ຈີນ ສົ່ງຍານສຳຫຼວດ “ທຽນເຫວິນ-1” ເດີນທາງໄປດາວອັງຄານ

550

ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນພະຫັດ ທີ 23 ກໍລະກົດ ວ່າ ຈະຫຼວດລອງ ມາກ-5 (Long March 5) ຂອງອົງການອາວະກາດແຫ່ງຊາດຈີນ (CNSA) ໄດ້ບິນອອກຈາກຖານປ່ອຍຈະຫຼວດພາຍໃນສູນອາວະກາດທີ່ເມືອງເຫວິນສາງ ເທິງເກາະໄຫຫຼຳ ນອກຊາຍຝັ່ງພາກໃຕ້ຂອງຈີນ ເມື່ອເວລາ 12:41 ໂມງ ຕາມເວລາທ້ອງຖິ່ນຂອງວັນພະຫັດ (11.41 ໂມງປະເທດລາວ) ເພື່ອສົ່ງຍານສຳຫຼວດທຽນເຫວິນ-1 ເດີນທາງໄປສຳຫຼວດດາວອັງຄານ.

ในภาพอาจจะมี ท้องฟ้า, เมฆ และสถานที่กลางแจ้ง

ຍານທຽນເຫວິນ-1 ເຊິ່ງມີຄວາມໝາຍວ່າ “ພາສາສະຫວັນ” ມີກຳນົດລົງຈອດຢູ່ເທິງພື້ນຜິວດາວອັງຄານ ລະຫວ່າງວັນທີ 11-24 ກຸມພາ ປີໜ້າ ປະຕິບັດການດັ່ງກ່າວຂອງຈີນເກີດຂຶ້ນພຽງບໍ່ດົນ ຫຼັງຈາກຍານສຳຫຼວດອັລ ອາມາລ ”Al Amal ” ເຊິ່ງເປັນພາສາອາຣັບແປວ່າ “ຄວາມຫວັງ” ຂອງລັດຖະບານສະຫະລັດ ອາຣັບ ເອມິເຣດ (UAE) ອອກເດີນທາງໂດຍອາໄສຈະຫຼວດນຳສົ່ງຂອງຍີ່ປຸ່ນ ເມື່ອວັນຈັນ ຜ່ານມາ ມີ ກຳນົດການເຂົ້າສູ່ວົງໂຄຈອນຂອງດາວອັງຄານ ປະມານ 7 ເດືອນຂ້າງໜ້າ ຫຼື ເດືອນກຸມພາ ປີ 2021.

ในภาพอาจจะมี เมฆ, ท้องฟ้า, มหาสมุทร, สถานที่กลางแจ้ง, ธรรมชาติ และน้ำ

ທັງນີ້, ຍານທຽນເຫວິນ-1 “Tianwen-1” ຖືເປັນຄວາມພະຍາຍາມຄັ້ງທຳອິດຢ່າງເປັນທາງການໃນນາມປະເທດຈີນທີ່ມີຄວາມຕັ້ງໃຈເດີນທາງໄປດາວອັງຄານ ເນື່ອງຈາກຢ້ອນກັບໄປ ເມື່ອປີ 2011 ລັດຖະບານປັກກິ່ງໄດ້ຮ່ວມມືກັບຣັສເຊຍກ່ຽວກັບເລື່ອງນີ້ ແຕ່ປະສົບກັບຄວາມລົ້ມເຫຼວ ຕັ້ງແຕ່ເລິ່ມອອກເດີນທາງ.

ไม่มีคำอธิบายรูปภาพ

ຂະນະທີ່ ສະຫະລັດ ອາເມຣິກາ ຜູ້ຊຳນານການສຳຫຼວດດາວອັງຄານ ມີກຳນົດຈະສົ່ງຍານສຳຫຼວດເພີເຊີເວີແຣນ “Perseverance” ໃນໂຄງການ “Mars 2020” ຂອງອົງການບໍລິຫານການບິນ ແລະ ອາວະກາດແຫ່ງຊາດ (NASA) ເດີນທາງຈາກສູນອາວະກາດເຄນເນດີ ລັດຟຼໍຣິດາ ໃນວັນທີ 30 ກໍລະກົດນີ້ ໂດຍຈະເປັນຍານຫຸ່ນຍົນສຳຫຼວດດາວອັງຄານ ລຳທີ 3 ໃນຮອບທົດສະວັດ ຕໍ່ຈາກຍານຄິວຣິອອສຊິຕີ້ “Curiosity” ເມື່ອປີ 2011 ແລະ ຍານອິນໄຊ ” InSight” ເມື່ອປີ 2018 ນອກເໜືອຈາກຍານມາເວນ MAVEN ທີ່ໂຄຈອນອ້ອມຮອບດາວອັງຄານ ເມື່ອປີ 2014.