ຜູ້ໂດຍສານທາງອາກາດປີນີ້ຄາດຈະຫຼຸດລົງກວ່າຕື້ຄົນ

488

ອົງການການບິນພົນລະເຮືອນສາກົນຫຼືໄອຊີເອໂອຄາດຄະເນວ່າ:ໂຄວິດ-19ອາດຈະເຮັດໃຫ້ຈໍານວນຜູ້ໂດຍສານເຮືອບິນທົ່ວໂລກຫຼຸດລົງເຖິງ1.200ຄົນພາຍໃນເດືອນ ກັນຍາທີ່ຈະເຖິງນີ້.

ໄອຊີເອໂອເຊິ່ງເປັນໜ່ວຍງານຂອງອົງການສະຫະປະຊາຊາດຫຼືສປຊມີສໍານັກງານໃຫຍ່ຕັ້ງຢູ່ທີ່ນະຄອນ ມອນທຣີອອນຂອງປະເທດ ການາດາແຈ້ງການວ່າ:ຈໍານວນຜູ້ໂດຍສານທີ່ຄາດຄະເນວ່າຈະຫຼຸດລົງຫຼາຍທີ່ສຸດຈະຢູ່ໃນທະວີບເອີຣົບໂດຍສະເພາະໃນລະດູການທ່ອງທ່ຽວທີ່ມັກຄຶກຄັກທີ່ສຸດໃນລະດູຮ້ອນ.

ຕາມມາດ້ວຍທະວີບອາຊີຂະນະທີ່ທ່າແຮງຂອງສາຍການບິນກໍຫຼຸດລົງຫຼາຍເຊັ່ນກັນ,ສາຍການບິນທົ່ວໂລກອາດຈະມີລາຍໄດ້ໄລຍະ9ເດືອນທໍາອິດຂອງປີນີ້ຫຼຸດລົງເຖິງ160.000-253.000ລ້ານໂດລາ.

ຕົວເລກເຫຼົ່ານີ້ສູງກວ່າທີ່ໄອຊີເອໂປະເມີນໄວ້ເມື່ອເດືອນ ກຸມພາທີ່ຜ່ານມາຂະນະນັ້ນໂຄວິດເບິ່ງຄືວ່າຈະຈໍາກັດການລະບາດຢູ່ໃນຈີນເນື່ອງຈາກຈໍານວນຜູ້ເສຍຊີວິດເກືອບທັງໝົດຈາກ1.400ຄົນໃນເວລານັ້ນຢູ່ໃນຈີນ.