ສາຍການບິນແຫ່ງຊາດຝຣັ່ງ ກຽມເຊົາຈ້າງພະນັກງານ 7,5 ພັນຄົນທົ່ວໂລກ

492

ສຳນັກຂ່າວຕ່າງປະເທດລາຍງານຈາກນະຄອນຫຼວງປາຣີສ ປະເທດຝຣັ່ງ ເມື່ອວັນເສົາ ທີ 4 ກໍລະກົດ ວ່າ ສາຍການບິນແອ ຝຣັ່ງ ເຊິ່ງເປັນສາຍການບິນແຫ່ງຊາດຂອງຝຣັ່ງ ໄດ້ອອກຖະແຫຼງການ ເມື່ອວັນສຸກ ວ່າ: ໃນໄລຍະ 3 ເດືອນຜ່ານມາ ກິດຈະກຳ ແລະ ຜົນປະກອບການໝູນວຽນຂອງບໍລິສັດ ຫຼຸດລົງຫຼາຍເຖິງ 95% ເຊິ່ງໄດ້ຮັບຜົນກະທົບຢ່າງໜັກ ຈາກວິກິດການແຜ່ລະບາດຂອງໂຄວິດ-19 ຍິ່ງໄປກວ່ານັ້ນ “ໃນໄລຍະວິກິດໜັກທີ່ສຸດ” ສາຍການບິນມີລາຍຮັບພຽງ 15 ລ້ານເອີໂຣຕໍ່ມື້ (ປະມານ 152 ຕື້ກີບ) ຖືວ່າໜ້ອຍຫຼາຍ ແລະ ສະຖານະການທີ່ບໍ່ແນ່ນອນເຊັ່ນນີ້ ທາງສາຍການບິນ ແອ ຝຣັ່ງ ຄາດການເຖິງການຟື້ນຕົວຂອງອຸດສາຫະກຳການບິນ “ຈະເປັນໄປຢ່າງຫຼ້າຊ້າ”.

ในภาพอาจจะมี 1 คน, กำลังยืน, ฝูงชน และสถานที่กลางแจ้ง

ທັງນີ້, ຕະຫຼອດປີ 2022 ສາຍການບິນແຫ່ງຊາດຝຣັ່ງ ຈະປະຕິບັດແຜນການ “ປະຕິຮູບອົງການຈັດຕັ້ງ” ຄັ້ງໃຫຍ່ ເພື່ອໃຫ້ການເຮັດວຽກສອດຄ່ອງກັບສະຖານະການທັງພາຍໃນ ແລະ ພາຍນອກ ໂດຍໃນໄລຍະດັ່ງກ່າວ ພະນັກງານຂອງສາຍການບິນຈະຖືກປົດອອກ ປະມານ 6,5 ພັນຄົນ ຈາກປະມານ 41 ພັນຄົນທົ່ວໂລກ ກວມເອົາ 16% ແລະ ອີກປະມານ 1 ພັນຄົນ ຈາກຈຳນວນທັງໝົດ 2,4 ພັນຄິດເປັນ 40% ຂອງສາຍການບິນຮັອບ ເຊິ່ງເປັນສາຍການບິນລາຄາຖືກ ໃນເຄືອບໍລິສັດ.

ในภาพอาจจะมี 2 คน, ผู้คนกำลังยืน, เครา, เด็ก และสถานที่กลางแจ้ง

ຢ່າງໃດກໍ່ຕາມ, ການປະກາດດັ່ງກ່າວຂອງສາຍການບິນແຫ່ງຊາດຝຣັ່ງ ທີ່ເຖິງວ່າຈະມີການຫາລືກັນພາຍໃນລະຫວ່າງຜູ້ບໍລິຫານກັບຜູ້ແທນຂອງສະຫະພາບແຮງງານຫຼາຍແຫ່ງ ແຕ່ກໍ່ຍັງມີການປະທ້ວງຢ່າງຕໍ່ເນື່ອງຈາກພະນັກງານຂອງສາຍການບິນ ເຊິ່ງບໍ່ພໍໃຈທີ່ທາງສາຍການບິນໄດ້ຮັບເງິນຊ່ວຍເຫຼືອ 7 ຕື້ເອີໂຣ (ປະມານ 71.190 ຕື້ກີບ ) ຈາກລັດຖະບານຝຣັ່ງ ເມື່ອເດືອນພຶດສະພາ ຜ່ານມາ ແຕ່ເງື່ອນໄຂຕ່າງໆບໍ່ໄດ້ມີການລະບຸວ່າ ຝ່າຍບໍລິຫານຂອງສາຍການບິນຕ້ອງ “ປົກປ້ອງຕຳແໜ່ງວຽກ” ໃຫ້ພະນັກງານ.