ຈີນ ເຫຼືອຜູ້ປ່ວຍໂຄວິດ-19 ປິ່ນປົວໃນໂຮງໝໍ 1 ພັນຄົນ

614

ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນອັງຄານ ທີ 21 ເມສາ ວ່າ ຄະນະກຳມາທິການສາທາລະນະສຸກແຫ່ງຊາດຈີນ ຖະແຫຼງການ ເມື່ອວັນອັງຄານ ວ່າ ສະພາບການປະຈຳວັນຂອງພະຍາດໂຄວິດ-19 ປັດຈຸບັນ ຈຳນວນຜູ້ເສຍຊີວິດຍັງຄົງທີ່ 4.632 ຄົນ ແລະ ຢືນຢັນພວກພົບຜູ້ປ່ວຍໃໝ່ 11 ຄົນ ໂດຍ 4 ຄົນ ເດີນທາງຈາກຕ່າງປະເທດ ແລະ 7 ຄົນ ຕິດເຊື້ອພາຍໃນ ເຮັດໃຫ້ມີຜູ້ປ່ວຍສະສົມທັງໝົດ 82.758 ຄົນ.

ในภาพอาจจะมี หนึ่งคนขึ้นไป, ผู้คนกำลังยืน และ สถานที่กลางแจ้ง

ຈຳນວນຜູ້ຕິດເຊື້ອບໍ່ສະແດງອາການກວດພົບເພິ່ມອີກ 37 ຄົນ ໂດຍຜູ້ຕິດເຊື້ອກຸ່ມນີ້ ເຊິ່ງໄດ້ຕິດຕາມອາການຢ່າງໃກ້ຊິດ ປະມານ 992 ຄົນ. ນອກຈາກນີ້, ຄະນະແພດໄດ້ອະນຸຍາດໃຫ້ຜູ້ປ່ວຍອີກ 39 ຄົນ ສາມາດກັບເມື່ອພັກຟື້ນຢູ່ເຮືອນໄດ້ ຈຶ່ງເຮັດໃຫ້ຈຳນວນການປິ່ນປົວເຊົາແລ້ວມີທັງໝົດ 77.123 ຄົນ ສ່ວນຜູ້ປ່ວຍທີ່ຍັງປິ່ນປົວຢູ່ໂຮງໝໍ ຍັງເຫຼືອ 1.003 ຄົນເທົ່ານັ້ນ ໂດຍໃນຈຳນວນນີ້ 82 ຄົນອາການວິກິດ.