ຈີນສັກວັກແຊັງປ້ອງກັນໂຄວິດໃຫ້ປະຊາຊົນເຖິງຫຼັກ 1 ຕື້ໂດສ

190

ນັບຕັ້ງແຕ່ເລີ່ມຕົ້ນໂຄງການໃນເດືອນມັງກອນ ຜ່ານມາ ລັດຖະບານຈີນສັກວັກແຊັງປ້ອງກັນໂຄວິດ-19 ໃຫ້ປະຊາຊົນໃນປະເທດຫຼາຍກວ່າ 1 ຕື້ໂດສ.

ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນຈັນ ທີ 21 ມິຖຸນາ ວ່າ ສະຖິຕິຈາກຄະນະກຳມາທິການສາທາລະນະສຸກແຫ່ງຊາດຈີນ (National Health Commission: NHC) ລະບຸວ່າ ນັບແຕ່ເລີ່ມຕົ້ນໂຄງການສັກວັກແຊັງແຫ່ງຊາດ ເມື່ອຕົ້ນເດືອນມັງກອນປີນີ້ ເພື່ອສ້າງພູມຕ້ານທານໝູ່ຈາກໂຄວິດໃຫ້ແກ່ປະຊາຊົນຈົນມາຮອດວັນເສົາຜ່ານມາ ມີປະຊາຊົນຮັບວັກແຊັງໄປແລ້ວຫຼາຍກວ່າ 1.010 ລ້ານໂດສ.

อาจเป็นรูปภาพของ 2 คน

ຢ່າງໃດກໍ່ຕາມ, NHC ຍັງບໍ່ໄດ້ເປີດເຜີຍວ່າ ຈຳນວນໂດສທີ່ໃຊ້ໄປແລ້ວທັງໝົດຄວບຄຸມປະຊາຊົນຈຳນວນເທົ່າໃດ ແຕ່ຢືນຢັນເປົ້າໝາຍການໃຫ້ປະຊາຊົນຈີນບໍ່ຕ່ຳກວ່າ 40% ຕ້ອງໄດ້ຮັບການສັກວັກແຊັງໃຫ້ຄົບພາຍໃນໝົດປີນີ້ ຈາກຈຳນວນປະຊາກອນທົ່ວປະເທດປະມານ 1,4 ຕື້ຄົນ.

อาจเป็นรูปภาพของ 1 คน

ປັດຈຸບັນ, ລັດຖະບານຈີນໄດ້ອະນຸມັດການນຳໃຊ້ວັກແຊັງປ້ອງກັນໂຄວິດ-19 ແລ້ວຢ່າງໜ້ອຍ 7 ລາຍການ ທັງໝົດເປັນຜະລິດຕະພັນເຊິ່ງຄົ້ນຄວ້າ ແລະ ພັດທະນາໂດຍສະຖາບັນໃນປະເທດ. ສ່ວນໃຫຍ່ເປັນວັກແຊັງທີ່ໃຊ້ເທັກໂນໂລຢີເຊື້ອຕາຍ ເຊິ່ງເປັນກຳມະວິທີດັ້ງເດີມຄື ຊິໂນຟາມ ແບບທັງທີ່ຜະລິດໂດຍສະບັນຊີວະວັດຖຸປັກກິ່ງ ແລະ ສະຖາບັນຊີວະວັດຖຸອູ່ຮັນ, ຊິໂນແວັກ, ເຊິນເຈີ້ນ, ຄັງໄທ່ ແລະ ວັກແຊັງທີ່ພັດທະນາໂດຍສະຖາບັນຊີວະການແພດໃນຄຸນໝິງ.