ຫວຽດນາມພົບຜູ້ຕິດເຊື້ອໂຄວິດ-19 ເພິ່ມອີກ 45 ຄົນ

606

ສຳນັກຂ່າວຕ່າງປະເທດລາຍງານຈາກນະຄອນຫຼວງຮາໂນ່ຍ ປະເທດຫວຽດນາມ ເມື່ອວັນສຸກ ທີ 31 ກໍລະກົດ ວ່າ ກະຊວງສາທາລະນະສຸກຫວຽດນາມ ຖະແຫຼງການ ເມື່ອວັນສຸກ ວ່າ ຈຳນວນຜູ້ປ່ວຍສະສົມຈາກການຕິດເຊື້ອໂຄວິດ-19 ໃນຮອບ 24 ຊົ່ວໂມງ ຜ່ານມາ ເພິ່ມຂຶ້ນ 45 ຄົນ ເປັນສະຖິຕິປະຈຳ ວັນສູງທີ່ສຸດ ນັບຕັ້ງແຕ່ຫວຽດນາມປະສົບກັບການແຜ່ລະບາດ ເມື່ອທ້າຍເດືອນມັງກອນ ຜ່ານມາ ແລະ ຍິ່ງເພິ່ມຄວາມກັງວົນໃຫ້ກັບທຸກພາກສ່ວນ ເນື່ອງຈາກກຸ່ມຜູ້ຕິດເຊື້ອໃໝ່ນັ້ນ ອາໄສຢູ່ໃນຊຸມຊົນເມືອງດານັງ ແລະ ເປັນການກວດພົບການຕິດເຊື້ອໃນຊຸມຊົນເປັນຄັ້ງທຳອິດ ໃນຮອບ 3 ເດືອນ ເມື່ອວັນເສົາຜ່ານມາ.

ในภาพอาจจะมี หนึ่งคนขึ้นไป, ผู้คนกำลังยืน และสถานที่กลางแจ้ง, ข้อความพูดว่า "STIHL 0 STIHL"

ສຳລັບຜູ້ຕິດເຊື້ອກຸ່ມຫຼ້າສຸດ ມີທັງຊາຍ ແລະ ຍິງ ອາຍຸ 27 ຫາ 87 ປີ ສ່ວນຫຼາຍແລ້ວຕິດເຊື້ອເປັນກຸ່ມສະມາຊິກໃນຄອບຄົວ ປັດຈຸບັນ ກຳລັງປິ່ນປົວຢູ່ໂຮງໝໍ 3 ແຫ່ງ ໃນເມືອງດານັງ ໂດຍຜູ້ຕິດເຊື້ອຄົນທຳອິດໃນກຸ່ມດັ່ງກ່າວເປັນຜູ້ຊາຍ ອາຍຸ 57 ປີ ເມື່ອອາທິດກ່ອນ ສະຖິຕິດັ່ງກ່າວ ສົ່ງຜົນໃຫ້ການກວດພົບຜູ້ຕິດເຊື້ອໃນຊຸມຊົນ ຕັ້ງແຕ່ວັນທີ 25 ກໍລະກົດ ຜ່ານມາ ຢ່າງໜ້ອຍ 93 ຄົນ ໃນນັ້ນ 79 ຄົນຢູ່ໃນເມືອງດານັງ ສ່ວນທີ່ເຫຼືອແມ່ນກະຈາຍຢູ່ໃນເມືອງໃຫຍ່ແຫ່ງອື່ນ ລວມທັງນະຄອນຫຼວງຮາໂນ່ຍ ແລະ ນະຄອນໂຮຈິມິນ.

ສະຖານະການຫຼ້າສຸດ ປະເທດຫວຽດນາມ ມີຜູ້ປ່ວຍສະສົມຈາກໂຄວິດ-19 509 ຄົນ ຍັງເຫຼືອຜູ້ປ່ວຍໃນລະບົບ 140 ຄົນ ແລະ ບໍ່ມີຜູ້ເສຍຊີວິດ.