ອັນດັບ 3 ຂອງໂລກ! ຍອດຜູ້ເສຍຊີວິດຈາກໂຄວິດ-19 ໃນປະເທດບຣາຊິນ ກວ່າ 34 ພັນຄົນ

521

ສຳນັກຂ່າວຕ່າງປະເທດລາຍງານຈາກນະຄອນຫຼວງບຣາຊິເລຍ ປະເທດບຣາຊິນ ເມື່ອວັນພະຫັດ ທີ 4 ມິຖຸນາ ວ່າ ກະຊວງສາທາລະນະສຸກບຣາຊິນ ຖະແຫຼງການ ເມື່ອວັນພະຫັດ ລາຍງານສະຖານະການປະ ຈຳວັນຂອງໂຄວິດ-19 ໃນປະເທດ ວ່າ ຈຳນວນຜູ້ປ່ວຍສະສົມເພິ່ມເປັນຢ່າງໜ້ອຍ 614.941 ຄົນ ຫຼັງຈາກໄດ້ຢືນຢັນກວດພົບຜູ້ປ່ວຍໃໝ່ ໃນຮອບໜຶ່ງວັນ ຜ່ານມາ ອີກ 30.925 ຄົນ ໂດຍຜູ້ປ່ວສະສົມຈາກໂຄວິດ-19 ໃນປະເທດບຣາຊິນ ມີຈຳນວນຫຼາຍທີ່ສຸດເປັນອັນດັບ 2 ຂອງໂລກຮອງຈາກສະຫະລັດ.

ในภาพอาจจะมี หนึ่งคนขึ้นไป และผู้คนกำลังยืน

ຂະນະທີ່ ໃນວັນດຽວກັນ ໄດ້ຢືນຢັນຜູ້ເສຍຊີວິດຕື່ມອີກ 1.437 ຄົນ ພາຍໃນໄລຍະພຽງ 24 ຊົ່ວໂມງ ເພິ່ມສະຖິຕິຜູ້ເສຍຊີວິດສະສົມຈາກໂຄວິດ-19 ໃນປະເທດບຣາຊິນ ຢ່າງໜ້ອຍ 34.021 ຄົນ ແຊງໜ້າປະເທດອິຕາລີ ຂຶ້ນເປັນອັນດັບ 3 ຂອງໂລກ ຮອງຈາກສະຫະລັດ ອາເມຣິກາ ທີ່ມີຜູ້ເສຍຊີວິດ ປະມານ 1,1 ແສນຄົນ ແລະ ອັງກິດ ມີຜູ້ເສຍຊີວິດສະສົມເກືອບ 40 ພັນຄົນ.

ในภาพอาจจะมี หนึ่งคนขึ้นไป, ห้องรับแขก และสถานที่ในร่ม

ອີງຕາມຂໍ້ມູນຈາກສະມາຄົມນັກຂ່າວກຸ່ມຄົນພື້ນເມືອງຂອງປະເທດບຣາຊິນ ເຊິ່ງເຮັດໜ້າທີ່ເປັນ “ຜູ້ຕາງໜ້າ” ໃຫ້ກັບກຸ່ມຊົນເຜົ່າໃນບຣາຊິນ ຫຼາຍກວ່າ 305 ຊົນເຜົ່າ ໃຫ້ຮູ້ວ່າ ອັດຕາການເສຍຊີວິດຈາກໂຄວິດ-19 ເພິ່ມຂຶ້ນຢ່າງຫຼວງຫຼາຍໃນກຸ່ມຊົນເຜົ່າພື້ນເມືອງ ໂດຍສະຖິຕິຈົນເຖິງວັນທີ 1 ມິຖຸນາ ມີຢ່າງນ້ອຍ 128 ຄົນ ເພິ່ມຂຶ້ນຈາກພຽງ 18 ຄົນ ເມື່ອທ້າຍເດືອນເມສາ ຜ່ານມາ ໃນຂະນະດຽວກັນ ອົງການອະນາໄມແພນອາເມຣິກາ ກໍ່ສະແດງຄວາມເປັນຫ່ວງກ່ຽວກັບເລື່ອງນີ້ເຊັ່ນກັນ ແຕ່ລັດຖະບານຂອງປະທານາທິບໍດີຊາອີ ໂບລໂຊນາໂຣ ຍັງສະຫງວນທ່າທີ.