ສິງໂຕໃນອິນເດຍ ຕິດເຊື້ອໂຄວິດ 8 ໂຕ ເຈົ້າໜ້າທີ່ສັ່ງຈັບແຍກກັກໂຕ

86

ທາງການອິນເດຍກວດພົບ “ສິງໂຕອາຊີ” ຕິດເຊື້ອໂຄວິດ-19 8 ໂຕ ສັ່ງຈັບແຍກກັກໂຕ ແຕ່ບໍ່ມີຫຼັກຖານສະແດງໃຫ້ເຫັນ ວ່າ ສັດສາມາດແຜ່ເຊື້ອສູ່ຄົນໄດ້ ຫຼື ບໍ່.

ສຳນັກຂ່າວຊິນຫົວຂອງຈີນລາຍງານ ຈາກນະຄອນຫຼວງນິເດລີ ປະເທດອິນເດຍ ເມື່ອວັນພຸດ ທີ 5 ພຶດສະພາ ວ່າ ທາງການອິນເດຍກວດພົບສິງໂຕອາຊີ ໃນສວນສັດແຫ່ງໜຶ່ງຂອງເມືອງໄຮເດີຣາບັດ ທາງພາກໃຕ້ຂອງປະເທດ ຕິດເຊື້ອໂຄວິດ-19 8 ໂຕ.

ລາຍງານລະບຸວ່າ ສິງໂຕທີ່ຕິດເຊື້ອມີການຟື້ນໂຕໄດ້ດີ ແລະ ຜົນການວິເຄາະຕົວຢ່າງແມ່ນບໍ່ພົບເຊື້ອ ໂດຍສິງໂຕທັງໝົດທີ່ຕິດເຊື້ອ ຖືກຈັບແຍກອອກຈາກກັນ ແລະ ໄດ້ຮັບການດູແລລວມທັງໄດ້ຮັບການປິ່ນປົວຢ່າງຖືກຕ້ອງ.

อาจเป็นรูปภาพของ เสือ และกลางแจ้ง

“ສິງໂຕທັງ 8 ໂຕ ຕອບສະໜອງຕໍ່ການປິ່ນປົວ ແລະ ຟື້ນຟູຮ່າງກາຍ ພວກມັນມີພຶດຕິກຳປົກກະຕິ ແລະ ກິນອາຫານໄດ້ປົກກະຕິດີ ດ້ານເຈົ້າໜ້າທີ່ສວນສັດທຸກຄົນປະຕິບັດຕາມມາດຕະການປ້ອງກັນຢ່າງເຂັ້ມງວດ ແລະ ສວນສັດກໍ່ປິດໃຫ້ບໍລິການເພື່ອຫຼີກລ່ຽງການສຳຜັດກັບພາຍນອກໃຫ້ໜ້ອຍທີ່ສຸດ ແລະ ຍັງບໍ່ມີຫຼັກຖານທີ່ສະແດງວ່າສັດສາມາດແຜ່ເຊື້ອໄປສູ່ຄົນໄດ້.” ກະຊວງສິ່ງແວດລ້ອມ, ປ່າໄມ້ ແລະ ການປ່ຽນແປງສະພາບດິນຟ້າອາກາດຂອງອິນເດຍກ່າວ.