ຄົນຈີນແຫ່ທ່ອງທ່ຽວໃນປະເທດຫຼັງໂຄວິດສະຫງົບ

414

ຄົນຈີນແຫ່ທ່ອງທ່ຽວໃນປະເທດ23ລ້ານຄົນເນື່ອງໃນວັນພັກຫຼາຍເມື່ອທ້າຍອາທິດທີ່ຜ່ານມາຄາດການເງິນສະພັດເກືອບ10.000ລ້ານຢວນ.

ກະຊວງຖະແຫຼງຂ່າວ ແລະ ວັດທະນະທໍາຈີນລາຍງານວ່າ:ປະຊາຊົນຈີນຫຼາຍກວ່າ23ລ້ານຄົນອອກເດີນທາງທ່ອງທ່ຽວພາຍໃນປະເທດເນື່ອງໃຈວັນພັກຫຼາຍວັນມື້ທ້າຍອາທິດທີ່ຜ່ານມາເປັນຕົ້ນໃນວັນກໍາມະກອນທີ່ຜ່ານມາເຮັດໃຫ້ລາຍຮັບຈາກການທ່ອງທ່ຽວພາຍໃນປະເທດມີກວ່າ9,7ຕື້ຢວນຫຼືປະມານ1,38ຕື້ໂດລາ.

ໂດຍສະຖານທີ່ທ່ອງທ່ຽວລະດັບ5ດາວລວມທັງໝົດ8.498ແຫ່ງເປີດໃຫ້ບໍລິການຕ້ອນຮັບນັກທ່ອງທ່ຽວຄິດເປັນອັດຕາສ່ວນປະມານ70%ຂອງທັງໝົດ,ຢ່າງໃດກໍຕາມສະຖານທີ່ຕ່າງໆເປີດຮັບນັກທ່ອງທ່ຽວບໍ່ກາຍ30%ຂອງຄວາມຈຸສູງສຸດທີ່ຮັບໄດ້.

ທັງນີ້,ວັນກໍາມະກອນຂອງຈີນໃນປີນີ້ເລີ່ມຕັ້ງແຕ່ວັນທີ1ເດືອນ ພຶດສະພາ ແລະ ຈະໄປສິ້ນສຸດໃນວັນທີ5ເດືອນ ພຶດສະພາຍາວ5ມື້ຊ້ອນ.