ອິນເດຍເສຍຊີວິດຈາກໂຄວິດມື້ດຽວ 6.148 ຄົນ ເປັນສະຖິຕິໂລກຄັ້ງໃໝ່

35

ລັດຖະບານອິນເດຍລາຍງານວ່າມີຜູ້ເສຍຊີວິດປະຈຳວັນຈາກໂຄວິດ-19 ເປັນສະຖິຕິໃໝ່ຂອງໂລກ 6.148 ຄົນ ແລະ ຊີ້ນຳບໍ່ໃຫ້ຜູ້ປ່ວຍອາຍຸຕ່ຳກວ່າ 18 ປີ ໃຊ້ຢາເຣມເດຊີເວຍ.

ສຳນັກຂ່າວຕ່າງປະເທດລາຍງານຈາກະຄອນຫຼວງນິວເດລີ ປະເທດອິນເດຍ ເມື່ອວັນພະຫັດ ທີ 10 ມິຖຸນາວ່າ ກະຊວງສາທາລະນະສຸກອິນເດຍ ຢືນຢັນພົບຜູ້ຕິດເຊື້ອໃໝ່ 94.052 ຄົນ ເຮັດໃຫ້ສະຖິຕິຜູ້ຕິດເຊື້ອສະສົມປັດຈຸບັນເພິ່ມເປັນຢ່າງໜ້ອຍ 29.183.121 ຄົນ, ປິ່ນປົວເຊົາດີສະສົມຢ່າງໜ້ອຍ 27.655.493 ຄົນ ແລະ ຍັງເຫຼືອຜູ້ປ່ວຍປິ່ນປົວໃນລະບົບຢ່າງໜ້ອຍ 1.167.952 ຄົນ.

อาจเป็นรูปภาพของ หนึ่งคนขึ้นไป และถนน

ດ້ານສະຖິຕິຂອງຜູ້ເສຍຊີວິດສະສົມເພີ່ມຂຶ້ນເປັນຢ່າງໜ້ອຍ 359.676 ຄົນ ໂດຍມິການຢືນຢັນຜູ້ເສຍຊີວິດຫຼາຍເປັນສະຖິຕິໃໝ່ຂອງໂລກ 6.148 ຄົນ. ຢ່າງໃດກໍ່ຕາມ, ຈຳນວນທີ່ເພີ່ມຂຶ້ນເປັນຜົນມາຈາກທາງລັດຖະບານລັດພິຫານ ເຊິ່ງມີປະຊາກອນຫຼາຍເປັນອັນດັບ 3 ຂອງປະເທດ ປັບແກ້ສະຖິຕິຜູ້ເສຍຊີວິດພາຍໃນພື້ນທີ່ ເພີ່ມຂຶ້ນ 72%.

อาจเป็นรูปภาพของ 3 คน, ผู้คนกำลังยืน, สัตว์ และกลางแจ้ง

ຂະນະດຽວກັນ, ກະຊວງສາທາລະນະສຸກຂອງອິນເດຍໄດ້ເຜີຍແຜ່ຄຳຊີ້ນຳໃໝ່ກ່ຽວກັບແນວທາງການປິ່ນປົວຜູ້ປ່ວຍໂຄວິດ-19 ທີ່ອາຍຸຕ່ຳກວ່າ 18 ປີ ວ່າ ບໍ່ຄວນໃຊ້ຢາເຣມເດຊີເວຍກັບຜູ້ປ່ວຍເດັກ ແລະ ແນະນຳການລົດລອງຍ່າງ 6 ນາທີ ເພື່ອວິເຄາະປະລິມານການໄດ້ຮັບອົກຊີເຈນ. ສ່ວນການໃຊ້ຢາສະເຕີຣອຍແມ່ນແນະນຳໃຫ້ໃຊ້ສຳລັບຜູ້ທີ່ມີອາການປານກາງກ້າວເຂົ້າສູ່ຮ້າຍແຮງເທົ່ານັ້ນ ແລະ ຕ້ອງມີການຄຳນວນປະລິມານຢາຢ່າງເຂັ້ມງວດ.

อาจเป็นรูปภาพของ หนึ่งคนขึ้นไป และสถานที่ในร่ม

ທັງນີ້, ຫຼາຍຝ່າຍຍັງມີຄວາມກັງວົນດ້ວຍວ່າ ຜູ້ປ່ວຍໂຄວິດ-19 ທີ່ໄດ້ກິນຢາສະເຕີຣອຍຕິດຕໍ່ກັນເປັນເວລາມາດົນ ຫຼື ກິນຫຼາຍເກີນໄປ ອາດຈະກ່ຽວຂ້ອງກັບການຕິດເຊື້ອຣາ (mucormycosis).