ນະຄອນຫຼວງອິນເດຍ ປະກາດຂຶ້ນພາສີເຄື່ອງດື່ມປະເພດເຫຼົ້າ 70%

626

ສຳນັກຂ່າວຕ່າງປະເທດລາຍງານຈາກນະຄອນຫຼວງນິວເດນລີ ປະເທດອິນເດຍ ເມື່ອວັນອັງຄານ ທີ 5 ພຶດສະພາ ວ່າ: ທ່ານ ອາວິນ ເກດໄຣວັລ ລັດຖະມົນຕີລັດນິວເດນລີ ຖະແຫຼງເມື່ອວັນອັງຄານ ວ່າ: ເນື່ອງຈາກ “ຄວາມວຸ່ນວາຍເຊິ່ງບໍ່ເຄີຍເກີດຂຶ້ນມາກ່ອນ” ຢູ່ຕາມຮ້ານຈຳໜ່າຍສິນຄ້າໃນຂົງເຂດຈົນສົ່ງຜົນໃຫ້ປະຊາຊົນບໍ່ເອົາໃຈໃສ່ມາດຕະການໄລຍະຫ່າງທາງສັງຄົມ ໂດຍສະເພາະການເວັ້ນໄລຍະຫ່າງ ເຊິ່ງເປັນສິ່ງສຳຄັນທີ່ສຸດທາງເທສະບານນະຄອນຫຼວງນິວເດນລີ ຈຳເປັນຕ້ອງໃຊ້ມາດຕະການສຸກເສີນ ສຳລັບ “ຄ່າທຳນຽມພິເສດໂຄໂຣນາ” ເຊິ່ງ ທ່ານ ເກດໄຣວັລ ໄດ້ເຊັນລົງນາມບັງຄັບໃຊ້ແລ້ວ “ຈົນກວ່າຈະມີການປ່ຽນແປງພາຍຫຼັງ”.

ທັງນີ້, ຄ່າທຳນຽມພິເສດໂຄໂຣນາ ຂອງນະຄອນຫຼວງນິວເດນລີ ແມ່ນການເພີ່ມອັດຕາພາສີເຄື່ອງດື່ມແອລກໍຮໍ ອີກ 70% ຈາກລາຄາຂາຍຍ່ອຍແພງທີ່ສຸດ ຫຼັງຈາກທີ່ປະຊາຊົນຈຳນວນຫຼາຍໄປເຕົ້າໂຮມກັນຢູ່ຮ້ານຂາຍເຫຼົ້າ ແລະ ເຄື່ອງດື່ມແອລກໍຮໍຫຼາຍແຫ່ງ ເມື່ອວັນຈັນຜ່ານມາ ເຊິ່ງເປັນມື້ທຳອິດທີ່ລັດຖະບານອິນເດຍເລີ່ມຫຼຸດຜ່ອນມາດຕະການປິດເມືອງຂັ້ນທຳອິດ ນັບຕັ້ງແຕ່ມີການບັງຄັບໃຊ້ແຕ່ທ້າຍເດືອນມີນາເປັນຕົ້ນມາ ແລະ ສະຖານະການຕາມຮ້ານເຫຼົ້າຫຼາຍແຫ່ງກາຍເປັນບ່ອນເກີດການເຕົ້າໂຮມ ແລະ ຄວາມວຸ່ນວາຍ ຈົນຕຳຫຼວດຕ້ອງອອກມາຄວບຄຸມເຫດການດັ່ງກ່າວ.

ในภาพอาจจะมี 2 คน, ผู้คนกำลังยืน, ผู้คนกำลังเดิน และ สถานที่กลางแจ้ง

ຂະນະທີ່ມີລາຍງານກ່ຽວກັບບັນຍາກາດດຽວກັນນີ້ ຢູ່ຕາມຫຼາຍເມືອງໃຫຍ່ເຊັ່ນກັນ ເຊິ່ງການທີ່ນາຍົກລັດຖະມົນຕີ ນະເຣນທຣາ ໂມດີ ອະນຸບາດໃຫ້ບັນດາສະຖານທີ່ປະກອບການຈຳໜ່າຍເຄື່ອງດື່ມແອລກໍຮໍກັບມາເປີດບໍລິການໄດ້ ອາດຈະເປັນໄປຕາມຄວາມຮຽກຮ້ອງຕ້ອງການ ແລະ ຄວາມກົດດັນຂອງຫຼາຍລັດ ເຊິ່ງໃຫ້ເຫດຜົນວ່າ ທຸລະກິດເຄື່ອງດື່ມແອລກໍຮໍເປັນໜຶ່ງໃນແຫຼ່ງລາຍໄດ້ຈາກພາສີ ແຕ່ການບໍລິໂພກ ແລະ ຈຳໜ່າຍເຄື່ອງດື່ມປະເພດດັ່ງກ່າວຍັງເປັນສິ່ງຜິດກົດໝາຍຂອງລັດຄະຊະຣາດ.

ອີກປະການໜຶ່ງຜູ້ນຳອິນເດຍ ໄດ້ຜ່ອນຄາຍມາດຕະການປິດເມືອງສຳລັບຂະແໜງກະສິກຳ ແລະ ອຸດສາຫະກຳບາງປະເພດ ເມື່ອເດືອນເມສາຜ່ານມາ ຕໍ່ມາໄດ້ອະນຸຍາດໃຫ້ຫ້ອງການກັບມາເປີດທຳການອີກຄັ້ງ ເມື່ອວັນຈັນຜ່ານມາ ແຕ່ຈຳກັດຄົນພາຍໃນສະຖານທີ່ຕ້ອງບໍ່ເກີນ 1 ໃນ 3 ຂອງພະນັກງານທັງໝົດ.

ປັດຈຸບັນ ອິນເດຍມີຜູ້ປ່ວຍສະສົມຈາກໂຄວິດ-19 46.466 ຄົນ ເສຍຊີວິດ 1.571 ຄົນ ແລະ ປິ່ນປົວເຊົາແລ້ວ 12.849 ຄົນ ໂດຍປະເທດອິນເດຍມີປະຊາກອນປະມານ 1,3 ຕື້ຄົນ.