “ອາການປານກາງ” ກັບເມືອປິ່ນປົວຢູ່ເຮືອນ

186

ລັດຖະບານຍີ່ປຸ່ນ ປະກາດການສຳຮອງຕຽງໃນໂຮງໝໍສຳລັບຜູ້ປ່ວຍໂຄວິດ-19 ແມ່ນໃຫ້ໃຊ້ສະເພາະຜູ້ທີ່ມີອາການຮ້າຍແຮງ ເຊິ່ງໝາຍຄວາມວ່າ ຕັ້ງແຕ່ຜູ້ປ່ວຍອາການປານກາງລົງໄປ  ຕ້ອງກັບໄປປິ່ນປົວຢູ່ເຮືອນ.

ສຳນັກຂ່າວຕ່າງປະເທດລາຍງານຈາກນະຄອນຫຼວງໂຕກຽວ ປະເທດຍີ່ປຸ່ນ ເມື່ອວັນອັງຄານ ທີ 3 ສິງຫາ ວ່າ ນາຍົກລັດຖະມົນຕີໂຢຊິຮິເດະ ຊຶງະ ຖະແຫຼງການ ເມື່ອຄືນວັນຈັນ ຜ່ານມາ ກ່ຽວກັບສະຖານະການໂຄວິດ-19 ຢູ່ໃນປະເທດຍີ່ປຸ່ນ ວ່າ ການທີ່ລະບົບສາທາລະນະສຸກມີທ່າອ່ຽງຜູ້ປ່ວຍເພິ່ມຂຶ້ນຕໍ່ເນື່ອງ ນັບຈາກ​ນີ້ເປັນຕົ້ນ​ໄປ ລັດຖະບານຈະເນັ້ນໃຫ້ຄວາມສຳຄັນກັບຜູ້ປ່ວຍອາການຮ້າຍແຮງ ແລະ ຜູ້ປ່ວຍທີ່ມີທ່າອ່ຽງອາການຮ້າຍແຮງເປັນຫຼັກ ໝາຍຄວາມວ່າໂຮງໝໍທຸກແຫ່ງໃນປະເທດຈະສຳຮອງຕຽງໃຫ້ກັບຜູ້ປ່ວຍກຸ່ມດັ່ງກ່າວກ່ອນ.

ຂະນະທີ່ ຜູ້ປ່ວຍທີ່ມີອາການເບົາລົງກວ່ານັ້ນ ຫຼື ລະດັບປານກາງລົງໄປ ໃຊ້ວິທີການປິ່ນປົວຢູ່ເຮືອນ ເຊິ່ງວ່າທ່ານນາຍົກຢືນຢັນວ່າ ຖ້າຜູ້ປ່ວຍກຸ່ມນີ້ເລິ່ມມີອາການຮ້າຍແຮງ ທຸກຄົນຈະສາມາດເຂົ້າເຖິງລະບົບການປິ່ນປົວໃນໂຮງໝໍ ເຊິ່ງໝາຍເຖິງຈະມີຕຽງໃຫ້ນອນ. ຢ່າງໃດກໍ່ຕາມຫຼາຍຝ່າຍໃນຍີ່ປຸ່ນໄດ້ວິຈານກັບປັບປ່ຽນແນວທາງການໃຫ້ຕຽງກັບຜູ້ປ່ວຍໂຄວິດ ວ່າເປັນການໂຍນພາລະ.

ທາງດ້ານກະຊວງສາທາລະນະສຸກຂອງຍີ່ປຸ່ນໄດ້ເປີດເຜີຍຂໍ້ມູນເບື້ອງຕົ້ນກ່ຽວກັບພົນລະເມືອງ 3 ຄົນ ທີ່ເດີນທາງກັບມາຈາກຕ່າງປະເທດ ແລະ ບໍ່ປະຕິບັດຕາມມາດຕະການກັກຕົວ ນັບເປັນຄັ້ງທຳອິດທີ່ລັດຖະບານເປີດເຜີຍຂໍ້ມູນຊື່ ແລະ ນາມສະກຸນຂອງຜູ້ທີ່ລະເມີດມາດຕະການຄວບຄຸມພະຍາດຂອງລັດ. ເອີ້ນສຽງວິພາກວິຈານຢ່າງໜັກຈາກຫຼາຍພາກສ່ວນວ່າຈະເປັນການບຸກລຸກຄວາມເປັນສ່ວນຕົວ ຫຼື ບໍ່.