ອິນເດຍ ລົງພື້ນທີ່ກະຈາຍການສັກວັກແຊັງປ້ອງກັນໂຄວິດໃຫ້ຄົນພິການ

94

ສະຖິຕິຜູ້ຕິດເຊື້ອໂຄວິດ-19 ໃນອິນເດຍເພີ່ມຂຶ້ນຫຼາຍກວ່າ 29,5 ລ້ານຄົນ ແລະ ເສຍຊີວິດປະມານ 374.000 ຄົນ ຂະນະທີ່ຫຼາຍພື້ນທີ່ເລັ່ງກະຈາຍການສັກວັກແຊັງໃຫ້ຄົນພິການ.

ສຳນັກຂ່າວຕ່າງປະເທດລາຍງານຈາກນະຄອນຫຼວງນິວເດລີ ປະເທດອິນເດຍ ເມື່ອວັນຈັນ ທີ 14 ມິຖຸນາ ວ່າ ກະຊວງສາທາລະນະສຸກອິນເດຍ ລາຍງານພົບຜູ້ຕິດເຊື້ອໂຄວິດ-19 ໃໝ່ 70.421 ຄົນ ໃນຮອບ 24 ຊົ່ວໂມງຜ່ານມາ. ເຊິ່ງເປັນສະຖິຕິປະຈຳວັນຕໍ່າສຸດ ນັບຕັ້ງແຕ່ວັນທີ 1 ເມສາ ຜ່ານມາ ແລະ ເຮັດໃຫ້ປັດຈຸບັນສະຖິຕິຜູ້ຕິດເຊື້ອສະສົມເພີ່ມຂຶ້ນຢ່າງໜ້ອຍ 29.510.410 ຄົນ.

ຂະນະທີ່ ສະຖິຕິຜູ້ປິ່ນປົວເຊົາດີສະສົມ ມີຢ່າງໜ້ອຍ 28.162.947 ຄົນ, ໂດຍຍັງເຫຼືອຜູ້ປິ່ນປົວໃນລະບົບຢ່າງໜ້ອຍ 973.158 ຄົນ ຂະນະທີ່ໃນວັນດຽວກັນ ໄດ້ຢືນຢັນຜູ້ເສຍຊີວິດເພີ່ມ 3.921 ຄົນ ເຮັດໃຫ້ປັດຈຸບັນອິນເດຍມີສະຖິຕິຜູ້ເສຍຊີວິດສະສົມຈາກໂຄວິດ-19 ຢ່າງໜ້ອຍ 374.305 ຄົນ.

อาจเป็นรูปภาพของ หนึ่งคนขึ้นไป, ผู้คนกำลังยืน และผู้คนกำลังนั่ง

ທາງດ້ານເຈົ້າໜ້າທີ່ສາທາລະນະສຸກຂອງອິນເດຍໃນຫຼາຍລັດ ໄດ້ຂະຫຍາຍຂອບເຂດການສັກວັກແຊັງປ້ອງກັນໂຄວິດ ໃຫ້ແກ່ປະຊາຊົນຜູ້ພິການ ໂດຍມີການຈັດສັນຊ່ອງທາງບໍລິການເພື່ອອຳນວຍຄວາມສະດວກໃຫ້ແກ່ກຸ່ມຄົນກຸ່ມນີ້ເປັນພິເສດ ເຊັ່ນເມືອງອຳດາບັດ ໃນລັດກຸຈາຣາດ ຕັ້ງຢູ່ພາກຕາເວັນຕົກຂອງລັດປະເທດ ໂດຍທ້າຍອາທິດທີ່ຜ່ານມາ ໄດ້ຈັດສັນສັກວັກແຊັງ ໃຫ້ແກ່ຄົນພິການປະມານ 500 ຄົນ.

อาจเป็นรูปภาพของ หนึ่งคนขึ้นไป และสถานที่ในร่ม

ທັງນີ້, ນາຍົກລັດຖະມົນຕີອິນເດຍ ທ່ານນາເຣນທຣາ ໂມດີ ກຳນົດເປົ້າໝາຍໃນການສັກວັກແຊັງປ້ອງກັນໂຄວິດໃຫ້ແກ່ປະຊາຊົນທີ່ສະໝັກໃຈ ແລະ ກຸ່ມສ່ຽງທີ່ລັດຖະບານແນະນຳໃຫ້ສັກວັກແຊັງ “ທຸກໆຄົນ” ຕັ້ງແຕ່ຕົ້ນປີນີ້ ມີຜູ້ໃຫຍ່ປະມານ 240 ລ້ານຄົນ ຈາກຈຳນວນທັງໝົດ ປະມານ 950 ລ້ານຄົນເທົ່ານັ້ນ ທີ່ໄດ້ຮັບວັກແຊັງຢ່າງໜ້ອຍ 1 ເຂັມ.