ຈີນເດີນໜ້າປັບປຸງຄວາມມີອະນາໄມໃນທີ່ສາທາລະນະ

595

 

ເຈົ້າຄອງນະຄອນຫຼວງປັກກິງຂອງຈີນໃຫ້ຮູ້ວ່າ:ທາງການປັກກິງໄດ້ສັ່ງຫ້າມປະຊາຊົນເຮັດພຶດຕິກໍາທີ່ຖືວ່າບໍ່ມີວັດທະນະທໍາເຊັ່ນບໍ່ປິດປາກ ແລະ ດັງເວລາໄອຫຼືຈາມຕາມມາດຕະການທີ່ປະກາດທີ່ປະກາດໃຊ້ເພື່ອປັບປຸງມີຄວາມມີອະນາໄມໃນທີ່ສາທາລະນະຫຼັງການລະບາດຄັ້ງໃຫຍ່ຂອງໂຄວິດ-19ໃນປະເທດ.

ກົດລະບຽບໃໝ່ນີ້ມີຈຸດປະສົງໃນການສົ່ງເສີມພຶດຕິກໍາທີ່ມີວັດທະນະທໍາ ແລະ ມີຄວາມກ່ຽວຂ້ອງກັບການຄວບຄຸມການລະບາດຂອງໂຄວິດ-19ທີ່ມີຜູ້ຕິດເຊື້ອໃນປະເທດຈີນຫຼາຍກວ່າ82.000ຄົນ.

ທາງການປັກກິງປະກາດຜ່ານເວັບໄຊວ່າ:ຜູ້ໃດທີ່ລະເມີດກົດລະບຽບໃໝ່ນີ້ເຊິ່ງກໍານົດໃຫ້ໃສ່ໜ້າກາກອະນາໄມໃນສະຖານທີ່ສາທາລະນະເມື່ອມີການເຈັບເປັນຈະຖືກລົງໂທດດ້ວຍການປັບໃໝເງິນ,ນອກຈາກນັ້ນແລ້ວກົດລະບຽບໃໝ່ຍັງໃຫ້ສະຖານທີ່ສາທາລະນະຕ່າງໆຂຽນເຄື່ອງໝາຍກໍານົດໄລຍະຫ່າງ1ແມັດເອົາໄວ້ນໍາອີກ ແລະ ກະກຽມໄມ້ທູ່ ແລະ ບ່ວງກາງສໍາລັບການຮັບປະທານອາຫານຮ່ວມກັນ.

ຂະນະທີ່ປະຊາຊົນທົ່ວໄປຈະຕ້ອງແຕ່ງຕົວໃຫ້ເປັນລະບຽບຮຽບຮ້ອຍເວລາຢູ່ໃນສະຖານທີ່ສາທາລະນະ ແລະ ຫ້າມແກ້ເສື້ອເດັດຂາດ.