ໄຕ້ຫວັນ ພົບຜູ້ຕິດເຊື້ອໂຄວິດເປັນສະຖິຕິປະຈຳວັນຄັ້ງໃໝ່ 207 ຄົນ

312

ລັດຖະບານໄຕ້ຫວັນ ຢືນຢັນພົບຜູ້ຕິດເຊືອໂຄວິດ-19 ຫຼາຍທີ່ສຸດເປັນສະຖິຕິປະຈຳວັນຮອບໃໝ່ 207 ຄົນ ຈຶ່ງເກີດຄວາມກັງວົນກ່ຽວກັບການແຜ່ລະບາດໃນນະຄອນຫຼວງໄທເປ.

ສຳນັກຂ່າວຕ່າງປະເທດລາຍງານຈາກນະຄອນຫຼວງໄທເປ ສາທາລະນະລັດຈີນ ເມື່ອວັນອາທິດ ທີ 16 ພຶດສະພາ ວ່າ ທ່ານເສີນ ສື-ຈົງ ລັດຖະມົນຕີກະຊວງສາທາລະນະສຸກຂອງໄຕ້ຫວັນ ຖະແຫຼງການເມື່ອວັນອາທິດ ວ່າ ໄຕ້ຫວັນ ພົບຜູ້ຕິດເຊື້ອໂຄວິດ-19 207 ຄົນ ໃນຮອບວັນຜ່ານມາ ແບ່ງເປັນ 206 ຄົນ ຕິດເຊື້ອໃນປະເທດ ແລະ 1 ຄົນ ແມ່ນເດີນທາງມາຈາກຕ່າງປະເທດ ຖືເປັນການຕິດເຊື້ອປະຈຳວັນສູງທີ່ສຸດ ນັບແຕ່ ໄຕ້ຫວັນ ພົບຜູ້ຕິດເຊື້ອຄົນທຳອິດ ເມື່ອເດືອນມັງກອນ ປີຜ່ານມາ.

อาจเป็นรูปภาพของ 2 คน และผู้คนกำลังยืน

ນະຄອນຫຼວງໄທເປ ແລະ ເທດສະບານເມືອງນິວໄທເປ ທາງພາກເໜືອຂອງເກາະ ຍັງເປັນເຂດທີ່ພົບຜູ້ຕິດເຊື້ອປະຈຳວັນຫຼາຍທີ່ສຸດ 97 ຄົນ ແລະ 89 ຄົນ. ຂະນະທີ່ ການຕິດເຊື້ອເປັນກຸ່ມໃຫຍ່ທີ່ສຸດຂອງໄຕ້ຫວັນໃນຂະນະນີ້ ແມ່ນຢູ່ທີ່ຮ້ານນ້ຳຊາແຫ່ງໜຶ່ງ ເຂດວ່ານຫົວ ໃນນະຄອນຫຼວງໄທເປ ມີຜູ້ຕິດເຊື້ອສະສົມຢ່າງໜ້ອຍ 105 ຄົນ ສ່ວນຜູ້ຕິດເຊື້ອເດີນທາງຈາກຕ່າງປະເທດຄົນຫຼ້າສຸດເປັນແມ່ຍິງຊາວອິນເດຍ ອາຍຸປະມານ 20 ປີ ເດີນທາງມາຮອດໄຕ້ຫວັນ ເມື່ອວັນທີ 8 ພຶດສະພາ ຜ່ານມາ ແລະ ຢືນຢັນຜົນກວດເປັນບວກ ເມື່ອວັນເສົາ ທີ 15 ພຶດສະພາ ຜ່ານມາ ໂດຍຍັງບໍ່ມີລາຍງານຊັດເຈັນວ່າຜູ້ກ່ຽວຕິດເຊື້ອກາຍພັນຊະນິດ B1617 ຫຼື ບໍ່?.

อาจเป็นรูปภาพของ 1 คน และกำลังยืน

ລັດຖະບານໄຕ້ຫວັນ ໄດ້ຮຽກຮ້ອງໃຫ້ປະຊາຊົນບໍ່ຕ້ອງກັງວົນກ່ຽວກັບສະຖານະການທີ່ເກີດຂຶ້ນ ໂດຍຢືນຢັນວ່າ ລັດຖະບານສາມາດຄວບຄຸມສະຖານະການໄດ້ ສ່ວນປະຊາຊົນໃຫ້ປະຕິບັດຕາມມາດຕະການທີ່ລັດວາງອອກຢ່າງເຂັ້ມງວດ. ຢ່າງໃດກໍ່ຕາມ, ການກວດພົບຜູ້ຕິດເຊືອໃນຊຸມຊົນເພິ່ມຂຶ້ນຢ່າງຕໍ່ເນື່ອງ ເຮັດໃຫ້ປັດຈຸບັນ ໄຕຫວັນ ມີຜູ້ຕິດເຊື້ອສະສົມ ຢ່າງໜ້ອຍ 1.682 ຄົນ, ເຫຼືອຜູ້ປ່ວຍໃນລະບົບຢ່າງໜ້ອຍ 554 ຄົນ ແລະ ເສຍຊີວິດສະສົມຢ່າງໜ້ອຍ 12 ຄົນ.