ພາຍຸຝົນຕົກໜັກໃນທິດຕາເວັນອອກຂອງຈີນ

336

ພາຍຸຝົນຕົກຢ່າງໜັກຢູ່ມົົນທົນຈຽງຊູ ເທິງຊາຍຝັ່ງພາກຕາເວັນອອກຕອນກາງຂອງປະເທດຈີນ ເຮັດໃຫ້ມີຜູ້ເສຍຊີວິດຢ່າງໜ້ອຍ 11 ຄົນ ແລະ ໄດ້ຮັບບາດເຈັບ 102 ຄົນ ກະແສລົມແຮງເຮັດໃຫ້ອາຄານເປ້ເພເສຍຫາຍ ແລະ ຕົ້ນໄມ້ໃຫຍ່ຫັກຈຳນວນຫຼາຍ.

ສຳນັກຂ່າວເອພີລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນເສົາ ທີ 1 ພຶດສະພາ ວ່າ ເມືອງໜັນທົງ ໃນມົນທົນຈຽງຊູ ເປັນໜຶ່ງໃນຫຼາຍເມືອງທີ່ໄດ້ຮັບຄວາມເສຍຫາຍໜັກທີ່ສຸດ ຈາກສະພາບດິນຟ້າອາກາດທີ່ຮ້າຍແຮງ ທີ່ພັດຜ່ານເຂດທົ່ງພຽງລຸ່ມປາກແມ່ນໍ້າແຍງເຊ ເມື່ອຄືນ ວັນສຸກ ທີ 30 ເມສາ​ຜ່ານມາ.

ໜັງສືພິມໂກບອລ ທາມ ລາຍງານວ່າ ໜ່ວຍກູ້ໄພ ແລະ ອາສາສະໝັກຊ່ວຍອົບພະຍົບປະຊາຊົນ 3.050 ຄົນອອກຈາກພື້ນທີ່ທີ່ໄດ້ຮັບຜົນກະທົບຢ່າງໜັກ.

ແຈ້ງການຂອງຫ້ອງການອຸຕຸນິຍົມວິທະຍາທ້ອງຖິ່ນກ່າວວ່າ ກະແສລົມແຮງ 162 ກິໂລແມັດຕໍ່ຊົ່ວໂມງ ເຮັດໃຫ້ໄຟຟ້າດັບຫຼາຍແຫ່ງ, ອາຄານບ້ານເຮືອນເປ້ເພເສຍຫາຍ ລວມທັງຕົ້ນໄມ້ໃຫຍ່ລົ້ມຫັກຈຳນວນຫຼາຍ ມີລາຍງານເຮືອຫາປາລຳໜຶ່ງຖືກລົມພັດພິກຂວໍ້າຈົມລົງໃນທະເລນອກຊາຍຝັ່ງ ໜ່ວຍກູ້ໄພສາມາດຊ່ວຍຊີວິດລູກເຮືອໄດ້ 2 ຄົນ  ແລະ ກຳລັງຄົ້ນຜູ້ສູນຫາຍອີກ 9 ຄົນ.