ກວ່າ 9 ພັນຄົນ ຜູ້ຕິດເຊື້ອໂຄວິດ-19 ໃນປະເທດສິງກະໂປ ສ່ວນໃຫຍ່ເປັນແຮງງານຕ່າງດ້າວ

601

ສຳນັກຂ່າວຕ່າງປະເທດລາຍງານຈາກປະເທດສິງກະໂປ ເມື່ອວັນອັງຄານ ທີ 21 ເມສາ ວ່າ ກະຊວງສາທາລະນະສຸກສິງກະໂປ ອອກຖະແຫຼງການ ເມື່ອວັນອັງຄານ ເປັນການລາຍງານສະພາບການໂຄວິດ-19 ໃນຮອບປະຈຳວັນ ຜ່ານມາ ວ່າ ຈຳນວນຜູ້ເສຍຊີວິດຍັງຄົງທີ່ 11 ຄົນ ແຕ່ໄດ້ຢືນຢັນມີຜູ້ປ່ວຍໃໝ່ 1.111 ຄົນ ເພິ່ມຈຳນວນຜູ້ຕິດເຊື້ອເປັນ 9.125 ຄົນ ແລະ ປິ່ນປົວເຊົາແລ້ວ 801 ຄົນ.

ในภาพอาจจะมี หนึ่งคนขึ้นไป, ผู้คนกำลังยืน, สถานที่ในร่ม และ สถานที่กลางแจ้ง

ທັງນີ້, ຜູ້ຕິດເຊື້ອສ່ວນໃຫຍ່ເປັນກຸ່ມແຮງງານຕ່າງດ້າວ ເຊິ່ງອາໄສຢູ່ໃນຫໍພັກແຮງງານທີ່ແອອັດ ແລະ ປັດຈຸບັນ ລັດຖະບານ ໄດ້ປະກາດໃຫ້ຫໍພັກທີ່ເປັນສະພາບແອອັດ ຢ່າງໜ້ອຍ 19 ແຫ່ງ ເປັນພື້ນທີ່ຄວບຄຸມດ້ານສາທາລະນະສຸກແລ້ວ ຂະນະດຽວກັນ ລາຍງານຂອງກະຊວງສາທາລະນະສຸກສິງກະໂປ ໄດ້ຄາດການຈຳນວນຜູ້ຕິດເຊື້ອໄວຣັສໂຄວິດ-19ໃນປະເທດຈະເພິ່ມຂຶ້ນອີກຫຼາຍ ເນື່ອງຈາກທາງການໄດ້ຂະຫຍາຍຂອບເຂດ ແລະ ເພິ່ມຄວາມເຂັ້ມງວດໃນການກວດຫາເຊື້ອ.

ในภาพอาจจะมี หนึ่งคนขึ้นไป, ผู้คนกำลังยืน และ สถานที่กลางแจ้ง

ຂະນະດຽວກັນ, ໄອຍະການຂອງສິງກະໂປ ໄດ້ດຳເນີນຄະດີຜູ້ຕ້ອງຫາ 3 ຄົນ ໜຶ່ງໃນນັ້ນເປັນຄົນສະຫະລັດ ໂດຍທຸກຄົນມີປະຫວັດຫາກໍ່ເດີນທາງກັບຈາກຕ່າງປະເທດ ແຕ່ລະເມີດຄຳສັ່ງກັກຕົວ 14 ວັນ. ຖ້າສານຕັດສິນວ່າມີຄວາມຜິດ ທັງ 3 ຄົນ ອາດຕ້ອງຈຳຄຸກສູງສຸດ 6 ເດືອນ, ປັບໄໝ 10 ພັນໂດລາສິງກະໂປ (ປະມານ 62,8 ລ້ານກີບ) ຫຼື ທັງຈຳທັງປັບ.

ในภาพอาจจะมี หนึ่งคนขึ้นไป, ผู้คนกำลังยืน และ สถานที่ในร่ม

ນອກຈາກນີ້, ຄະນະກຳມະການສະເພາະກິດ ລະຫວ່າງ ກະຊວງຂອງສິງກະໂປ ເພື່ອຕອບສະໜອງວິກິດການໂຄວິດ-19 ໄດ້ລາຍງານວ່າ ເຈົ້າໜ້າທີ່ສັ່ງປັບໄໝຜູ້ລະເມີດ 9 ຄົນ ຈຳນວນ 1 ພັນໂດລາ (ປະມານ 6,28 ລ້ານກີບ) ຕໍ່ຄົນ ໂທດຖານລະເມີດມາດຕະການໄລຍະຫ່າງທາງສັງຄົມຊ້ຳເປັນຄັ້ງທີ 2.