ນາຍົກລັດຖະມົນຕີ​ເຢຍລະ​ມັນ​ຮຽກຮ້ອງ​ໃຫ້​ທົ່ວ​ໂລກ​ຮ່ວມ​ກັນ​ຄົ້ນຄວ້າ​ຢາ​ວັກ​ແຊງ​ຕ້ານ​ພະຍາດ COVID-19

608

ວັນ​ທີ 2 ​ພຶດສະພາ​ນີ້, ທ່ານນາງ​ແອ​ງ​ເຈ​ວລາ ​ເມີ​ເຄວ ນາຍົກລັດຖະມົນຕີ​ເຢຍລະ​ມັນ​ໄດ້​ກ່າວ​ປາ​ໄສຜ່ານ​ທາງ​ວິ​ດີ​ໂອ
​ໂດຍ​ໄດ້ຮຽກຮ້ອງ​ທົ່ວ​ໂລກ​ຮ່ວມ​ກັນ​ຄົ້ນຄວ້າ​ພັດທະນາ​ຢາ​ວັກ​ແຊງ​ຕ້ານ​ພະຍາດ
COVID-19 ​ແລະ​ກ່າວ​ເນັ້ນ​ວ່າ​: ອົງການ​ອະນາ​ໄມ​ໂລກ​ໄດ້​ເສີມ​ຂະຫຍາຍ​ບົດ​ບາດ​ທີ່​ສຳຄັນ​ໃນ​ການ​ຕ້ານ​ພະຍາດ.

ທ່ານ​ນາງຍັງ​ກ່າວ​ອີກວ່າ:ພະຍາດ COVID-19 ​ເປັນ​ພະຍາດ​ທີ່​ແຜ່​ລະບາດ​ໄປ​ໃນ​ທົ່ວ​ໂລກ, ບັນດາ​ປະ​ເທດ​ຕ້ອງ​ຮ່ວມມື​ກັນ,
ບໍ່​ຄວນ​ຕໍ່ສູ້​ພຽງ​ລຳພັງ. ການ​ຄົ້ນຄວ້າ ​ພັດທະນາ​ຢາ​ວັກ​ແຊງ​ບໍ່​ພຽງ​ແຕ່​ແມ່ນ​ໂອກາດ​ຂອງ​ບັນດາ​ປະ​ເທດ​ຈະ​ປະຕິບັດ​ງານຮ່ວມ​ກັນ​ເທົ່າ​ນັ້ນ,
ຍັງ​ເປັນ​ເລື່ອງ​ທີ່​ຈຳ​ເປັນ​ຕ້ອງ​ເຮັດ, ​ໃນຂະນະ​ດຽວ​ກັນ​ຄວນຮັບປະກັນ​ໃຫ້​ຢາ​ວັກ​ແຊງ​​ສົ່ງ​ຜົນ​ປະ​ໂຫຍ​ດ​ໃຫ້​ທຸກ​ຄົນ​.

ທ່ານ​ນາງ​ກ່າວ​ຕື່ມ​ວ່າ: ອົງການ​ອະນາ​ໄມ​ໂລກ​ໄດ້​ເສີມ​ຂະຫຍາຍ​ບົດບາດ​ທີ່​ສຳຄັນ​ໃນ​ການ​ຄົ້ນຄວ້າ​ພັດທະນາ​ຢາ​ວັກ​ແຊງ
​ແລະ​ຕ້ານ​ພະຍາດ COVID-19, ​ເຢຍ​ລະ​ມັນ​ຢາກ​​ຮ່ວມ​ມື​ຢ່າງ​​​ໃກ້ຊິດກັບ​ອົງການ​ອະນາ​ໄມ​ໂລກ.