ຈຳນວນຜູ້ເສຍຊີວິດຈາກໂຄວິດ-19 ຂອງເມັກຊິໂກແຊງໜ້າອັງກິດ ຂຶ້ນເປັນອັບດັບ 3 ຂອງໂລກ

411

ສຳນັກຂ່າວຕ່າງປະເທດລາຍງານຈາກນະຄອນຫຼວງເມັກຊິໂກ ຊິຕີ້ ເມື່ອວັນສຸກ ທີ 31 ກໍລະກົດ ວ່າ ກະຊວງສາທາລະນະສຸກເມັກຊິໂກ ອອກຖະແຫຼງການ ເມື່ອວັນສຸກ ກ່ຽວກັບສະຖານະການຂອງ ໂຄວິດ-19 ວ່າ ໃນຮອບ 24 ຊົ່ວໂມງ ຜ່ານມາ ມີຜູ້ຕິດເຊື້ອໃໝ່ 8.458 ຄົນ ເພີ່ມສະຖິຕິສະສົມ 424.637 ຄົນ ແລະ ເສຍຊີວິດສະສົມ 46,688 ຄົນ ເພິ່ມຂຶ້ນ 688 ຄົນ.

ในภาพอาจจะมี หนึ่งคนขึ้นไป

ສະຖິຕິດັ່ງກ່າວ ເຮັດໃຫ້ເມັກຊິໂກແຊງໜ້າສະຫະຣາຊະອານາຈັກຂຶ້ນມາເປັນປະເທດທີ່ມີຜູ້ເສຍຊີວິດຈາກການຕິດເຊື້ອໄວຣັສໂຄໂຣນາສາຍພັນໃໝ່ ຫຼາຍເປັນອັນດັບ 3 ຂອງໂລກ ໂດຍຜູ້ເສຍຊີວິດຂອງສະຫະຣາຊະອານາຈັກ ທີ່ໄດ້ຢືນຢັນແລ້ວ 46.119 ຄົນ ຈາກສະຖິຕິຜູ້ປ່ວຍສະສົມ 303.181 ຄົນ. ຂະນະທີ່ ສະຫະລັດ ແລະ ເບຣຊິນ ຍັງເປັນປະເທດທີ່ມີຜູ້ຕິດເຊື້ອ ແລະ ເສຍຊີວິດຫຼາຍທີ່ສຸດໃນໂລກ.

ในภาพอาจจะมี หนึ่งคนขึ้นไป, ผู้คนกำลังนั่ง, โทรศัพท์, เด็ก และสถานที่กลางแจ้ง

ດ້ານນາຍົກເທສະມົນຕີນະຄອນຫຼວງເມັກຊິໂກ ຊິຕີ້ ກ່າວວ່າ ເມືອງຫຼວງຂອງເມັກຊິໂກຈະສືບຕໍ່ຢູ່ພາຍໃຕ້ມາດຕະການປິດເມືອງຢ່າງເຂັ້ມງວດຂັ້ນຮອງສູງສຸດ ເນື່ອງຈາກຍັງມີຄວາມສ່ຽງທີ່ຈະກວດພົບຜູ້ຕິດເຊື້ອໃໝ່ຈົນໝົດເດືອນຕຸລາ ນີ້.