ຮູ້ແລ້ວຄົນປ່ອຍຂ່າວປອມຜູ້ນໍາ ສປປ ເກົາຫຼີ ບໍ່ສະບາຍ

1233

ເຖຢົງໂຮ (Thae Yong Ho) ອະດິດທູດເກົາຫຼີເໜືອ ປະຈໍາອັງກິດ ທີ່ໄດ້ຫຼົບໜີຈາກເກົາຫຼີເໜືອ ໄປສູ່ເກົາຫຼີໃຕ້ ໃນປີ 2016, ໄດ້ອອກມາຂໍໂທດຕໍ່ມວນຊົນໃນມື້ນີ້ ວັນທີ 4 ພຶດສະພາ 2020 ໃນການປ່ອຍຂ່າວປອມວ່າ ທ່ານ ກິມຈົງອູນ ກຳລັງປ່ວຍໜັກ.

ໂດຍ ທ່ານ ເທ ກ່າວວ່າ: “ຂ້າພະເຈົ້າຮູ້ວ່າໜຶ່ງໃນສາເຫດທີ່ປະຊາຊົນເລືອກຂ້າພະເຈົ້າມາເປັນສະມາຊິກສະພາເກົາຫຼີໃຕ້ ແມ່ນເພື່ອວິເຄາະ ແລະ ຄາດການກ່ຽວກັບເກົາຫຼີເໜືອ ໃຫ້ຖືກຕ້ອງຕື່ມ. ແຕ່ຂ້າພະເຈົ້າຮູ້ສຶກຜິດຕໍ່ປະຊາຊົນເກົາຫຼີໃຕ້ ແລະ ມີຄວາມຜິດອັນໜັກໜ່ວງ, ເຖິງຢ່າງໃດກໍຕາມ ຂ້າພະເຈົ້າຕ້ອງຂໍໂທດ”

ທ່ານ ເທ ເຄີຍເປັນຮອງເອກອັກຄະລັດຖະທູດເກົາຫຼີເໜືອ ປະຈຳອັງກິດ ແລະ ໄດ້ຫຼົບໜີອອກປະເທດສູ່ເກົາຫຼີໃຕ້ໃນປີ 2016, ເຊິ່ງປັດຈຸບັນ, ເທ ເປັນ 1 ໃນ 2 ສະມາຊິກສະພາເກົາຫຼີໃຕ້ ທີ່ຫຼົບໜີອອກຈາກເກົາຫຼີເໜືອ, ໂດຍທ່ານເຄີຍຢືນຢັນວ່າ “ທ່ານ ກິມຈົງອູນ ກຳລັງມີອາການເຈັບຢ່າງໜັກໜ່ວງ ຈົນເຖີງຂັ້ນບໍ່ສາມາດຢືນຂຶ້ນໄດ້”.

ເຊິ່ງປັດຈຸບັນ, ພັກປະຊາທິປະໄຕ ໃນເກົາຫຼີໃຕ້ ກຳລັງຕໍາໜິ ທ່ານ ເທ ຢ່າງໜັກ ເນື່ອງຈາກສະໜອງຂໍ້ມູນບໍ່ຖືກຕ້ອງ ສົ່ງຜົນກະທົບໜັກໜ່ວງ, ເຮັດໃຫ້ເກີດມີບັນຫາເລັກໜ້ອຍໃນຊາຍແດນສອງປະເທດ ໂດຍມີສະມາຊິກພັກບາງຄົນອອກມາຂັບໄລ່ ທ່ານອອກຈາກຄະນະກຳມະການສາຍລັບ ແລະ ການທະຫານ.

ຈາກຣອຍເຕິ