ທົ່ວໂລກມີຜູ້ຕິດເຊື້ອໂຄວິດ-19 ຫຼາຍກວ່າ 1 ແສນຄົນພາຍໃນມື້ດຽວ

672

ສຳນັກຂ່າວຕ່າງປະເທດລາຍງານຈາກເມືອງເຈນີວາ ປະເທດສະວິດເຊີແລນ ເມື່ອວັນທີ 21 ພຶດສະພາ ວ່າ ທ່ານດຣ.ເທດຣອສ ແອັດນາຮອມ ເກເບຣເຍຊຸສ ຜູ້ອຳນວຍການອົງການອະນາໄມໂລກ (WHO) ຖະແຫຼງການເມື່ອວັນພຸດ ວ່າ ສະຖິຕິຂອງອົງການອະນາໄມໂລກທີ່ບັນທຶກ ຢືນຢັນພົບຜູ້ຕິດເຊື້ອໂຄວິດ-19 ປະຈຳວັນ 106.662 ຄົນທົ່ວໂລກ ຖືເປັນສະຖິຕິຕິດເຊື້ອປະຈຳວັນສູງທີ່ສຸດ ນັບຕັ້ງແຕ່ມີການຢືນຢັນພົບຜູ້ຕິດເຊື້ອຄົນທຳອິດໃນປະເທດຈີນ ເມື່ອທ້າຍເດືອນທັນວາ ປີຜ່ານມາ ມີຜູ້ເສຍຊີວິດສະສົມຫຼາຍກວ່າ 3 ແສນຄົນ.

ຢ່າງໃດກໍ່ຕາມ, ຖ້າຈັດແບ່ງອອກເປັນຂົງເຂດພົບວ່າ ພາກພື້ນອາເມຣິກາເໜືອ ແລະ ອາເມຣິກາໃຕ້ ມີຜູ້ປ່ວຍຫຼາຍທີ່ສຸດລວມກັນຫຼາຍກວ່າ 2 ລ້ານຄົນ ຫຼາຍກວ່າເຄິ່ງໜຶ່ງແມ່ນຢູ່ໃນສະຫະລັດ ອາເມຣິກາປະເທດດຽວ, ຕໍ່ມາແມ່ນທະວີບເອີຣົບ ມີຜູ້ປ່ວຍລວມກັນປະມານ 1,9 ລ້ານຄົນ ແລະ ພາກພື້ນເມດິເຕີເຣນຽນຕາເວັນອອກ ມີຜູ້ປ່ວຍສະສົມປະມານ 3,7 ແສນຄົນ ເຊິ່ງສະທ້ອນໃຫ້ເຫັນວ່າ ການຕໍ່ສູ້ເພື່ອເອົາຊະນະວິກິດພະຍາດລະບາດຄັ້ງນີ້ “ຍັງອີກດົນ”.

ในภาพอาจจะมี 1 คน, เด็ก และสถานที่กลางแจ้ง

ຂະນະດຽວກັນ, ທ່ານດຣ. ເທດຣອສ ໄດ້ກ່າວອີກຄັ້ງກ່ຽວກັບຈົດໝາຍຈາກປະທານາທິບໍດີໂດນັລ ທຣຳ ຜູ້ນຳສະຫະລັດ “ກຳນົດເວລາຄັ້ງສຸດທ້າຍ” ໃຫ້ອົງການອະນາໄມໂລກ ປະຕິຮູບອົງກອນພາຍໃນ 30 ວັນ ນັບແຕ່ວັນທີ 18 ພຶດສະພາ ຜ່ານມາ ຖ້າບໍ່ເປັນດັ່ງນັ້ນ ລັດຖະບານວໍຊິງຕັນຈະຢຸດຕິຈ່າຍເງິນ ສະໜັບສະໜູນ ແລະ ອາດຈະລາອອກຈາກການເປັນສະມາຊິກຂອງ WHO ເມື່ອຕົວທ່ານ ແລະ ຄະນະໄດ້ອ່ານຈົດໝາຍແລ້ວ ແລະ ໄດ້ຢືນຢັນວ່າການສ້າງຕັ້ງຄະນະເຮັດວຽກອິດສະຫຼະເພື່ອກວດກາການປະຕິບັດວຽກໃນທຸກດ້ານຂອງ WHO ກ່ຽວກັບການຕອບສະໜອງຕໍ່ໂຄວິດ-19 “ຈະປະຕິບັດໃຫ້ໄວທີ່ສຸດ”.

ในภาพอาจจะมี หนึ่งคนขึ้นไป, เด็ก และสถานที่กลางแจ้ง

ທ່ານດຣ. ໄມເຄິລໄຣອັນ ປະທານໂຄງການສຸກເສີນດ້ານສາທາລະນະສຸກຂອງອົງການອະນາໄມໂລກ ກ່າວວ່າ ຈຳນວນຜູ້ຕິດເຊື້ອໂຄວິດ-19 ທີ່ກ້າວເຂົ້າສູ່ລະດັບ 5 ລ້ານຄົນ “ເປັນສະຖິຕິທີ່ໜ້າເສົ້າ” ກ່ຽວກັບປະເດັນການນຳໃຊ້ຢາໄຮດຣອກຊີຄຼໍໂຣຄວິນ (Hydroxychloroquine) ເຊິ່ງເປັນຢາຕ້ານເຊື້ອໃຊ້ສຳລັບການປິ່ນປົວໄຂ້ມາລາເຣຍ ເຊິ່ງທ່ານ ໂດນັລ ທຣຳ ໄດ້ກ່າວໃນອາທິດນີ້ ວ່າ ໄດ້ຮັບປະທານຢາດັ່ງກ່າວຄວບຄູ່ກັບອາຫານເສີມແບບເມັດຄຶ ທາດສັງກະສີ “ຈົນເຖິງປັດຈຸບັນ” ຍັງບໍ່ທັນມີການຢືນຢັນທາງວິທະຍາສາດການແພດ ກ່ຽວກັບ “ປະສິດທິພາບ” ຂອງຢາໄຮດຣອກຊີຄຼໍໂຣຄວິນ ໃນການຢັບຢັ້ງ, ປ້ອງກັນ ຫຼື ຂ້າເຊື້ອໄວຣັສໂຄໂຣນາສາຍພັນໃໝ່.

ในภาพอาจจะมี 1 คน, กำลังยืน และสถานที่กลางแจ้ง

ແຕ່ອີກດ້ານໜຶ່ງ ມີການຢືນຢັນຢ່າງຊັດເຈນ ວ່າ ຢາໄຮດຣອກຊີຄຼໍໂຣຄວິນ ແລະ ຢາຄຼໍໂຣຄວິນ ເປັນຢາທີ່ “ອັນຕະລາຍ” ເນື່ອງຈາກຜົນຂ້າງຄຽງຂອງຢາຊະນິດນີ້ “ຮ້າຍແຮງ” ຖ້າຕ້ອງການນຳໃຊ້ໃນກໍລະນີໃດກໍ່ຕາມ ຕ້ອງຢູ່ພາຍໃຕ້ການດູແລຢ່າງເຂັ້ມງວດທີ່ສຸດຂອງແພດ.