ເກີດເຫດຄານເສັ້ນທາງລົດໄຟຍົກລະດັບຫັກເພ ເຮັດໃຫ້ມີຜູ້ເສຍຊີວິດ 23 ຄົນ ໃນປະເທດເມັກຊິໂກ

25

ພົບຜູ້ເສຍຊີວິດ 23 ຄົນ ແລະ ບາດເຈັບ 65 ຄົນ ຫຼັງເກີດເຫດຄານເສັ້ນທາງລົດໄຟຍົກລະດັບຫັກເພລົງມາເຮັດໃຫ້ຂະບວນລົດໄຟໃຕ້ດິນທີ່ກຳລັງແລ່ນຜ່ານຕົກລົງມາກະທົບໃສ່ພື້ນຖະໜົນ ໃນນະຄອນຫຼວງເມັກຊິໂກ ຊິຕີ້ ປະເທດເມັກຊິໂກ ເມື່ອຄືນວັນຈັນ ຜ່ານມາ ມີລົດເກັງແລ່ນຕາມທາງຖືກທັບດ້ວຍ.

ສຳນັກຂ່າວຣອຍເຕີ ລາຍງານຈາກນະຄອນຫຼວງເມັກຊິໂກ ຊິຕີ້ ປະເທດເມັກຊິໂກ ເມື່ອວັນອັງຄານ ທີ 4 ພຶດສະພາ ວ່າ ເກີດເຫດໂຄງປະກອບຂອງທາງລົດໄຟຍົກລະດັບຂຶ້ນເໜືອເສັ້ນທາງລົດແລ່ນຫັກເພລົງມາເຮັດໃຫ້ຂະບວນລົດໄຟໃຕ້ດິນ ສາຍທີ 12 ທີ່ກຳລັງແລ່ນຜ່ານຕົກລົງມາພື້ນຖະໜົນ ແລະ ທັບລົດຫຼາຍຄັນທີ່ກຳລັງແລ່ນຜ່ານ ໃກ້ກັບສະຖານີໂອລິວອສ ທາງທິດຕາເວັນອອກສຽງໃຕ້ຂອງນະຄອນຫຼວງເມັກຊິໂກ ຊິຕີ້ ເມື່ອເວລາປະມານ 22:30 ໃນຄືນວັນຈັນ ທີ່ຜ່ານມາ. ພົບຕູ້ລົດໄຟຢ່າງໜ້ອຍ 2 ຕູ້ ຕົກລົງມາ ໜ່ວຍກູ້ໄພ ແລະ ໜ່ວຍງານສຸກເສີນ ພ້ອມທັງທະຫານ ໄດ້ພະຍາຍາມເຂົ້າໄປຊ່ວຍເຫຼືອຜູ້ປະສົບເຫດໃນຕູ້ລົດໄຟ ເບື້ອງຕົ້ນ ມີຜູ້ເສຍຊີວິດ 23 ຄົນ ແລະ ບາດເຈັບ 65 ຄົນ.

อาจเป็นรูปภาพของ 2 คน และผู้คนกำลังยืน

อาจเป็นรูปภาพของ 1 คน

ທ່ານນາງຄຼໍເດຍ ເຊນບອມ ນາຍົກເທສະມົນຕີນະຄອນຫຼວງເມັກຊິໂກ ຊິຕີ້ ກ່າວວ່າ ຄານຂະໜາດໃຫຍ່ຂອງລາງລົດໄຟຍົກລະດັບຫັກເພລົງມາ ແຕ່ສາເຫດແມ່ນກຳລັງສືບສວນຢູ່ ໂດຍລະຫວ່າງການສອບສວນເຈົ້າໜ້າທີ່ໄດ້ກວດກາລັກສະນະບຸກຄົນຂອງຜູ້ປະສົບເຫດ ເຊິ່ງມີເດັກນ້ອຍລວມຢູ່ນຳ ນອກຈາກນັ້ນ ຍັງຊ່ວຍເຫຼືອຄົນທີ່ຕິດຢູ່ໃນລົດເກັງທີ່ຖືກທັບນຳສົ່ງໂຮງໝໍ ແຕ່ມີຫຼາຍຄົນທີ່ອາການສາຫັດ.