ຂ່າວ​ດ່ວນ! 20 ພຶດ​ສະ​ພານີ້ ອາ​ເມ​ລິ​ກາ ເຂື່ອນແຕກ 2 ແຫ່ງ ອົບ​ພະ​ຍົກ​ປະ​ຊາ​ຊົນ​ຫຼາຍ​ໝື່ນ​ຄົນ

903

Breaking news! ເຂື່ອນແຕກ 2 ແຫ່ງ ຫ່າງກັນໃນເວລາບໍ່ເທົ່າໃດຊົ່ວໂມງ ທີ່ສະຫະລັດອາເມລິກາ, ເກີດ​ນ້ຳ​ຖ້ວມ​ຢ່າງວ່ອງ​ໄວ ເລັ່ງ​ອົບ​ພະ​ຍົກ​ປະ​ຊາ​ຊົນ​ນັບ​ໜື່ນ​ຄົນ ຄາດ​ວ່າ​ສາ​ເຫດ​ເຂື່ອນ​ແຕກ​ມາ​ຈາກ​ຝົນ​ຕ​ົກ​ໜັກ

ຕາມຂ່າວຕ່າງປະເທດລາຍງານໃນວັນທີ 20 ພຶດສະພາ 2020 ຜ່ານມາ ເຂື່ອນອີເດນວິລ ແລະ ເຂື່ອນແຊນຟອດ ຕັ້ງຢູ່ໃກ້ກັບເມືອງມິດແລນ, ລັດມິຊິແກນ, ສະຫະລັດອາເມລິກາ ເກີດແຕກທັງ 2 ແຫ່ງ ຫ່າງກັນໃນເວາລາບໍ່ເທົ່າໃດຊົ່ວໂມງ

ສັນນິຖານເບື້ອງຕົ້ນມາ ຈາກສາເຫດຝົນຕົກໜັກໃນວັນທີ 19 ພຶດສະພາ ຜ່ານມາ ເຮັດໃຫ້ຕ້ອງອົບພະຍົກປະຊາຊົນຫຼາຍໝື່ນຄົນ ໃນເຂດພື້ນທີ່ກ້ອງເຂື່ອນທີ່ໄດ້ຮັບຜົນກະທົບ, ບ້ານເຮືອນ, ຮ້ານຄ້າ ແລະ ເສັ້ນທາງຖືກນ້ຳຖ້ວມຢ່າງວ່ອງໄວ.