ວິກິດທີ່ສຸດໃນອາເມຣິກາ! ລັດຟຼໍຣິດາ ມີຜູ້ເສຍຊີວິດຈາກໂຄວິດ-19 ປະຈຳວັນ 132 ຄົນ

551

ສຳນັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ສະຫະລັດ ອາເມຣິກາ ເມື່ອວັນພຸດ ທີ 15 ກໍລະກົດ ວ່າທ່ານຣອນ ເດຊານຕິສ ເຈົ້າຄອງລັດຟຼໍຣິດາ ຖະແຫຼງການ ເມື່ອວັນອັງຄານ ກ່ຽວກັບສະຖານະການຂອງໂຄວິດ-19 ໃນພື້ນທີ່ ວ່າ ໃນຮອບ 24 ຊົ່ວໂມງ ຜ່ານມາ ມີຜູ້ຕິດເຊື້ອໃໝ່ 9.194 ຄົນ ເພິ່ມຈຳນວນຜູ້ປ່ວຍສະສົມຢ່າງໜ້ອຍ 291.629 ຄົນ.

ຂະນະທີ່ ໃນຮອບວັນດຽວກັນ ມີຜູ້ເສຍຊີວິດເພິ່ມອີກ 132 ຄົນ ເປັນສະຖິຕິປະຈຳວັນສູງທີ່ສຸດ ແລະ ເພິ່ມສະຖິຕິຜູ້ເສຍຊີວິດສະສົມຈາກໂຄວິດ-19 ໃນລັດຟຼໍຣິດາ ເປັນຢ່າງໜ້ອຍ 4.409 ຄົນ ເຖິງວ່າສະຖິຕິຜູ້ປ່ວຍ ແລະ ເສຍຊີວິດຈາກໂຄວິດ-19 ໃນລັດຟຼໍຣິດາ ຕໍ່າກວ່າລັດນິວຢອກ ແລະ ລັດແຄລິຟໍເນຍ. ແຕ່ແນວໂນ້ມທີ່ຜູ້ປ່ວຍ ແລະ ເສຍຊີວິດຈະເພິ່ມຂຶ້ນໃນອັດຕາເລັ່ງເນື່ອງຈາກວ່າ ສະຖານະການຂອງໂຄວິດ-19 ໃນລັດຟຼໍຣິດາ ໄດ້ກາຍເປັນເຂດວິກິດທີ່ສຸດຂອງອາເມຣິກາແລ້ວ.

ในภาพอาจจะมี 1 คน, กำลังยืน และชุดสูท

ທັງນີ້, ຖ້າຈຳແນກສະຖານະການຂອງລັດຟຼໍຣິດາອອກເປັນແຕ່ລະເຂດພົບວ່າ ເມືອງໄມອາມີ-ເດດ ສະຖານທີ່ຕັ້ງຂອງເມືອງໄມອາມີ ເມືອງໃຫຍ່ທີ່ສຸດອັນດັບ 7 ຂອງສະຫະລັດ ອາເມລິກາ ມີຜູ້ປ່ວຍ ແລະ ເສຍຊີວິດສະສົມຫຼາຍທີ່ສຸດ ໂດຍໃນຮອບ 24 ຊົ່ວໂມງ ຜ່ານມາ ກວດພົບຜູ້ຕິດເຊື້ອເພິ່ມອີກ 2.090 ຄົນ ແລະ ເສຍຊີວິດ 32 ຄົນ ເພິ່ມຈຳນວນຜູ້ປ່ວຍສະສົມໃນພື້ນທີ່ຢ່າງໜ້ອຍ 69.803 ຄົນ ແລະ ເສຍຊີວິດ 1.175 ຄົນ.

ในภาพอาจจะมี หนึ่งคนขึ้นไป, ผู้คนกำลังนั่ง, สถานที่ในร่ม และสถานที่กลางแจ้ง

ທ່ານຄາລອສ ຈິມິເນສ ນາຍົກເທສະມົນຕີເຂດໄມອາມີ-ເດດ ມີຄຳສັ່ງຍົກສູງມາດຕະການຄວບຄຸມພະຍາດໃນພື້ນທີ່ ຈາກການບັງຄັບໃຊ້ມາດຕະການປິດເມືອງ “ແບບບໍ່ມີກຳນົດ” ລະຫວ່າງ 22:00 ໂມງ ເຖິງ 6:00 ໂມງເຊົ້າ ຕາມເວລາທ້ອງຖິ່ນ ຕັ້ງແຕ່ວັນທີ 4 ກໍລະກົດ ຜ່ານມາ ປິດບໍລິການຮັບປະທານອາຫານພາຍໃນຮ້ານ ແຕ່ຍັງອະນຸຍາດໃຫ້ຮັບປະທານອາຫານຢູ່ນອກຮ້ານທີ່ເປັນພື້ນທີ່ກາງແຈ້ງໄດ້ ພາຍໃຕ້ເງື່ອນໄຂຕ້ອງຮັກສາໄລຍະຫ່າງທາງສັງຄົມ ພ້ອມສວມໃສ່ໜ້າກາກ ຫຼື ຜ້າອັດປາກ-ດັງ ສ່ວນສະຖານບໍລິການອອກກຳລັງກາຍຍັງເປີດໄດ້ຕາມປົກກະຕິ ແຕ່ຜູ້ໃຊ້ບໍລິການຕ້ອງສວມໃສ່ໜ້າກາກ ຫຼື ຜ້າອັດປາກ-ດັງຕະຫຼອດເວລາ.