ຈີນ ມີຜູ້ປິ່ນປົວເຊົາຈາກໂຄວິດ ແລະ ອອກຈາກໂຮງໝໍ ເພິ່ມອີກ 80 ຄົນ

459

ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນຈັນ ທີ 27 ເມສາ ວ່າ ຄະນະກຳມາທິການສາທາລະນະສຸກແຫ່ງຊາດຈີນ ອອກຖະແຫຼງການ ເມື່ອວັນຈັນ ເປັນການລາຍງານປະຈຳວັນຂອງສະຖານະການໂຄວິດ-19 ວ່າ ກວດພົບຜູ້ປ່ວຍໃໝ່ 3 ຄົນ ແບ່ງເປັນເດີນທາງມາຈາກຕ່າງປະເທດ 2 ຄົນ ແລະ ຕິດເຊື້ອ ພາຍໃນ 1 ຄົນ ໃນມົນທົນເຮຫຼົງຈຽງ ທາງພາກຕາເວັນອອກສຽງເໜືອ ມີຊາຍແດນຕິດກັບປະເທດຣັສເຊຍ ເພິ່ມສະຖິຕິຜູ້ປ່ວຍສະສົມເປັນຢ່າງໜ້ອຍ 82.830 ຄົນ.

ในภาพอาจจะมี หนึ่งคนขึ้นไป, ผู้คนกำลังยืน, เด็ก, รองเท้า และ สถานที่กลางแจ้ง

ທັງນີ້, ຍັງບໍ່ມີການຢັ້ງຢືນຜູ້ເສຍຊີວິດເພິ່ມ ເມື່ອວັນອາທິດ ຜ່ານມາ ແຕ່ມີການຮວບຮວມຂໍ້ມູນກ່ຽວກັບຜູ້ທີ່ເສຍຊີວິດກ່ອນໜ້ານັ້ນ 1 ຄົນ ອາໄສຢູ່ນະຄອນຫຼວງປັກກິ່ງ ເຊິ່ງໄດ້ຢືນຢັນການຊີວິດໃໝ່ ເປັນຄົນທຳອິດ ໃນຮອບເກືອບ 2 ອາທິດ ຫຼື ນັບແຕ່ວັນທີ 15 ເມສາ ຜ່ານມາ ແລະ ເພິ່ມສະຖິຕິຜູ້ເສຍຊີວິດສະສົມ ຢ່າງໜ້ອຍ 4.633 ຄົນ.

ในภาพอาจจะมี หนึ่งคนขึ้นไป, ต้นพืช, ต้นไม้, ดอกไม้, สถานที่กลางแจ้ง และ ธรรมชาติ

ສ່ວນຜູ້ທີ່ໄດ້ຮັບການປິ່ນປົວເຊົາດີແລ້ວ ເພິ່ມຂຶ້ນເປັນ 77.474 ຄົນ ຫຼັງຈາກຫຼ້າສຸດ ມີຜູ້ອອກຈາກໂຮງໝໍເພິ່ມອີກ 80 ຄົນ ແລະ ຍັງເຫຼືອຜູ້ປິ່ນປົວໃນລະບົບຢ່າງນ້ອຍ 723 ຄົນ ໃນຈຳນວນນີ້, 52 ຄົນ ຍັງມີອາການຮ້າຍແຮງ. ນອກຈາກນີ້, ມີຜູ້ຕິດເຊື້ອບໍ່ສະແດງອາການ ເຊິ່ງຍັງຢູ່ພາຍໃຕ້ການເຝົ້າລະວັງອາການຈາກໝໍອີກ 974 ຄົນ.