ຫວຽດນາມ ຕິດເຊື້ອໃໝ່ 447 ຄົນ ເຂັ້ມງວດເຂດອຸສາຫະກຳ

120

ມີຜູ້ຕິດເຊື້ອໂຄວິດ-19 ໃໝ່ ໃນປະເທດຫວຽດນາມ ພາຍໃນມື້ດຽວ 447 ຄົນ ກາຍເປັນສະຖິຕິສູງທີ່ສຸດຄັ້ງໃໝ່ ຂະນະທີ່ລັດຖະບານປະກາດໃຊ້ມາດຕະການເຂັ້ມງວດໃນພື້ນທີ່ອຸດສາຫະກຳຂະໜາດໃຫຍ່ ຢູ່ພາກເໜືອຂອງປະເທດ ເຊິ່ງພົບຜູ້ຕິດເຊື້ອເປັນກຸ່ມໃຫຍ່.

ສຳນັກຂ່າວຕ່າງປະເທດລາຍງານຈາກນະຄອນຫຼວງຮາໂນ່ຍ ປະເທດຫວຽດນາມ ເມື່ອວັນພຸດ ທີ 26 ພຶດສະພາ​ ວ່າ ກະຊວງສາທາລະນະສຸກຫວຽດນາມລາຍງານພົບຜູ້ຕິດເຊື້ອໂຄວິດສູງເຖິງ 447 ຄົນ ກາຍເປັນສະຖິຕິປະຈຳວັນຄັ້ງໃໝ່ ນັບຕັ້ງແຕ່ຜະເຊີນກັບວິກິດການແຜ່ລະບາດ ເມື່ອເດືອນມັງກອນ ປີກາຍນີ້, ຕົວເລກດັ່ງກ່າວເປັນການປັບຫຼຸດລົງຈາກທີ່ໄດ້ປະກາດກ່ອນໜ້ານັ້ນໃນມື້ດຽວກັນ ວ່າ ພົບຜູ້ຕິດເຊື້ອ 457 ຄົນ.

No photo description available.

ສຳລັບສູນກາງຂອງແຜ່ລະບາດຂອງໂຄວິດ-19 ຢູ່ຫວຽດນາມຮອບນີ້ ຕັ້ງຢູ່ແຂວງບັກຊາງ ແລະ ແຂວງບັກນິນ ເຊິ່ງຕັ້ງຢູ່ທາງພາກເໜືອ ແລະ ເປັນເຂດອຸດສາຫະກຳທີ່ສຳຄັນຂອງປະເທດ ໂດຍແຂວງບັກຊາງປິດເຂດອຸສາຫະກຳຂະໜາດໃຫຍ່ 4 ແຫ່ງ ໂດຍໃນຈຳນວນນີ້ 3 ແຫ່ງ ເປັນສະຖານທີ່ຕັ້ງໂຮງງານຂອງບໍລິວັດຟັອກຄອນ ໜຶ່ງໃນຜູ້ຜະລິດແຜ່ນວົງຈອນພິມລາຍໃຫຍ່ທີ່ສຸດຂອງໂລກ ເປັນໄລຍະຢ່າງໜ້ອຍ 14 ວັນ ນັບແຕ່ວັນທີ 18 ພຶດສະພາທີ່ຜ່ານມາ.

No photo description available.

ຂະນະທີ່ ແຂວງບັກນິນ ເຊິ່ງເປັນສະຖານທີ່ຕັ້ງໂຮງງານຂະໜາດໃຫຍ່ຂອງຊຳຊຸງ ອິເລັກໂທຣນິກ ປະກາດປິດເມືອງ ແລະ ມາດຕະການຄວບຄຸມທາງສັງຄົມ ທັງໃນຂົງເຂດອຸດສາຫະກຳ ແລະ ຊຸມຊົນ  ເປັນໄລຍະຢ່າງໜ້ອຍ 14 ວັນ ເລີ່ມແຕ່ວັນອັງຄານທີ່ຜ່ານມາ. ນອກຈາກນີ້ ເທດສະບານນະຄອນຫຼວງຮາໂນ່ຍໄດ້ສັ່ງປິດຮ້ານອາຫານ, ຮ້ານກາເຟ ແລະ ຮ້ານຕັດຜົມ ເພື່ອຫຼຸດຄວາມສ່ຽງການແຜ່ລະບາດໃນນະຄອນຫຼວງ.

ປັດຈຸບັນ, ປະເທດຫວຽດນາມ ມີຜູ້ຕິດເຊື້ອສະສົມຢ່າງໜ້ອຍ 5.931 ຄົນ ປິ່ນປົວດີສະສົມຢ່າງໜ້ອຍ 2.794 ຄົນ ແລະ ເສຍຊີວິດ 44 ຄົນ.