ລັດຖະບານເຢຍລະມັນ ຈະຊ່ວຍເຫຼືອສາຍການບິນແຫ່ງຊາດ ພ້ອມແຜນງົບກວ່າ 80 ພັນຕື້ກີບ

457

ສຳນັກຂ່າວຕ່າງປະເທດລາຍງານຈາກນະຄອນຫຼວງເບີລິນ ປະເທດເຢຍລະມັນ ເມື່ອວັນພະຫັດ ທີ 21 ພຶດສະພາ ວ່າ ລຸຟຮັນຊາ ຖະແຫຼງການ ເມື່ອວັນພຸດ ວ່າ ກຳລັງຢູ່ລະຫວ່າງ “ການຫາລືຂັ້ນສຸດທ້າຍ” ກັບລັດຖະບານເຢຍລະມັນ ກ່ຽວກັບມາດຕະການ “ສ້າງສະຖຽນລະພາບ” ເຊິ່ງຕ້ອງໃຊ້ງົບປະມານ 9 ຕື້ເອີໂຣ (ປະມານ 88.620 ຕື້ກີບ) ຈາກຈຳນວນດັ່ງກ່າວ ຢ່າງໜ້ອຍ 3 ຕື້ເອີໂຣ (ປະມານ 29.540 ຕື້ກີບ) ຈະຂໍຄວາມຊ່ວຍເຫຼືອໃນຮູບແບບເງິນກູ້ຈາກທະນາຄານເພື່ອການຟື້ນຟູ (KFW) ເຊິ່ງເປັນສະຖາບັນການເງິນທີ່ເປັນລັດວິສາຫະກິດ.

ຂະນະທີ່ໜັງສືພິມທຸລະກິດ ” Handelsblatt ” ລາຍງານຕື່ມວ່າ ໂຄງການຊ່ວຍເຫຼືອສາຍການບິນແຫ່ງຊາດ “ລຸຟຮັນຊາ” ແບ່ງອອກເປັນ 3 ຂັ້ນ ໂດຍນອກຈາກເງິນຊ່ວຍເຫຼືອແລ້ວ ລັດຖະບານເຢຍລະມັນຈະເປັນຜູ້ຖືຮຸ້ນຂອງສາຍການບິນສັດສ່ວນ 25% ໂດຍ 5% ເປັນຮຸ້ນກູ້ປ່ຽນສະພາບ ແລະ ລັດຖະບານມີໂຄຕາ ຢ່າງໜ້ອຍ 2 ບ່ອນນັ່ງໃນຄະນະບໍລິຫານ “ແຕ່ຈະບໍ່ແມ່ນບຸກຄົນທີ່ມາຈາກລັດຖະບານ ແລະ ນັກການເມືອງ” ໂດຍເມື່ອໃດກໍ່ຕາມທີ່ຄະນະລັດຖະມົນຕີຂອງນາຍົກລັດຖະມົນຕີທ່ານນາງອັງເກລາ ແມເຄິລ ອະນຸມັດແຜນການດັ່ງກ່າວ ສາຍການບິນລຸຟຮັນຊາຕ້ອງຮັບຮອງແຜນການດຽວກັນພາຍໃນ 48 ຊົ່ວໂມງ.

ในภาพอาจจะมี เครื่องบิน, ท้องฟ้า และสถานที่กลางแจ้ง

ໃນຫຼາຍປີ ຜ່ານມາ ຝ່າຍການເມືອງທີ່ເປັນພັນທະມິດກັບນັກລົງທຶນ ໄດ້ຄັດຄ້ານມາຕະຫຼອດກ່ຽວກັບແນວຄິດທີ່ຈະໃຫ້ລັດຖະບານເຢຍລະມັນກັບເຂົ້າໄປມີສ່ວນຮ່ວມບໍລິຫານໂດຍກົງກັບທຸລະກິດສາຍການບິນລຸຟຮັນຊາອີກຄັ້ງ ເຊິ່ງໄດ້ຢຸດຕິບົດບາດການເປັນລັດວິສາຫະກິດ ເມື່ອປີ 1997 ໂດຍມີຄຳຄິດເຫັນວ່າ ຕ້ອງໃຫ້ພາກເອກະຊົນບໍລິຫານແກ້ໄຂກັນເອງ.

ในภาพอาจจะมี เครื่องบิน และสถานที่กลางแจ้ง

ຢ່າງໃດກໍ່ຕາມ, ພັກສັງຄົມປະຊາທິປະໄຕ (SPD) ເປັນພັກການເມືອງອັນດັບ 2 ແລະ ເປັນຕົວປ່ຽນສຳຄັນຂອງລັດຖະບານປະສົມເຢຍລະມັນ ທີ່ຕ້ອງການໃຫ້ລັດຖະບານເຂົ້າໄປມີສ່ວນຮ່ວມກັບທຸລະກິດຂອງລຸຟຮັນຊາຫຼາຍຂຶ້ນ  ເພື່ອວາງຮາກຖານອິດທິພົນຂອງລັດຖະບານເບີລິນສຳລັບການປັບປ່ຽນນະໂຍບາຍໃນອະນາຄົດຂອງສາຍການບິນ ທັງເລື່ອງພະນັກງານ ແລະ ການຮັກສາສິ່ງແວດລ້ອມໃຫ້ສອດຄ່ອງກັບແນວທາງຂອງສະຫະພາບເອີຣົບ (EU) ນອກເໜືອຈາກການຮັກສາທຸລະກິດຂອງສາຍການບິນແຫ່ງຊາດໃຫ້ຜ່ານພົ້ນວິກິດການແຜ່ລະບາດໂຄວິດ-19 ທີ່ສ້າງຜົນກະທົບໃຫ້ອຸດສາຫະກຳການບິນທົ່ວໂລກຢ່າງໜັກ.