ຣັສເຊຍ ເລີ່ມຜະລິດວັກແຊັງປ້ອງການໂຄວິດ-19 ສຳລັບສັດເປັນບ່ອນທຳອິດຂອງໂລກ

46

ເມື່ອວັນສຸກ ທີ 30 ເມສາ ຜ່ານມາ ອົງການຄຸ້ມຄອງອະນາໄມດ້ານກະສິກຳຂອງຣັດເຊຍ (Rosselkhoznadzor) ໄດ້ປະກາດເລີ່ມຕົ້ນການຜະລິດ Carnivac-Cov ວັກແຊັງປ້ອງກັນໂຄວິດ-19 ສຳລັບສັດ ແລະ ຈະເປັນຜະລິດຕະພັນອັນທຳອິດຂອງໂລກ.

ຖະແຫຼງການຈາກອົງການດັ່ງກ່າວ ກ່າວວ່າ ວັກແຊັງ Carnivac-Cov ຊຸດທຳອິດຈຳນວນ 17.000 ໂດສ ແມ່ນຜະລິດຢູ່ສູນສຸຂະພາບສັດຂອງສະຫະພັນຣັສເຊຍ ເຊິ່ງເປັນເຄືອຂ່າຍຂອງອົງການຄຸ້ມຄອງອະນາໄມດ້ານກະສິກຳຂອງຣັດເຊຍ ໂດຍວັກແຊັງນີ້ມີຄວາມຕ້ອງການຫຼາຍພາຍໃນປະເທດ ລວມທັງບໍລິສັດຕ່າງປະເທດກໍ່ໃຫ້ຄວາມສົນໃຈເຊັ່ນກັນ.

อาจเป็นรูปภาพของ สุนัข และสถานที่ในร่ม

ສື່ທ້ອງຖິ່ນຂອງຣັສເຊຍ ລະບຸວ່າ ຄຳເວົ້າຂອງທີ່ປຶກສາຫົວໜ້າອົງການຄຸ້ມຄອງອະນາໄມດ້ານກະສິກຳຂອງຣັດເຊຍ ກ່າວວ່າ ປັດຈຸບັນວັກແຊັງຊະນິດນີ້ ກຳລັງຜະລິດແມ່ນ 3 ລ້ານໂດສຕໍ່ເດືອນ ແລະ ອາດຈະເພີ່ມຂຶ້ນເປັນ 5 ລ້ານໂດສຕໍ່ເດືອນ ໃນອະນາຄົດ.

อาจเป็นรูปภาพของ อาหาร

ທັງນີ້ ຣັສເຊຍ ກຳລັງຢູ່ໃນຂັ້ນຕອນການເຈລະຈາກ່ຽວກັບການລົງທະບຽນວັກແຊັງ Carnivac-Cov ແບບເລັ່ງດ່ວນໃນຕ່າງປະເທດ ໂດຍສະເພາະສະຫະພາບເອີຣົບ (EU) ຫຼັງຈາກອົງການດັ່ງກ່າວ ປະກາດ ເມື່ອວັນທີ 31 ມີນາ ຜ່ານມາ ວ່າ ຣັສເຊຍໄດ້ລົງທະບຽນວັກແຊັງດັ່ນກ່າວຢູ່ພາຍໃນປະເທດຮຽບຮ້ອຍແລ້ວ.