ປະໂທະ! ແມ່ຍິງຊາວມາລີ ອອກລູກແຝດ 9 ຄົນ

324

ແມ່ຍິງອາຍຸ 25 ປີ ຊາວມາລີ ປະເທດທີ່ຕັ້ງຢູ່ທາງພາກຕາເວັນຕົກສຽງເໜືອຂອງທະວີບອາຟຣິກາ ໃຫ້ກຳເນີດລູກຝາແຝດ 9 ຄົນ ຫຼາຍກວ່າທີ່ແພດເອັກສະເລໃນທ້ອງ 2 ຄົນ ໂດຍແອນ້ອຍທັງໝົດລອດຊີວິດ ແລະ ສຸຂະພາບແຂງແຮງ.

ເວບໄຊທ໌ຂອງສຳນັກຂ່າວບີບີຊີ ຂອງອັງກິດ ລາຍງານ ເມື່ອວັນພຸດ ທີ 5 ພຶດສະພາ ວ່າ ນາງຮາລິມາ ຊິສເຊ ແມ່ລູກອ່ອນຊາວມາລີ ກຳເນີດລູກຝາແຝດ 9 ຄົນ ແບ່ງເປັນຜູ້ຍິງ 5 ຄົນ ແລະ ຜູ້ຊາຍ 4 ຄົນ ຢູ່ໃນຫ້ອງຜ່າຕັດ ຂອງໂຮງໝໍແຫ່ງໜຶ່ງ ປະເທດໂມຣັອກໂກ ໂດຍລັດຖະບານມາລີໄດ້ອອກຄ່າໃຊ້ຈ່າຍໃນການເດີນທາງໄປໂຮງໝໍດ້ວຍຍົນໃຫ້ກັບແມ່ຄົນດັ່ງກ່າວ ເນື່ອງຈາກລະບົບການແພດທີ່ທັນສະໄໝ ແລະ ປອດໄພກວ່າ.

อาจเป็นรูปภาพของ สถานที่ในร่ม

ລັດຖະມົນຕີກະຊວງສາທາລະນະສຸກ ແພດຍິງທ່ານນາງແຟນຕາ ໄຊບີ ກ່າວວ່າ ນາງຊິສເຊ ແລະ ລູກນ້ອຍ 9 ຄົນ ມີສຸຂະພາບແຂງແຮງດີ ພ້ອມທັງສະແດງຄວາມຊົມເຊີຍກັບຄະນະແພດຈາກທັງ 2 ປະເທດ ທີ່ບັນລຸຜົນໃນໜ້າທີ່ຢ່າງມີຄວາມສຸກ.

ຜູ້ຊ່ຽວຊານດ້ານການແພດກ່າວວ່າ ການໃຫ້ກຳເນີດລູກແຝດຄັ້ງດຽວ 9 ຄົນ ເປັນສິ່ງທີ່ເກີດຂຶ້ນໄດ້ຍາກທີ່ສຸດ ອາການແຊກຊ້ອນໃນໄລຍະການເກີດ ແລະ ຫຼັງຈາກເກີດແລ້ວ ໝາຍຄວາມວ່າເດັກນ້ອຍຫຼາຍຄົນບໍ່ຄ່ອຍລອດຊີວິດ.

อาจเป็นรูปภาพของ สถานที่ในร่ม

ການຖືພາຂອງນາງຊິສເຊ ສ້າງຄວາມປະຫຼາດໃຈ ແລະ ຄວາມຕື່ນເຕັ້ນໃຫ້ແກ່ປະຊາຊົນມາລີທົ່ວປະເທດ ໃນຂະນະທີ່ກຳລັງຖືພາ ໂດຍທ່ານໝໍໃນປະເທດມາລີໄດ້ກວດກາເອັກສະເລເຫັນລູກໃນທ້ອງມີ 7 ຄົນ. ທາງຄະນະແພດໃນມາລີກໍ່ມີຄວາມກັງວົນກ່ຽວກັບຄວາມປອດໄພຂອງແມ່ຄົນດັ່ງກ່າວ ແລະ ໂອກາດລອດຊີວິດຂອງລູກໃນທ້ອງ ສະນັ້ນລັດຖະບານມາລີຕ້ອງໃຫ້ຄວາມຊ່ວຍເຫຼືອ.

อาจเป็นรูปภาพของ 4 คน และผู้คนกำลังยืน

ຫຼັງຈາກນອນພັກຟື້ນຢູ່ໂຮງໝໍ ໃນນະຄອນຫຼວງບາມາໂກ ປະເທດມາລີ 2 ອາທິດ, ລັດຖະບານມາລີໄດ້ຕັດສິນໃຈຍ້າຍລາວໄປໂຮງໝໍແຫ່ງໜຶ່ງ ໃນປະເທດໂມຣັອກໂກ ເມື່ອວັນທີ 30 ມີນາ ຜ່ານມາ ແລະ ຫຼັງຈາກໃຊ້ເວລາ 5 ອາທິດໃນໂຮງໝໍ ນາງຊິເຊ ກໍ່ໃຫ້ກຳເນີດລູກຝາແຝດຊຸດໃຫຍ່ ດ້ວຍການຜ່າທ້ອງ ເມື່ອວັນອັງຄານ ທີ 4 ພຶດສະພາ ຜ່ານມາ ແລະ ຄາດວ່າ ອີກບໍ່ດົນແມ່ລູກແຝດ 9 ຈະເດີນທາງກັບປະເທດມາລີ.