ອາກາດຮ້ອນຈັດໃນປະເທດການາດາ ເສຍຊີວິກະທັນຫັນ ກວ່າ 130 ຄົນ

191

ລັດບຣິຕິຊ ໂຄລຳເບຍ ປະເທດການາດາ ກຳລັງຜະສົບກັບສະພາບອາກາດຮ້ອນທີ່ສຸດແບບບໍ່ເຄີຍເກີດຂຶ້ນມາກ່ອນ ສົ່ງຜົນໃຫ້ມີຜູ້ເສຍຊີວິດກະທັນຫັນຫຼາຍກວ່າ 130 ຄົນ ພາຍໃນໄລຍະບໍ່ດົນ.

ສຳນັກຂ່າວຕ່າງປະເທດລາຍງານຈາກເມືອງແວນຄູເວີ ປະເທດການາດາ ເມື່ອວັນພຸດ ທີ 30 ມິຖຸນາ ວ່າ ລັດບຣິຕິຊ ໂຄລຳເບຍ ຕັ້ງຢູ່ໃນພາກຕາເວັນຕົກຂອງປະເທດການາດາ ປະກາດປິດໂຮງຮຽນ ແລະ ມະຫາວິທະຍາໄລຊົ່ວຄາວ ເມື່ອຕົ້ນອາທິດນີ້ ເນື່ອງຈາກສະພາບອາກາດຮ້ອນຈັດທີ່ສຸດ ອຸນຫະພູມສະເລ່ຍໃນບໍລິເວນ ສູງກວ່າ 45 ອົງສາ ​ເມື່ອວັນອາທິດ ຜ່ານມາ ແລະ ຕະຫຼອດໄລຍະທ້າຍອາທິດທີ່ຜ່ານມາ ເຈົ້າໜ້າທີ່ໃນເມືອງແວນຄູເວີ ໄດ້ຮັບລາຍງານຜູ້ເສຍຊີວິດກະທັນຫັນແລ້ວ ຫຼາຍກວ່າ 130 ຄົນ ສ່ວນຫຼາຍເປັນຜູ້ເຖົ້າ ແລະ ຜູ້ມີພະຍາດປະຈຳໂຕ.

อาจเป็นรูปภาพของ หนึ่งคนขึ้นไป และกลางแจ้ง

อาจเป็นรูปภาพของ หนึ่งคนขึ้นไป และกลางแจ้ง

ຂະນະທີ່ ໃນວັນອັງຄານເປັນມື້ທີສາມຕິດຕໍ່ກັນ ທີ່ອຸນຫະພູມສະເລ່ຍທົ່ວການາດາ ຍັງບໍ່ຕໍ່າກວ່າ 45 ອົງສາ ໂດຍກົມອຸຕຸນິຍົມວິທະຍາໄດ້ລາຍງານ ອຸນຫະພູມສູງສຸດໃນເມືອງລິດຕັນ ໃນລັດບຣິຕິຊ ໂຄລຳເບຍ ສູງເຖິງ 49,5 ອົງສາ ໂດຍປັດຈຸບັນໃນເຮືອນປະຊາຊົນສ່ວນຫຼາຍກວ່າ 60% ໃນລັດດັ່ງກ່າວ ບໍ່ຄ່ອຍມີເຄື່ອງປັບອາກາດ ເນື່ອງຈາກວ່າ ໂດຍປົກກະຕິແລ້ວເຖິງວ່າອາກາດໃນລະດູຮ້ອນຜ່ານມາ ບໍ່ເຄີຍຮ້ອນຫຼາຍປານນີ້.

ສາທາລະນະສຸກເມືອງບຣິຕິຊ ໂຄລຳເບຍ ປະກາດຂໍຄວາມຮ່ວມມືໃຫ້ປະຊາຊົນຫຼີກລ່ຽງການອອກນອກເຄຫະສະຖານ ຖ້າບໍ່ມີຄວາມຈຳເປັນ.