ອິນເດຍ ມີຜູ້ຕິດເຊື້ອໂຄວິດ-19 ປະຈຳວັນ ກວ່າ 35 ພັນຄົນ

440

ສຳນັກຂ່າວຕ່າງປະເທດລາຍງານຈາກນະຄອນຫຼວງນິວເດລີ ປະເທດອິນເດຍ ເມື່ອວັນອາທິດ ທີ 19 ກໍລະກົດ ວ່າ ກະຊວງສາທາລະນະສຸກອິນເດຍລາຍງານເມື່ອວັນອາທິດ ກ່ຽວກັບສະຖານະການຂອງໂຄວິດ-19 ໃນຮອບ 24 ຊົ່ວໂມງ ຜ່ານມາ ຢືນຢັນກວດພົບຜູ້ຕິດເຊື້ອໃໝ່ 38.902 ຄົນ ເປັນສະຖິຕິປະຈຳວັນສູງທີ່ສຸດຄັ້ງໃໝ່ ເພິ່ມສະຖິຕິຜູ້ປ່ວຍສະສົມຢ່າງໜ້ອຍ 1.077.618 ຄົນ ຢູ່ອັນດັບທີ 3 ຂອງໂລກ ຮອງຈາກສະຫະລັດ ແລະ ບຣາຊິລ ແລະ ເປັນພຽງ 3 ປະເທດໃນໂລກທີ່ມີຜູ້ປ່ວຍໂຄວິດ-19 ຫຼາຍກວ່າ 1 ລ້ານຄົນ.

ในภาพอาจจะมี 1 คน, กำลังยืน และสถานที่กลางแจ้ง

ຂະນະທີ່ມື້ດຽວກັນ, ໄດ້ຢືນຢັນຜູ້ເສຍຊີວິດເພິ່ມອີກ 543 ຄົນ ເພິ່ມສະຖິຕິການເສຍຊີວິດຢ່າງໜ້ອຍ 26.816 ຄົນ. ຢ່າງໃດກໍ່ຕາມ, ໃນຮອບວັນດຽວກັນທາງແພດໝໍໄດ້ອະນຸຍາດໃຫ້ຜູ້ທີ່ປິ່ນປົວເຊົາແລ້ວສາມາດກັບເມືອພັກຟື້ນຢູ່ເຮືອນໄດ້ອີກ 23.762 ຄົນ ເພິ່ມສະຖິຕິປິ່ນປົວເຊົາແລ້ວຢ່າງໜ້ອຍ 677.422 ຄົນ ກວມເອົາອັດຕາການປິ່ນປົວເຊົາແມ່ນ 62,82%

ในภาพอาจจะมี หนึ่งคนขึ้นไป, ดอกไม้ และสถานที่กลางแจ้ง

ເຖິງວ່າພື້ນທີ່ວິກິດທີ່ສຸດຂອງການແຜ່ລະບາດໂຄວິດ-19 ຍັງເປັນລັດມະຫາຣາດ ຕັ້ງຢູ່ແຄມຝັ່ງທິດຕາເວັນຕົກຂອງປະເທດ ໂດຍມີສະຖິຕິຜູ້ຕິດເຊື້ອສະສົມ ຢ່າງໜ້ອຍ 300.937 ຄົນ ແລະ ເສຍຊີວິດ 11.596 ຄົນ. ມະຫາຣາດເປັນລັດທຳອິດໃນປະເທດອິນເດຍທີ່ໄດ້ຮັບການຢືນຢັນວ່າມີຜູ້ເຊື້ອໂຄວິດ-19 ເມື່ອທ້າຍເດືອນມັງກອນ ຜ່ານມາ ແຕ່ປັດຈຸບັນນີ້ ນະຄອນຫຼວງນິວເດລີມີອັດຕາການຕິດເຊື້ອຫຼາຍທີ່ສຸດ.

ในภาพอาจจะมี 1 คน, กำลังยืน

ດ້ານອຳນວຍການໂຮງໝໍໂລກນາຍັກ ປະກາດວ່າ ໂຮງໝໍນາຣາຍັນ ເຊິ່ງເປັນໂຮງໝໍໃຫຍ່ໃນນະຄອນຫຼວງອິນເດຍສາມາດຮອງຮັບຜູ້ຕິດເຊື້ອໄດ້ 2 ພັນຕຽງ ພ້ອມຮັບມືການລະບາດຮອບສອງ.