ສາທາລະສຸກຈີນ ຢືນຢັນພົບຜູ້ປ່ວຍໂຄວິດ-19 ບໍ່ສະແດງອາການເພິ່ມອີກ 44 ຄົນ

682

ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນອາທິດ ທີ 19 ເມສາ ວ່າ ຄະນະກຳມາທິການສາທາລະນະສຸກແຫ່ງຊາດຈີນ ອອກຖະແຫຼງການ ເມື່ອວັນອາທິດ ເປັນລາຍງານປະຈຳວັນຂອງສະຖານະການແຜ່ລະບາດເຊື້ອໄວຣັສໂຄວິດ-19 ວ່າ ຢືນຢັນກວດພົບຜູ້ປ່ວຍໃໝ່ອີກ 16 ຄົນ ໃນຮອບ 24 ຊົ່ວໂມງ ຜ່ານມາ ໂດຍທັງໝົດແມ່ນເດີນທາງມາຈາກຕ່າງປະເທດ ເພິ່ມສະຖິຕິຜູ້ປ່ວຍສະສົມຢ່າງໜ້ອຍ 82.735 ຄົນ.

ในภาพอาจจะมี 2 คน, ท้องฟ้า, ตึกระฟ้า และ สถานที่กลางแจ้ง

ຂະນະດຽວກັນ, ບໍ່ມີການລາຍງານຜູ້ເສຍຊີວິດເພິ່ມ ໃນຮອບ 24 ຊົ່ວໂມງ ຂອງວັນດຽວກັນ ໂດຍສະຖິຕິສະຜູ້ເສຍຊີວິດ ຍັງຄົງທີ່ 4.632 ຄົນ ສ່ວນຜູ້ຕິດເຊື້ອບໍ່ສະແດງອາການ ໄດ້ຮັບການຢືນຢັນເພິ່ມອີກ 44 ຄົນ ເພິ່ມສະຖິຕິສະສົມຜູ້ປ່ວຍກຸ່ມນີ້ຢ່າງໜ້ອຍ 999 ຄົນ ສ່ວນຜູ້ປ່ວຍຍັງເຫຼືອຢູ່ໃນລະບົບຢ່າງໜ້ອຍ 1.041 ຄົນ ລວມທັງຜູ້ປ່ວຍທີ່ອາການຮ້າຍແຮງ 85 ຄົນ ແລະ 33 ຄົນ ປິ່ນປົວເຊົາ ແລະ ສາມາດກັບເມືອພັກຟື້ນຢູ່ບ້ານ ໃນຮອບວັນຜ່ານມາ ເພິ່ມສະຖິຕິປິ່ນປົວເຊົາແລ້ວຢ່າງໜ້ອຍ 77.062 ຄົນ.