ອັງກິດ ແບນຫົວເຫວີ່ຍຈາກໂຄງການພັດທະນາ “5G”

402

ສຳນັກຂ່າວຕ່າງປະເທດລາຍງານຈາກນະຄອນຫຼວງລອນດອນ ອັງກິດ ເມື່ອວັນອັງຄານ ທີ 14 ກໍລະກົດ ວ່າ ທ່ານໂອລິເວີ ດາວເດນ ລັດຖະມົນຕີກະຊວງດິຈິຕອລຂອງອັງກິດ ໄດ້ຖະແຫຼງຕໍ່ສະພາສາມັນ ເມື່ອວັນອັງຄານ ວ່າ ນັບແຕ່ວັນທີ 1 ມັງກອນ 2021 ເປັນຕົ້ນໄປ ຜູ້ໃຫ້ບໍລິການອິນເຕີເນັດ ແລະ ເຄືອຂ່າຍໂທລະຄົມມະນາຄົມທຸກແຫ່ງໃນອັງກິດແມ່ນບໍ່ສາມາດຊື້ຜະລິດຕະພັນ ແລະ ການບໍລິການທີ່ກ່ຽວຂ້ອງຈາກບໍລິສັດຫົວເຫວີ່ຍ ເທັກໂນໂລຢີຂອງຈີນໄດ້ອີກ.

ຂະນະດຽວກັນ, ບໍລິສັດທຸກແຫ່ງທີ່ໄດ້ຊື້ ແລະ ຕິດຕັ້ງອຸປະກອນຕ່າງໆເພື່ອຮອງຮັບການສື່ສານໃນລະບົບໄຮ້ສາຍ ຍຸກທີ 5 ຫຼື 5G ຂອງຫົວເຫວີ່ຍໄປແລ້ວ ຕ້ອງຖອດຖອນການຕິດເຄື່ອງມືທັງໝົດທີ່ເປັນຂອງບໍລິສັດຫົວເຫວີ່ຍ ພາຍໃນປີ 2027. ທັງນີ້, ທ່ານດາວເດນ ກ່າວວ່າ ນາຍົກລັດຖະມົນຕີບໍຣີສ ຈອນສັນ ໄດ້ຕັດສິນໃຈປະເດັນດັ່ງກ່າວ “ດ້ວຍຄວາມຫຍຸ້ງຍາກ” ແຕ່ “ຈຳເປັນຕ້ອງດຳເນີນການ” ເພື່ອປົກປ້ອງເສດຖະກິດ ແລະ ຄວາມໝັ້ນຄົງພາຍໃນຂອງອັງກິດ “ໃນໄລຍະຍາວ”.

ในภาพอาจจะมี หนึ่งคนขึ้นไป, ผู้คนกำลังยืน และสถานที่ในร่ม

ອີກປະການໜຶ່ງ, ການເຄື່ອນໄຫວຄັ້ງນີ້ຂອງອັງກິດ ຖືໄດ້ວ່າເປັນການປ່ຽນແປງຈຸດຢືນ “ແບບກະທັນຫັນ” ເນື່ອງຈາກທ່ານບໍຣິສ ຈອນສັນ ມີຄຳສັ່ງເມື່ອເດືອນມັງກອນ ຜ່ານມາ ແມ່ນອະນຸຍາດໃຫ້ຫົວເຫວີ່ຍສາມາດມີສ່ວນຮ່ວມໃນໂຄງການເຊື່ອມໂຍງເຄືອຂ່າຍ 5 ຈີ ພາຍໃນປະເທດໄດ້ ແຕ່ຕ້ອງເປັນໄປຕາມເງື່ອນໄຂແບບຈຳກັດ ໂດຍໃຫ້ໂກຕ້າພຽງ 35% ແລະ ຫ້າມບໍ່ໃຫ້ບໍລິສັດຈາກຈີນກ່ຽວຂອງກັບໂຄງການວາງລະບົບຫຼັກຂອງເຄືອຂ່າຍ 5G ເຊິ່ງໃນໄລຍະນັ້ນ ທັງລັດຖະບານຈີນ ແລະ ບໍລິສັດຫົວເຫວີ່ຍ “ຂ້ອຍຂ້າງພໍໃຈ” ເຊິ່ງສວນທາງກັບທ່າທີຂອງອາເມຣິກາ ທີ່ຍັງເດີນໜ້າກົດດັນລັດຖະບານອັງກິດໃຫ້ເລື່ອງນີ້ ວ່າ ຕ້ອງນຳຫົວເຫວີ່ຍອອກຈາກໂຄງການ 5G “ແບບຖາວອນ”.

ในภาพอาจจะมี ท้องฟ้า, ต้นไม้, ต้นพืช และสถานที่กลางแจ้ง

ທັງນີ້, ລັດຖະບານວໍຊິງຕັນໄດ້ປະກາດມາດຕະການທາງດ້ານເສດຖະກິດ ເມື່ອເດືອນພຶດສະພາ ຜ່ານມາ ວ່າ ຈະຂວໍ້າບາດຝ່າຍດຽວສຳລັບບໍລິສັດໃດກໍ່ຕາມໃນໂລກ ຖ້າບໍ່ໄດ້ຮັບອະນຸຍາດເປັນລາຍລັກອັກສອນຈາກອາເມຣິກາ ເມື່ອຕ້ອງການສົ່ງອອກເຊມິຄອນດັກເຕີ ທີ່ອອກແບບ ແລະ ຜະລິດໂດຍຫົວເຫວີ່ຍ ໄປຫາບໍລິສັດແຫ່ງອື່ນຂອງຈີນທີ່ເປັນຜູ້ຜະລິດສິນຄ້າ ໂດຍນຳໃຊ້ສິນຄ້າ ຫຼື ຊິ້ນສ່ວນທີ່ຄົ້ນຄິດຈາກອາເມຣິກາ. ເຊັ່ນດຽວກັບ ຜູ້ປະກອບການລາຍໃດກໍ່ຕາມຂອງອາເມຣິກາ ທີ່ຕ້ອງການສົ່ງອອກວັດຖຸດິບສຳລັບຜະລິດເຊມິຄອນດັກເຕີ ແລະ ແບ່ງປັນເທັກໂນໂລຢີການຜະລິດເຊມິຄອນດັກເຕີໃຫ້ແກ່ຫົວເຫວີ່ຍ ຕ້ອງໄດ້ຮັບອະນຸຍາດເປັນລາຍລັກອັກສອນຈາກລັດຖະບານອາເມຣິກາກ່ອນ.