ຫວຽດນາມ ເສຍຊີວິດປະຈຳວັນຈາກໂຄວິດ ຫຼາຍກວ່າ 100 ຄົນ ເປັນຄັ້ງທຳອິດ

231

ລັດຖະບານຫວຽດນາມຢືນຢັນມີຜູ້ເສຍຊີວິດຈາກໂຄວິດ-19 ຫຼາຍກວ່າ 100 ຄົນໃນມື້ດຽວເປັນຄັ້ງທຳອິດ ຂະນະທີ່ ເງິນບໍລິຈາກ ຈຳນວນຫຼວງຫຼາຍໄຫຼເຂົ້າກອງທຶນສັກແຊັງ ໃນເວລາດຽວກັນ ລັດຖະບານດຳເນີນຂໍຮັບການຖ່າຍທອດເຕັກໂນໂລຢີວັກແຊັງຈາກຕ່າງປະເທດ.

ສຳນັກຂ່າວຕ່າງປະເທດລາຍງານຈາກນະຄອນຫຼວງຮາໂນ່ຍ ປະເທດຫວຽດນາມ ເມື່ອວັນພະຫັດ ທີ 29 ກໍລະກົດ ວ່າ ກະຊວງສາທາລະນະສຸກຫວຽດນາມ ລາຍງານສະຖິຕິຜູ້ຕິດເຊື້ອໂຄວິດ-19 ສະສົມພາຍໃນປະເທດຢ່າງໜ້ອຍ 120.819 ຄົນ ເພີ່ມຂຶ້ນ6.559 ຄົນ, ປິ່ນປົວເຊົາດີ 4.511 ຄົນ ແລະ ຍັງເຫຼືອຜູ້ປ່ວຍໃນລະບົບຢ່າງໜ້ອຍ 92.732 ຄົນ.

May be an image of 1 person, standing and road

ຂະນະທີ່ ສະຖິຕິຜູ້ຕິດເຊື້ອສະສົມ ເພິ່ມຂຶ້ນຢ່າງໜ້ອຍ 630 ຄົນ ໂດຍໄດ້ມີການຢືນຢັນຜູ້ເສຍຊີວິດໃໝ່ພາຍໃນມື້ດຽວ 106 ຄົນ ນັບເປັນຄັ້ງທໍາອິດທີ່ຫວຽດນາມມີຜູ້ເສຍຊີວິດຫຼາຍກວ່າ 100 ຄົນພາຍໃນວັນດຽວ ແລະ ນະຄອນໂຮຈີມິນຍັງເປັນສູນກາງຂອງການແຜ່ລະບາດ.

May be an image of bridge, road, skyscraper, street and sky

ປັດຈຸບັນ, ມີປະຊາຊົນປະມານ 5,3 ລ້ານຄົນຈາກປະມານ 98 ລ້ານຄົນທີ່ໄດ້ຮັບວັກແຊັງແລ້ວຢ່າງໜ້ອຍໜຶ່ງເຂັມ ແລະ ມີພຽງ 450.836 ຄົນເທົ່ານັ້ນທີ່ໄດ້ຮັບການວັກແຊັງຄົບ 2 ໂດສ ເມື່ອວັນທີ 28 ກໍລະກົດ ຜ່ານມາ ສ່ວນຍອດການບໍລິຈາກໃຫ້ແກ່ກອງທຶນວັກແຊັງມີຈຳນວນສະສົມຢ່າງໜ້ອຍ 8,84 ຕື້ດົງ (ປະມານ 3,67 ຕື້ກີບ) ຈາກອົງການຈັດຕັ້ງ 488.906 ແຫ່ງ.

May be an image of road, skyscraper and sky

ນອກຈາກນັ້ນ, ກະຊວງວິທະຍາສາດຫວຽດນາມລາຍງານດ້ວຍວ່າ ບໍລິສັດດ້ານເທັກໂນໂລຢີຊີວະພາບ (VABIOTECH)  ລົງນາມຮັບການຖ່າຍທອດເທັກໂນໂລຢີວັກແຊັງຈາກສະຫະລັດ, ຣັສເຊຍ ແລະ ຍີ່ປຸ່ນ ໂດຍໃນສ່ວນຂອງການຮ່ວມມືກັບຣັສເຊຍ Vabiotech ໄດ້ສົ່ງຕົວຢ່າງວັກແຊັງ Sputnik V ທີ່ຜະລິດໃນປະເທດ ກັບໄປກວດກາຄຸນນະພາບຈາກສະຖາບັນກາມາເລຢາ ຢູ່ນະຄອນຫຼວງມອສໂກແລ້ວ.