ໂຄວິດໃນອິນເດຍ ແຜ່ລະບາດຢ່າງໜ້ອຍ 53 ປະເທດ

138

ລາຍງານຂອງອົງການອະນາໄມໂລກ ຢືນຢັນພົບເຊື້ອໄວຣັສໂຄໂຣນາ ສາຍພັນ “B1617” ເຊິ່ງກາຍພັນຄັ້ງທຳອິດ ໃນປະເທດອິນເດຍ ແຜ່ລະບາດຢ່າງໜ້ອຍ 53 ປະເທດ ເຂດແຄວ້ນ. ຂະນະທີ່ ຜູ້ຕິດເຊື້ອສະສົມໃນອິນເດຍ ເພີ່ມຂຶ້ນເຖິງຫຼັກ 27 ລ້ານຄົນ.

ສຳນັກຂ່າວຕ່າງປະເທດລາຍງານຈາກນະຄອນຫຼວງນິວເດລີ ປະເທດອິນເດຍ ເມື່ອວັນພຸດ ທີ 26 ພຶດສະພາ ວ່າ ກະຊວງສາທາລະນະສຸກອິນເດຍ ລາຍງານພົບຜູ້ຕິດເຊື້ອໂຄວິດໃໝ່ 208.921 ຄົນ ໃນໄລຍະ 24 ຊົ່ວໂມງທີ່ຜ່ານມາ. ເຮັດໃຫ້ປັດຈຸບັນອິນເດຍມີຜູ້ຕິດເຊື້ອສະສົມທີ່ຢືນຢັນແລ້ວຢ່າງໜ້ອຍ 27.157.795 ຄົນ ແລະ ຍັງເຫຼືອຜູ້ເຂົ້າຮັບການປິ່ນປົວໃນລະບົບຢ່າງໜ້ອຍ 2.495.591 ຄົນ.

May be an image of 1 person

ຂະນະໃນຮອບວັນດຽວກັນ, ຢືນຢັນມີຜູ້ເສຍຊີວິດເພີ່ມອີກ 4.157 ຄົນ ປັດຈຸບັນອິນເດຍໃຫ້ມີຜູ້ເສຍຊີວິດສະສົມຢ່າງໜ້ອຍ 311.388 ຄົນ.

No photo description available.

ດ້ານລາຍງານປະຈຳອາທິດຂອງອົງການອະນາໄມໂລກ (WHO) ກ່າວວ່າ ພົບປະເທດທີ່ມີການແຜ່ລະບາດຂອງເຊື້ອໄວຣັສກາຍພັນ ສາຍພັນ B1617 ຢ່າງເປັນທາງການ ຢ່າງໜ້ອຍ 53 ປະເທດ ແລະ ເຂດແຄວ້ນ. ຢ່າງໃດກໍ່ຕາມ, ອົງການອະນາໄມໂລກ ຍັງມີຂໍ້ມູນແບບບໍ່ເປັນທາງການອີກຢ່າງໜ້ອຍ 7 ປະເທດ ທີ່ຕ້ອງກວດກາໃຫ້ລະອຽດອີກຄັ້ງ. ທັງນີ້, ເຊື້ອໄວຣັສໂຄໂຣນາສາຍພັນ B1617 ສາມາດແຜ່ລະບາດໄດ້ຢ່າງວ່ອງໄວກວ່າອີກຫຼາຍສາຍພັນທີ່ກຳລັງແຜ່ລະບາດຢູ່ໃນປັດຈຸບັນ ແຕ່ຄວາມຮ້າຍແຮງຍັງບໍ່ເຫັນຜົນຊັດເຈນ.