ປູຕິນ ສັ່ງສັກວັກແຊັງປ້ອງກັນໂຄວິດໃຫ້ປະຊາຊົນ ເລີ່ມອາທິດໜ້າ

243

ປະທານາທິບໍດີ ວະລາດີເມຍ ປູຕິນ ຂອງຣັດເຊຍ ໄດ້ອອກຄຳສັ່ງເມື່ອວັນທີ 3 ທັນວາຜ່ານມາ ໃຫ້ເຈົ້າໜ້າທີ່ສາທາລະນະສຸກເລີ່ມສັກວັກແຊັງປ້ອງກັນໂຄວິດ – 19 ໃຫ້ປະຊາຊົນຊາວຣັດເຊຍເລີ່ມແຕ່ອາທິດໜ້າເປັນຕົ້ນໄປ.

ທັງນີ້, ເມື່ອເດືອນສິງຫາຜ່ານມາ ຣັດເຊຍ ໄດ້ປະກາດຜົນສຳເລັດໃນການພັດທະນາວັກແຊັງປ້ອງກັນໂຄວິດ – 19 ເຊິ່ງມີຊື່ວ່າ “ Sputnik – 5 ” ໂດຍຜູ້ນຳຣັດເຊຍ ລະບຸວ່າ: ວັກແຊັງດັ່ງກ່າວນີ້ມີປະສິດທິພາບສູງ.

ທັງນີ້, ຣັດເຊຍ ມີຜູ້ຕິດເຊື້ອໂຄວິດ – 19 ຫຼາຍເປັນອັບດັບ 4 ຂອງໂລກ ເຊິ່ງມາຮອດວັນທີ 3 ທັນວາ ມີຜູ້ຕິດເຊື້ອສະສົມ 2,3 ລ້ານກວ່າຄົນ ແລະ ເສຍຊີວິດ 41 ພັນກວ່າຄົນ.