ປະເທດມາເລເຊຍພົບການລະບາດໂຄວິດ-19 ມື້ດຽວ 30 ຈຸດ

111

ສຳນັກຂ່າວຕ່າງປະເທດລາຍງານຈາກນະຄອນຫຼວງກົວລາລຳເປີ ປະເທດມາເລເຊຍ ເມື່ອວັນຈັນ ທີ 7 ມິຖຸນາ ວ່າ ທ່ານດຣ.ນູ ຮິຊາມ ອັບດຸນເລາະ ອາທິການບໍດີກົມຄວາມຄຸມພະຍາດຂອງມາເລເຊຍ ກ່າວວ່າ: ໃນຮອບ 24 ຊົ່ວໂມງຜ່ານມາ ໄດ້ຢືນຢັນຜູ້ຕິດເຊື້ອໂຄວິດ-19 ເພິ່ມຂຶ້ນ 6.241 ຄົນ ແລະ ເຊົາດີ 5.133 ຄົນ ແຕ່ເສຍຊີວິດເພີ່ມອີກ 87 ຄົນ. ເຮັດໃຫ້ປັດຈຸບັນມາເລເຊຍມີຜູ້ຕິດເຊື້ອສະສົມຢ່າງໜ້ອຍ 616.815 ຄົນ, ປິ່ນປົວເຊົາດີຢ່າງໜ້ອຍ 526.809 ຄົນ ແລະ ເສຍຊີວິດສະສົມຢ່າງໜ້ອຍ 3.378 ຄົນ.

อาจเป็นรูปภาพของ กลางแจ้ง และอนุสาวรีย์

ເຖິງວ່າອັດຕາການຕິດເຊື້ອພື້ນຖານ R nought ຫຼື R Zero ຢູ່ບະດັບ 0.99 ເມື່ອວັນທີ 6 ມິຖຸນາຜ່ານມາ ຕໍ່າກວ່າ 1,0 ເຊິ່ງເປັນອັດຕາສ່ວນຂອງປະຊາກອນທີ່ມີຄວາມສ່ຽງຕໍ່ການຕິດເຊື້ອ ໂດຍຄ່າຂອງ R nought ໃນມາເລເຊຍຫຼຸດລົງ ນັບຕັ້ງແຕ່ທົ່ວປະເທດຢູ່ພາຍໃຕ້ມາດຕະການປິດເມືອງ ເມື່ອວັນທີ 1 ມິຖຸນາ ຜ່ານມາ. ຢ່າງໃດກໍ່ຕາມໃນຮອບ 24 ຊົ່ວໂມງຫຼ້າສຸດຈົນເຖິງຕອນແລງຂອງວັນອາທິດ ທີ 6 ມິຖຸນາ ທີ່ຜ່ານມາ ມາເລເຊຍໄດ້ຢືນຢັນວ່າມີການແຜ່ລະບາດ 30 ຈຸດ ໃນມື້ດຽວ ເປັນສະຖິຕິປະຈຳວັນສູງສຸດ ແຊງສະຖິຕິເກົ່າ 27 ຈຸດ ເມື່ອວັນທີ 1 ມິຖຸນາ ຜ່ານມາ.

อาจเป็นรูปภาพของ หนึ่งคนขึ้นไป, ผู้คนกำลังยืน และสถานที่ในร่ม

ທັງນີ້, ຈຸດແຜ່ລະບາດສ່ວນໃຫຍ່ ຍັງເປັນສະຖານທີ່ເຮັດວຽກ ຫຼື ຫ້ອງການ ແລະ ໂຮງງານອຸດສາຫະກຳ ເຮັດໃຫ້ປັດຈຸບັນມາເລເຊຍມີບ່ອນແຜ່ລະບາດທີ່ຕ້ອງເລັ່ງຄວບຄຸມຢ່າງໜ້ອຍ 713 ຈຸດແລ້ວ.