ສິງກະໂປ ຍົກລະດັບມາດຕະການຄັ້ງໃຫຍ່ ຫຼັງຈາກພົບຜູ້ຕິດເຊື້ອໂຄວິດສາຍພັນອິນເດຍ ໃນຊຸມຊົນ

34

ລັດຖະບານສິງກະໂປ ໄດ້ຍົກມາດຕະການຄວບຄຸມທາງສັງຄົມ ແລະ ການຄັດກອງຊາຍແດນຄັ້ງໃຫຍ່ ຫຼັງພົບຜູ້ຕິດເຊື້ອໂຄວິດ-19 ສາຍພັນອິນເດຍ ຢູ່ໃນຊຸມຊົນ.

ສຳນັກຂ່າວຕ່າງປະເທດລາຍງານຈາກປະເທດສິງກະໂປ ເມື່ອວັນອັງຄານ ທີ 4 ພຶດສະພາ ວ່າ ຜູ້ຊ່ວຍສາສະດາຈານ ທ່ານເຄນເນັດ ແມັກ ຜູ້ອຳນວຍການສຳນັກງານບໍລິການດ້ານສຸຂະພາບ ກະຊວງສາທາລະນະສຸກສິງກະໂປ ໄດ້ຖະແຫຼງ ເມື່ອວັນອັງຄານ ວ່າ ປັດຈຸບັນສິงກະໂປມີການແຜ່ລະບາດຂອງໂຄວິດ-19 ໃນຊຸມຊົນຢ່າງນ້ອຍ 3 ຈຸດ ມີຜູ້ຕິດເຊື້ອລວມກັນຢ່າງໜ້ອຍ 29 ຄົນ.

ຢ່າງໃດກໍ່ຕາມ, ຈາກຈຳນວນດັ່ງກ່າວ ມີຜູ້ປ້ວຍຢ່າງໜ້ອຍ 7 ຄົນ ຕິດເຊື້ອໄວຣັສໂຄໂຣນາພາຍພັນ B16172 ເຊິ່ງເປັນໜຶ່ງໃນເຊື້ອກາຍພັນຈາກອິນເດຍ ພົບຫຼາຍທີ່ສຸດໃນໂຮງໝໍຕັນ ຕັອກ ເສັງ ໜຶ່ງໃນໂຮງໝໍໃຫຍ່ທີ່ສຸດຂອງສິງກະໂປ ຄື 5 ຄົນ ແລະ ອີກ 2 ຄົນເປັນເຈົ້ໜ້າທີ່ກວດຄົນເຂົ້າເມືອງ ປະຈຳການຢູ່ສະໜາມບິນນານາຊາດ ແລະ ແມ່ບ້ານປະຈຳການຢູ່ອາຄານແຫ່ງໜຶ່ງ.

ไม่มีคำอธิบายรูปภาพ

ທັງນີ້, ຮູບແບບຂອງການຕິດເຊື້ອທັງ 3 ຈຸດ “ບໍ່ມີສ່ວນພົວພັນກ່ຽວຂ້ອງກັນ” ຂໍໃຫ້ປະຊາຊົນຢ່າກັງວົນ ແລະ ເຊື່ອໝັ້ນວ່າ ວັກແຊັງທັງໝົດທີ່ນຳໃຊ້ໃນປັດຈຸບັນຈະສາມາດເພີ່ມພູມຕ້ານທານໃຫ້ແກ່ປະຊາຊົນໄດ້. ແຕ່ການຍົກລະດັບມາດຕະການທາງສັງຄົມແມ່ນມີຄວາມສຳຄັນຫຼາຍໃນເວລານີ້. ເພື່ອຫຼຸດຂອບເຂດການແຜ່ເຊື້ອທັງ 3 ຈຸດ ໂດຍສະເພາະກໍລະນີຂອງໂຮງໝໍຕັນ ຕັອກ ເສັງ.

ຂະນະທີ່ທ່ານລໍເລນ ຫວ່ອງ ປະທານຄະນະປະຕິບັດງານພິເສດຕອບສະໜອງໂຄວິດ-19 ປະກາດວ່າ ນັບຕັ້ງແຕ່ວັນທີ 8 ເຖິງ 30 ພຶດສະພາ ນີ້ເປັນຢ່າງໜ້ອຍ ແມ່ນສາມາດລວມກຸ່ມກັນໄດ້ສູງສຸດ 5 ຄົນ ແຕ່ທາງທີ່ດີ ບໍ່ຄວນກາຍ 2 ຄົນ ແລະ ຫຼຸດຂະໜາດການບໍລິການຂອງສະຖານທີ່ປະກອບການຫຼາຍແຫ່ງ ສ່ວນສະຖານທີ່ອອກກຳລັງກາຍໃຫ້ປິດບໍລິການ ແລະ ໃຫ້ເຮັດວຽກຢູ່ເຮືອນໃຫ້ຫຼາຍທີ່ສຸດ.

ไม่มีคำอธิบายรูปภาพ

ກ່ຽວກັບການຄວບຄຸມຜູ້ທີ່ເດີນທາງມາຈາກຕ່າງປະເທດ ຜູ້ທີ່ບໍ່ໄດ້ເດີນທາງມາຈາກປະເທດຈີນ, ອົດສະຕຣາລີ, ບຣູໄນ, ນິວຊີແລນ, ຮົງກົງ, ໄຕ້ຫວັນ ແລະ ມາເກົາ. ຕ້ອງເຂົ້າສູ່ຂະບວນການກັກໂຕ 21 ວັນ ມີຜົນບັງຄັບໃຊ້ຕັ້ງແຕ່ວັນທີ 8-30 ພຶດສະພາ ນີ້. ສ່ວນຄົນຕ່າງປະເທດທີ່ບໍ່ໄດ້ອາໄສຢູ່ຖາວອນ ຖ້າມີປະຫວັດການເດີນທາງໃນຮອບ 14 ວັນຫຼ້າສຸດ ໂດຍເຊື່ອມໂຍງກັບອິນເດຍ, ເນປາລ, ປາກິສຖານ, ບັງກະລາເທດ ແລະ ສີລັງກາ ແມ່ນບໍ່ສາມາດເດີນທາງເຂົ້າສິງກະໂປໄດ້ຊົ່ວຄາວ.

ປັດຈຸບັນປະເທດສິງກະໂປມີຜູ້ຕິດເຊື້ອໂຄວິດ-19 ສະສົມຢ່າງໜ້ອຍ 61.252 ຄົນ, ປິ່ນປົວເຊົາ 60.806 ຄົນ ແລະ ເສຍຊີວິດສະສົມຢ່າງໜ້ອຍ 31 ຄົນ