ເມືອງມຸມໄບ ສັ່ງປິດຮ້ານຂາຍເຫຼົ້າ ຫຼັງຈາກປະຊາຊົນບໍ່ປະຕິບັດຕາມລະບຽບການ

454

ສຳນັກຂ່າວຕ່າງປະເທດລາຍງານຈາກເມືອງມຸມໄບ ປະເທດອິນເດຍ ເມື່ອວັນພຸດ ທີ 6 ພຶດສະພາ ວ່າ ເທສະບານເມືອງມຸມໄບ ເຊິ່ງເປັນເມືອງໃຫຍ່ອັນດັບ 2 ຂອງອິນເດຍ ຮອງຈາກນະຄອນຫຼວງນິວເດລີ ໄດ້ອອກຖະແຫຼງການກ່ຽວກັບການປິດຮ້ານຈຳໜ່າຍເຄື່ອງດື່ມແອລກໍຮອລທຸກແຫ່ງໃນເມືອງ ຕັ້ງແຕ່ວັນທີ 6 ພຶດສະພາ ເປັນຕົ້ນໄປ “ຈົນກວ່າຈະມີການປ່ຽນແປງ” ເຫຼືອໄວ້ແຕ່ຮ້ານຂາຍເຄື່ອງທົ່ວໄປ ແລະ ຮ້ານຂາຍຢາເທົ່ານັ້ນ.

ในภาพอาจจะมี สถานที่กลางแจ้ง

ທັງນີ້, ລັດຖະບານກາງໃນນະຄອນຫຼວງນິວເດລີ ໂດຍທ່ານນາຍົກລັດຖະມົນຕີນະເຣນທຣາ ໂມດີ ມີຄຳສັ່ງເລິ່ມຜ່ອນຜັນ ມາດຕະການປິດເມືອງໄລຍະທຳອິດເປັນທາງການ ນັບແຕ່ມີຜົນບັງຄັບໃຊ້ຢ່າງເຂັ້ມງວດເມື່ອທ້າຍເດືອນມີນາ ເປັນຕົ້ນມາ ເຊິ່ງຜູ້ນຳອິນເດຍອະນຸຍາດໃຫ້ມີຮ້ານຂາຍເຄື່ອງຫຼາຍແຫ່ງ ລວມທັງສະຖານທີ່ປະກອບການເຄື່ອງດື່ມແອລກໍຮອລ ກໍ່ສາມາດກັບມາເປີດບໍລິການ.

ในภาพอาจจะมี 2 คน, ผู้คนกำลังยืน, ผู้คนกำลังเดิน และ สถานที่กลางแจ้ง

ຢ່າງໃດກໍ່ຕາມ, ມີລາຍງານວ່າ ສະຖານະການຕາມຮ້ານຈຳໜ່າຍເຄື່ອງດື່ມແອລກໍຮອລຫຼາຍແຫ່ງແອອັດໄປດ້ວຍປະຊາຊົນຈຳນວນຫຼາຍທີ່ໄປລຽນຄິວຍາວຢຽດ ແລະ ບຽດກັນຈົນບໍ່ປະຕິບັດຕາມມາດຕະການໄລຍະຫ່າງທາງສັງຄົມ ເພື່ອຫຼຸດຄວາມສ່ຽງການແຜ່ລະບາດຂອງໂຄວິດ-19 ຍິ່ງໄປກວ່ານັ້ນ ຍັງມີລາຍງານເຫດຄວາມວຸ້ນວາຍໃນຫຼາຍພື້ນທີ່ຈົນເຮັດໃຫ້ຕຳຫຼວດອອກມາຄວບຄຸມສະຖາການໄດ້ບາງແຫ່ງ.

ในภาพอาจจะมี 1 คน, กำลังยืน, รองเท้า และ สถานที่กลางแจ้ง

ມາດຕະການຂອງເມືອງມຸມໄບມີຂຶ້ນໃນເວລາດຽວກັນກັບທ່ານອາວິນ ເກດໄຣວັລ ລັດຖະມົນຕີລັດນິວເດລີ ໄດ້ປະກາດມາດຕະການສຸກເສີນ “ຄ່າທຳນຽມພິເສດໂຄໂຣນາ” ເຊິ່ງເປັນການເພິ່ມອັດຕາພາສີເຄື່ອງດື່ມແອລກໍຮອລອີກ 70% ຈາກລາຄາຂາຍຍ່ອຍແພງທີ່ສຸດ ຫຼັງຈາກມີປະຊາຊົນຈຳນວນຫຼາຍມາເຕົ້າໂຮມກັນຕາມຮ້ານຈຳໜ່າຍເຄື່ອງດື່ມແອລກໍຮອລທຸກແຫ່ງໃນນະຄອນຫຼວງຈົນເກີດບັນຫາຂອງອົງການຈັດຕັ້ງທາງສັງຄົມເຊັ່ນກັນ.