ອິຣານ ເຂັ້ມງວດໃຫ້ປະຊາຊົນສວມໃສ່ຜ້າອັດປາກ-ດັງ

474

ສຳນັກຂ່າວຕ່າງປະເທດລາຍງານຈາກນະຄອນຫຼວງເຕຫະຣານ ປະເທດອິຣານ ເມື່ອວັນຈັນ ທີ 6 ກໍລະກົດ ວ່າ ກະຊວງສາທາລະນະສຸກອິຣານ ຖະແຫຼງການ ເມື່ອວັນອາທິດ ວ່າ ຖ້າຜູ້ໃດທີ່ບໍ່ສວມໃສ່ໜ້າກາກອະນາໄມ ຫຼື ຜ້າອັດປາກແມ່ນຈະບໍ່ໄດ້ຮັບອະນຸຍາດໃຫ້ໃຊ້ບໍລິການໃນສະຖານທີ່ສາທາລະນະ ແລະ ລະບົບຂົນສົ່ງສາທາລະນະທຸກແຫ່ງ. ຂະນະທີ່, ສະຖານທີ່ປະກອບການເອກະຊົນທີ່ບໍ່ເຄັ່ງຄັດກັບກົດລະບຽບເຊັ່ນ: ການໃຫ້ບໍລິການແກ່ຄົນທີ່ບໍ່ສວມໃສ່ຜ້າອັດປາກ ຫຼື ປ່ອຍໃຫ້ພະນັກງານບໍ່ໃສ່ຜ້າອັດປາກຂະນະເຮັດວຽກຈະຖືກລົງໂທດໃຫ້ປິດບໍລິການເປັນໄລຍະ 7 ວັນ.

ในภาพอาจจะมี หนึ่งคนขึ้นไป, ผู้คนกำลังยืน, แถบ และสถานที่กลางแจ้ง

ຂະນະທີ່ ສະຖານີໂທລະພາບ ແລະ ສຳນັກຂ່າວທີ່ເປັນກະບອກສຽງຂອງລັດຖະບານເຕຫະຣານ ເຜີຍແຜ່ຮູບພາບ ແລະ ວິດິໂອຂອງທ່ານອາລີ ຄາເມເນ ຜູ້ນຳສູງສຸດ ແລະ ປະທານາທິບໍດີຮາສຊານ ຣູຮານີ ພ້ອມດ້ວຍຄະນະລັດຖະບານອິຣານ ສວມໃສ່ຜ້າອັດປາກ ເພື່ອເປັນຕົວຢ່າງໃຫ້ແກ່ປະຊາຊົນ ແລະ ມີການເຜີຍແຜ່ລາຍການພິເສດ ຕັ້ງແຕ່ອາທິດ ຜ່ານມາ ຄືການປະຊາສຳພັນການສວມໃສ່ຜ້າອັດປາກຂະນະຢູ່ສະຖານທີ່ສາທາລະນະ ແລະ ເຕືອນວ່າ ເຊື້ອໄວຣັສໂຄໂຣນາສາຍພັນໃໝ່ “ບໍ່ແມ່ນສິ່ງຖືເບົາ”.

ທ່ານຣູຮານີ ໄດ້ຖະແຫຼງເມື່ອວັນເສົາ ຜ່ານມາ ວ່າ ສຳລັບຜູ້ທີ່ມີອາການຕ້ອງສົງໄສວ່າ ຕິດເຊື້ອໂຄວິດ-19 ຄວນໄປພົບແພດທັນທີ ການປິດບັງອາການ ແລະ ບໍ່ໃຫ້ຂໍ້ມູນຄວາມຈິງແກ່ເຈົ້າໜ້າທີ່ແພດ ບໍ່ວ່າຈະເປັນເຫດຜົນໃດກໍ່ຕາມ “ຖືເປັນຄວາມຜິດຮ້າຍແຮງ”.

ในภาพอาจจะมี หนึ่งคนขึ้นไป และผู้คนกำลังนั่ง

ທັງນີ້, ອິຣານ ເປັນໜຶ່ງໃນບັນດາປະເທດທຳອິດ ນອກປະເທດຈີນ ທີ່ມີການແຜ່ລະບາດຂອງໂຄວິດ-19 ຂັ້ນຮ້າຍແຮງ ໂດຍມີການຢືນຢັນຜູ້ປ່ວຍຫຼາຍກວ່າ 240.000 ຄົນ ແລະ ເສຍຊີວິດຫຼາຍກວ່າ 11.500 ຄົນ ເຊິ່ງຈຳນວນຜູ້ຕິດເຊື້ອໄວຣັສໂຄໂຣນາສາຍພັນໃໝ່ໃນອິຣານ ເພິ່ມຂຶ້ນຢ່າງໄວວາ ນັບຕັ້ງແຕ່ລັດຖະບານເລິ່ມຜ່ອນຄາຍມາດຕະການປິດເມືອງ ເມື່ອເດືອນເມສາ ຜ່ານມາ.