ກຳປູເຈຍ ຕິດເຊື້ອໂຄວິດ-19 841 ຄົນຕໍ່ມື້ ທາງການຫ້າມຄົນໃນນະຄອນຫຼວງເດີນທາງອອກນອກເມືອງ

33

ຈຳນວນຜູ້ຕິດເຊື້ອໂຄວິດ-19 ໃນປະເທດກຳປູເຈຍ ເພີ່ມຂຶ້ນ 841 ຄົນໃນມື້ດຽວ ເຖິງແມ່ນວ່າລັດຖະບານກຽມຈະອະນຸຍາດໃຫ້ປະຊາຊົນເດີນທາງໄປ-ມາລະຫວ່າງເມືອງໄດ້ ຕັ້ງແຕ່ກາງອາທິດນີ້ ແຕ່ຍົກເວັ້ນນະຄອນຫຼວງພະນົມເປນ.

ສຳນັກຂ່າວຕ່າງປະເທດລາຍງານຈາກນະຄອນຫຼວງພະນົມເປນ ປະເທດກຳປູເຈຍ ເມື່ອວັນຈັນ ທີ 3 ພຶດສະພາ ວ່າ ກະຊວງສາທາລະນະສຸກກຳປູເຈຍໄດ້ລາຍງານພົບຜູ້ຕິດເຊື້ອໂຄວິດ-19 ໃໝ່ 841 ຄົນ ໃນຮອບມື້ດຽວທີ່ຜ່ານມາ ໂດຍເປັນການຕິດເຊື້ອຈາກພາຍໃນປະເທດທັງໝົດ ພົບເຫັນຫຼາຍທີ່ສຸດໃນນະຄອນຫຼວງພະນົມເປນ 525 ຄົນ, ແຂວງບັນເດຍມຽນເຈຍ ຫຼື ແຂວງບັນທາຍມີໄຊ 153 ຄົນ, ແຂວງສີຫະນຸວິນ ຫຼື ແຂວງພຣະສີຫະນຸ 62 ຄົນ ແລະ ແຂວງກັນດາລ 33 ຄົນ.

อาจเป็นรูปภาพของ 1 คน, กำลังยืน, รถจักรยานยนต์, ถนน และถนน

ຂະນະທີ່ ໃນຮອບວັນດຽວກັນ ມີຜູ້ເສຍຊີວິດເພີ່ມ 4 ຄົນ ແລະ ປິ່ນປົວເຊົາດີ 61 ຄົນ ເຮັດໃຫ້ປັດຈຸບັນປະເທດກຳປູເຈຍມີຜູ້ຕິດເຊື້ອຈາກໂຄວິດ-19 ສະສົມຢ່າງໜ້ອຍ 15.361 ຄົນ, ຍັງຕ້ອງຮັບການປິ່ນປົວໃນລະບົບຢ່າງໜ້ອຍ 9.818 ຄົນ ແລະ ເສຍຊີວິດຢ່າງໜ້ອຍ 106 ຄົນ.

อาจเป็นรูปภาพของ ถนน และถนน

ດ້ານທ່ານເຄືອງ ສະເຣັງ ເຈົ້າຄອງນະຄອນຫຼວງພະນົມເປນ ກ່າວວ່າ ນັບແຕ່ວັນທີ 5 ພຶດສະພາ ເປັນຕົ້ນໄປ ລັດຖະບານກຳປູເຈຍອະນຸຍາດໃຫ້ປະຊາຊົນສາມາດເດີນທາງຂ້າມເມືອງ ລະຫວ່າງ ເທດສະບານເມືອງ ແລະ ຕ່າງແຂວງໄດ້ອີກຄັ້ງ ແລະ ມາດຕະການປິດເມືອງ “ແບບເຄັ່ງຄັດ” ໃນນະຄອນຫຼວງກໍ່ຈະສິ້ນສຸດລົງໃນມື້ດຽວກັນ. ຢ່າງໃດກໍ່ຕາມ, ປະຊາຊົນໃນນະຄອນຫຼວງພະນົມເປນຈະບໍ່ສາມາດເດີນທາງໄປແຂວງອື່ນໄດ້ ເນື່ອງຈາກວ່າພື້ນທີ່ໃນນະຄອນຫຼວງສ່ວນຫຼາຍ “ຍັງຖືວ່າເປັນພື້ນທີ່ສີແດງ”.