ສ.ເກົາ​ຫຼີ​ປະ​ກາດ​ເຂົ້​າ​ສູ່​ “ໄລ​ຍະ​ທັງ​ດຳ​ລົງ​ຊີ​ວິດ​ເປັນ​ປົກ​ກະ​ຕິ ​ທັງ​ຕ້ານ​ພະ​ຍາດ” ແຕ່​ວັນ​ທີ 6 ພຶດ​ສະ​ພາ​ນີ້

492

ໂດຍ​ພິ​ຈາ​ລະ​ນາ​ເຖິງ​ສະພາບພະ​ຍາ​ດ COVID19 ຢູ່ປະເທດຕົນ ໄດ້​ຮັບ​ການ​ຄວບ​ຄຸມ​ໄວ້ໃນ​ລະ​ດັບ​ໃດ​ໜຶ່ງ, ທ່ານຈູງເຊ​ກວິນ ນາ​ຍົກ​ລັດ​ຖະ​ມົນ​ຕີ​ສ.ເກົາ​ຫຼີ​ປະ​ກາດ​ວ່າ, ສ.ເກົາ​ຫຼີ​ຈະເຂົ້​າ​ສູ່​ “ໄລ​ຍະ​ທັງ​ດຳ​ລົງ​ຊີ​ວິດ​ເປັນ​ປົກ​ກະ​ຕິ ​ທັງ​ຕ້ານ​ພະ​ຍາດ” ແຕ່​ວັນ​ທີ 6 ພຶດ​ສະ​ພາ​ນີ້ເປັນຕົ້ນໄປ.

ໃນ​ເວ​ລາເປັນປະທານໄຂ​ກອງ​ປະ​ຊຸມ​ຂອງອົງການແກ້​ໄຂ​ບັນ​ຫາ​ໄພ​ພິ​ບັດ​ສູນ​ກາງ​ໃນ​ຕອນ​ບ່າຍ​ມື້​ດຽວ​ກັນ, ທ່ານຈູງເຊ​ກວິນ​ກ່າວ​ວ່າ, ຖ້າ​ການ​ປ້ອງ​ກັນ​ຄວບ​ຄຸມ​ພະ​ຍາດຍັງຄົງ​ຮັກ​ສາ​ຄວາມ​ໝັ້ນທ່ຽງ​ຄື​ປັດ​ຈຸ​ບັນ, ຫວັງ​ວ່າ​ກະ​ຊວງ​ສຸ​ຂະ​ພາບ​ແລະ​ຄວາມ​ສຸກ ແລະ ອົງການຄຸ້ມ​ຄອງ​ພະ​ຍາດ​ ຈະ​ສາ​ມາດ​ພິ​ຈາ​ລະ​ນາ​ປັບ​ປຸງ​ລະ​ດັບ​ເຕືອນໄພ​ວິ​ກິດ​ການ​ພະ​ຍາດ​ແຜ່​ລະ​ບາດ. ນັບ​ແຕ່​ວັນ​ທີ 23 ກຸ​ມ​ພາ​ແລ້ວ​ນີ້ເປັນຕົ້ນມາ, ລະ​ດັບ​ເຕືອນໄພ​ວິ​ກິດ​ການ​ພະ​ຍາດ COVID19 ຂອງ​ສ.ເກົາ​ຫຼີ​ໄດ້ຮັກສາຢູ່ໃນ​ລະ​ດັບ “ຮ້າຍ​ແຮງ​” ເຊິ່ງເປັນລະດັບສູງສຸດມາໂດຍ​ຕະ​ຫຼອດ.

ຂໍ້​ມູນ​ກ່ຽວ​ກັບພະ​ຍາ​ດ COVID19 ທີ່​ອົງການຄຸ້ມ​ຄອງ​ພະ​ຍາດ​ສ.ເກົາ​ປະ​ກາດ​ໃນ​ວັນ​ທີ 3 ພຶດ​ສະ​ພາ​ນີ້​ສະ​ແດງ​ໃຫ້​ເຫັນວ່າ, ນັບແຕ່ 0 ໂມງວັນ​ທີ 2 ຫາ 0 ໂມງວັນ​ທີ 3 ພຶດ​ສະ​ພາຜ່ານມາ​ນີ້, ຢູ່​ສ.ເກົາ​ຫຼີ​ໄດ້​ມີ​ຜູ້ຖືກບົ່ງມະຕິເປັນພະ​ຍາ​ດ COVID19 ເພີ່ມ​ຂຶ້ນ 13 ກໍ​ລະ​ນີ, ໃນ​ນັ້ນ 10 ກໍ​ລະ​ນີ​ມາຈາກ​ຕ່າງ​ປະ​ເທດ. ຈົນ​ຮອດ 0 ໂມງວັນ​ທີ 3 ພຶດ​ສະ​ພາ​ນີ້, ສ.ເກົາ​ຫຼີ​ໄດ້​ມີ​ຜູ້​ຖືກບົ່ງ​ມະ​ຕິເປັນພະ​ຍາ​ດ COVID19 ລວມທັງໝົດ 1 ໝື່ນ 793 ກໍ​ລະ​ນີ, ໃນ​ນັ້ນ 250 ຄົນ​ເສຍ​ຊີ​ວິດ ແລະ ປົວ​ຫາຍດີແລ້ວ 9.183 ກໍ​ລະ​ນີ.

ແຫຼ່ງຂ່າວ ຊີອາໄອ