ເສີຍຊີວິດ 26 ຄົນ! ເກີດເຫດເຮືອໄວຕຳກັນກາງແມ່ນ້ຳ ໃນປະເທດບັງກລາເທດ

30

ເຮືອໄວໂດຍສານຕຳກັບເຮືອບັນທຸກຊາຍກາງແມ່ນໍ້າປັດມາ ໃນພາກກາງຂອງປະເທດບັງກລາເທດ ມີຜູ້ເສຍຊີວິດຢ່າງໜ້ອຍ 26 ຄົນ ແລະ ຈົມນໍ້າອິກຫຼາຍຄົນ.

ສຳນັກຂ່າວເອພີ ແລະ ເຣົາເຕີ ລາຍງານຈາກນະຄອນຫຼວງທາກາ ປະເທດບັງກລາເທດ ເມື່ອວັນຈັນ ທີ 3 ພຶດສະພາ ວ່າ ເຮືອໄວໂດຍສານບັນທຸກຄົນຫຼາຍກວ່າ 30 ຄົນ ພິກຂວໍ້າຈົມລົງແມ່ນ້ຳປັດມາ ໃນພາກກາງຂອງປະເທດບັງກລາເທດ ໂດຍຕຳກັບເຮືອຂົນດິນຊາຍ ເມື່ອໄລຍະເຊົ້າວັນຈັນ ໜ່ວຍກູ້ໄພພົບຜູ້ເສຍຊີວິດແລ້ວ 26 ຄົນ, ຍັງສູນຫາຍຫຼາຍຄົນ ແລະ ຜູ້ໂດຍສານ 5 ຄົນໄດ້ຮັບການຊ່ວຍເຫຼືອພາຂຶ້ນຝັ່ງ ແລະ ສົ່ງໄປໂຮງໝໍ.

ທ່ານຣາຮິມາ ຄາຕຸນ ຫົວໜ້າອົງການປົກຄອງທ້ອງຖິ່ນ ກ່າວວ່າ ເຮືອໄວທີ່ບັນທຸກຜູ້ໂດຍສານໄດ້ລະເມີດກົດລະບຽບ ອີງຕາມມາດຕະການ Lockdown ທົ່ວປະເທດ ເພື່ອປ້ອງກັນການແຜ່ລະບາດຂອງໂຄວິດ-19 ກຳລັງແລ່ນຈາກເມືອງມຸນຊິກັນ ໄປເມືອງມາດາຣິປຸຣະ ແຕ່ໄດ້ໄປຕຳກັບເຮືອຂົນຊາຍຈົນເປ້ເພເສຍຫາຍ ແລະ ຈົມຢູ່ກາງແມ່ນໍ້າ ເບື້ອງຕົ້ນຍັງບໍ່ຮູ້ສາເຫດ ເຈົ້າໜ້າທີ່ກຳລັງເລັ່ງສືບສວນສອບສວນ.

อาจเป็นรูปภาพของ 3 คน, ผู้คนกำลังยืน, ผู้คนกำลังนั่ง และกลางแจ้ง

ອຸບັດຕິເຫດໃນແມ່ນ້ຳເກີດຂຶ້ນເປັນປະຈຳໃນບັງກລາເທດເຊິ່ງພື້ນທີ່ສ່ວນຫຼາຍເປັນຮາບພຽງລຸ່ມແມ່ນ້ຳ ມີແມ່ນ້ຳໃຫຍ່ປະມານ 130 ສາຍໃນທົ່ວປະເທດ ແລະ ເປັນໜຶ່ງເສັ້ນທາງສັນຈອນທີ່ປະຊາຊົນນິຍົມໃຊ້.

ບັງກລາເທດ ກຳລັງຢູ່ໃນໄລຍະມາດຕະການປິດເມືອງທົ່ວປະເທດຈົນເຖິງວັນທີ 5 ພຶດສະພາ ເພື່ອຄວບຄຸມການແຜ່ລະບາດຂອງໂຄວິດ-19 ເຊິ່ງມາເຖິງວັນທີ 3 ພຶດສະພາ ມີຜູ້ຕິດເຊື້ອສະສົມ 763.682 ຄົນ ສູງເປັນອັນດັບທີ 33 ຂອງໂລກ ໂດຍຕິດເຊື້ອໃໝ່ 1.739 ຄົນ ໃນໄລຍະ 24 ຊົ່ວໂມງຫຼ້າສຸດ ແລະ ເສຍຊີວິດສະສົມ 11.649 ຄົນ ເພີ່ມຂຶ້ນ 65 ຄົນ.